A sobre explotación dunha saga, nótase ao longo dos anos

A sobre explotación dunha saga, nótase ao longo dos anos

SuperData, unha empresa de analistas deste mundo é quen lanza a nova á rede, asegurando que será un ano de grandes estreas sobre franquías ben coñecidas, como son Resident Evil e Call of Duty.

No caso de Black Ops 3, avanzan que será a finais deste ano cando a nova entrega desta rendíbel saga de disparos chegará ás tendas, mentres que no caso de Resident Evil, non se aventuran a especificar unha data.

De todos os xeitos, simplemente falamos de especulación, xa que non hai confirmación ningunha por parte de Activision nin Capcom, mais non é un aliciente máis para volvernos preguntar o de sempre.

Está xustificada esta sobreexplotación de títulos?

Que caducidade ten unha saga en que a orixinalidade se esgotou fai anos (nos dous casos), mais que o nome continúa a resoar con suficiente forza na cabeza dos xogadores, que seguen dándolle oportunidades perdidas?

Entendo que arriscarse con novas IPs pode resultar fatídico para unha desenvolvedora, mais, canto están dispostos a aguantar os consumidores de videoxogos a manter viva unha saga?

Os gamers claman por innovación, novas ideas, mais son un fato de hipócritas. Só hai que ver as vendas do último FIFA, Madden, Call of Duty ou Battlefield e comparalas cos xogos máis innovadores, como Portal. Que non estades de acordo? Dade unha ollada ao vídeo e despois comentade…

Canal | The Game Theorist

Se aquí falabamos dos xogos máis agardados do ano, nesta ocasión falarei dos xogos menos agardados por min neste ano 2014. Ó igual que no anterior artigo, os xogos irán ordeados por orde alfabética.

 

1 – Assassin’s Creed V e VI (PS3, PS4, Xbox 360, Xbox One)

assassins_creed_future_header

Comezamos forte o artigo, cunha das franquicias máis recoñecidas da anterior xeración, pero, cabaleiros de Ubisoft, xa pasamos o límite fai tempo. Xa agotástedes a franquicia ate o punto de ter que desprazarvos de época para acadar unhas ventas respetábeis. Xa chegou, deixade que a saga morra ou, polo menos, metédea no conxelador un intre para ter tempo de pensar o que queredes facer e non dinamitar a saga, que é o que estades a facer. E non tedes pensado publicar un xogo no 2014, tedes pensado sacar dous.

 

2 – Call of duty (PS3, PS4, PC, Xbox 360, Xbox One)

cod2014-620x360

Ó igual que no caso anterior, Activision, estou comezando a confirmar o meu pensamento de que unha das peores cousas que ocorreron nesta industria foi o acertado reinicio da saga naquel sobresaínte Modern Warfare. A saga leva sendo repetitiva dende a seguinte entrega, moito efecto, moitas partículas, moita polémica ca xa lexendaria fase “No Russian”, pero é outra pita dos ovos de ouro que estades afogando. As análises xa dan por segura unha baixada de ventas na nova xeración debido, precisamente, o desgaste ó que sometestes á saga publicando unha entrega anual. Call of Duty necesita un repouso.

 

3 – Donkey Kong Country: Tropical Freeze (Wii U)

2406627-7558528740-donke

Nunca me gustou Donkey Kong,  e moito menos me gusta que, nunha xeración na que a tecnoloxía permitirá realizar auténticas maravillas, Nintendo apareza agora cun xogo con vista lateral. Creo que tamén sería o momento de que decidiran arriscar cunha versión rompedora, como foi o Mario 64 no seu momento ou como foi o Mario Galaxy uns cantos anos máis tarde. Xa que Wii U técnicamente non está ó nivel das consolas de nova xeración, é necesario que marquen a diferenza dalgún modo, e continuar a saga tal e como leva sendo dende fai moitísimo tempo, non é unha boa maneira de facelo.

 

4 – Dying light (PS3, PS4, PC, Xbox 360, Xbox One)

16

¿É unha boa idea mesturar Mirror’s Edge con Dead Island? Eu non o creo, pero parece que a xente que conforma Techland pensa que si que é unha boa idea. E se a maiores lle engadimos a coletilla “Survival Horror” xa temos o enxendro completo. Un xogo no que levas armas dabondo para aniquilar un pequeno país ou no que podes botar a correr e escalar casas e muros para evitar a aqueles enemigos que non sexamos quen de masacrar pode ser chamativo, pero se estes enemigos son zombies, un xa está máis que saturado de xogos de apretar o gatillo ate que a pistola/fusil/escopeta estea totalmente valeira. Quero algo diferente, un survival de verdade, e estou seguro de que unha mestura como esta non vai ser ese algo.

 

5 – Elder Scrolls Online (PC, Mac, PS4, Xbox One)

images

O normal sería que voltar a visitar Tamriel fora para un xogador unha oportunidade para alegrarse e acudir a fume de carozo á tenda a mercar a copia que empregará para quedarse sen vida durante, como mínimo, próximas semanas. Se ademáis desto engadimos o feito de que este xogo sexa un multixogador online, o efecto debería ser o de xa non ir a fume de carozo, senón o de montar no coche e aparcalo diante da porta da tenda para evitar que ninguén poida arrebatarche esa copia que ten o teu nome. O xogo sitúanos 800 anos antes de Oblivion e 1000 antes de Skyrim e promete contar, seguindo a liña típica da saga, cun mundo aberto e a posibilidade de poder facer, casi literalmente, o que queiramos. E con todo isto preguntarédesvos o motivo de que este xogo estea nesta lista en lugar destar na dos 15 xogos máis agardados. A resposta é un número: 12.99, que son os euros que teremos que pagar cada mes se queremos desfrutar de Elder Scrolls Online.

 

6 – Godus (PC)

Project-Godus

Molyneux, a min non ma colas outra vez. Desta xa aprendín.

 

7 – Lego: The Hobbit (PS3, PS4, Xbox 360, Xbox One, PC, 3DS, Wii U)

lego_the_hobbit-2414610

A coña do Lego: Star Wars estivo moi ben, a de Lego: Indiana Jones xa comezou a saturar, e co Lego: Batman xa remataches, todas as demais entregas xa son darlle voltas unha e outra vez ó mesmo. Un novo exemplo do modo de matar unha franquicia por éxito.

 

8 – Mad Max (PS3, PS4, Xbox 360, Xbox One, PC)

mad-max-2013613115231_1

O enésimo videoxogo que sairá misteriosamente ó mesmo tempo co novo filme. Aínda que ven dos creadores de Just Cause, non agardo moito del. Quizáis é o xogo que máis dubidosamente está nesta lista, xa que a combinación de sandbox e a ambientación son atractivos, téñeme pinta de publicidade para o filme máis que dun xogo realmente bó.

 

9 – Plants vs. Zombies: Garden Warfare (Xbox 360, Xbox One, PC)

maxresdefault

Nunca me chamou especialmente a saga Plants vs. Zombies, pero vendo o modo no que resultou o troco dunha saga como Worms ás 3 dimensións, as espectativas non son nada boas.

 

10 – RIOT (PC, iOS, Android, OUYA)

TwpJkFQ

A pesares de que nestes intres este xogo ten o potencial necesario polo seu argumento para ser un exitazo, e que a súa ambientación pode ser revolucionaria (nunca mellor dito) á mínima que consigan facelo medianamente ben, non me espero moitas cousas máis aló do aproveitamento da publicidade que de seguro van ter.

 

11 – The evil within (PS3, PS4, Xbox 360, Xbox One, PC)

1375383254-the-evil-within-1

Un xogo de Shinji Mikami nesta lista? Un xogo de terror de Shinji Mikami nesta lista? Si, un xogo de terror de Shinji Mikami nesta lista. Non dubido que será superior á meirande maioría dos xogos de medo que saen este ano, pero chéirame  a xogo de acción con catro pinceladas de terror que tira de cú. Espero estar trabucado e que sexa un xogo da vella escola, similar ás obras maestras feitas polo señor Mikami no pasado.

 

12 – The Sims 4 (PC)

images (1)

Volta o xogo casual orixinal. Que o merquen outros. Nunca me chamou a saga máis aló do mítico de metelos na piscina e quitarlles a escaleira ou encerralos nunha habitación sen porta de saída e non o vai comezar a facer agora.

 

13 – Thief (PS3, PS4, Xbox 360, Xbox One, PC)

thief-ps4

Outro rearranque dunha franquicia lexendaria, ó igual que fixeron con Tomb Raider. A diferenza é que neste caso, unha vez máis, ten pinta de que o troco vai levar tamén engadido o borrado de moitas das señas de identidade da saga para facela máis atractiva para os novos xogadores. E se a Thief lle quitamos o sixilo extremo, queda noutro xogo calquera de acción no que usamos o nome dunha franquicia coñecida para sumar ventas.

 

14 – Tom Clancy’s the division (PS4, Xbox One, PC)

image_tom_clancy_s_the_division-22299-2751_0002

Neste mismo mes de Xaneiro, os responsábeis do desenvolvemento deste xogo parece ser que declararon que tiñan o motor gráfico prácticamente finalizado, pero qeu o desenvolvemento do xogo en sí mesmo prácticamente non comezara. E se temos en conta que é un xogo MMO e, que en teoría outra vez, terá unhas mecánicas innovadoras, comeza a ter pinta de que un apartado do xogo vai quedar descompensado. E Ubisoft xa deixou claro que o motor gráfico non vai ser esa parte.

 

15 – Watch Dogs (PS3, PS4, Xbox 360, Xbox One, PC, ¿Wii U?)

watch-dogs-gameplay-ps4-móvil

Aínda non se confirmou a data de saída ó mercado e xa se confirmou o desenvolvemento de DLCs para o xogo. Textualmente os motivos dados foron: “porque temos moitas historias que contar acerca do mundo do xogo”. A miña pregunta é cal é o motivo de non meter esas historias dentro do propio xogo. Pode que sexa o segundo ou o terceiro xogo máis rechamante dos que sairán no 2014, e pode que sexa unha das propostas máis atractivas dos derradeiros anos, pero aínda teño algo de dignidade en temas de xogos e non me gusta que me tomen o pelo. Non o vou tocar ata que saia a versión GOTY con todos eses DLCs que non entran no xogo orixinal.

Análise de Call of Duty: Ghosts

Por: Martes, 19 de Novembro de 2013, 16:50 COMENTAR

COD Ghosts 3

Hai dous xogos que nunca faltan nunha campaña de Nadal, un é o FIFA e outro é o Call of Duty e baixo o sobrenome de Ghosts, Infinity Ward volve poñerse detrás dun título bélico que pretende seguir sorprendendo, mais que queda nunha posición moi pouco cómoda para seguir explotando a unha saga que aínda mantendo a dose de diversión, as sorpresas son mínimas ou nulas.

O guión de Call of Duty Ghosts sitúanos nun futuro no que despois do emprego de armas nucleares lanzadas dende o propio espazo a terra non é máis que un lugar lúgubre no que os únicos superviventes do bando perdedor son considerados como pantasmas (de aí o nome) os cales conseguiron manterse con vida grazas o seu adestramento e camuflaxe en todo tipo de terreos.

O resto xa case o podedes intuír verdade? Nós encarnaremos a un destes Ghost, aínda que pouco experimentado e teremos que facer fronte ao bando inimigo en diversas situacións.

COD Ghosts 1

Un guión bastante simple e sen sorpresas argumentais no que nos intenta facer superar misións das máis variadas, e quizais o consiga, mais o que non logra é que nos metamos na pel do protagonista.
Si, dende aquel impresionante Modern Warfare a saga quixo facernos vivir momentos espectaculares nos máis recógnitos lugares, e en Call of Duty: Ghosts lévanos a localizacións bastante dispares entre si, misións baixo o mar, cidades asolagadas, control de helicópteros e incluso nos leva ao propio espazo exterior, mais o que non sabe facer é emocionarnos en cada unha desas misións.

Será porque xa non sorprende e contamos co que imos atopar? Será porque Infinity Ward non pon o empeño que debería nestas sagas porque saben que van vender exactamente o mesmo? Sexa polo que sexa non logra que o xogador se emocione avanzando no xogo.
E penso eu, será tan complexo involucrar ao xogador no título? Por que o conseguiron no Modern Warfare?

Se somos honestos teñen moito camiño andado, porque xa teñen unha xogabilidade perfecta, repite exactamente a mesma que en títulos anteriores, pero se algo funciona para que o queren cambiar. Parécenme sublimes os controis desta saga, e esta última entrega non ía ser menos, incluso en misións nas que pilotamos un helicóptero ou un tanque, o control adáptase perfectamente ao pad da consola permitíndonos reaccionar en milésimas de segundos ante calquera ataque sorpresa.

Tamén teñen a un nivel moi alto o apartado técnico, que tamén volven repetir e non destaca máis que capítulos anteriores, é máis, iso de querer plasmar un mundo destruído case por completo fai que predominen as cores escuras e contando mínimas excepcións, as paisaxes son bastante feas a verdade.

Aínda así, isto non inflúe na definición das texturas, que continúa estando a un nivel moi alto.

Así que rememoremos, teñen o control dominado, o apartado técnico tamén, só deben crear unha historia á altura cun guión medianamente traballado e unhas misións que nos adentre de verdade na historia con protagonistas máis carismáticos. É tanto pedir?

COD Ghosts 2

Pero para que van facer isto se facendo o que fixeron conseguen un xogo decente e para que enganarnos, divertido para aqueles amantes dos FPS. E para aqueles que non sexan moi amantes dos shooters en primeira persoa tampouco teñen moito problema, porque o xogo ten unha duración da historia principal case ridícula dunhas cinco ou seis horas, co único afán de rexogalo para conseguir atopar todos os ordenadores que hai escondidos polos escenarios, ou para superar o título nunha dificultade maior (se sodes veteranos da saga podédelo comezar no nivel difícil sen problema ningún).

CONCLUSIÓN

Que é Call of Duty: Ghosts?

Call of Duty: Ghosts é máis do mesmo pero un chisco peor do esperado. Intenta meternos en situacións espectaculares sen conseguir emocionarnos a través dunha historia pouco traballada. De todos os xeitos non sexamos hipócritas, persoalmente, como fan dos FPS non me aburrín durante as escasas seis horas que dura o xogo, pero tampouco me emociona en ningún punto concreto, o que deixa a Ghosts non correcto pero pouco ambicioso proxecto.

Será o momento de volver a darlle un lavado de cara a Call of Duty? Pode ser.

[puntuacion]ESTILO=Sonic|GRÁFICOS=93|SON=94|XOGABILIDADE=98|DIVERSIÓN=80|DURACIÓN=50[/puntuacion]

call-of-duty-ghosts
Tal e como confirmou Mark Rubin (@IWMarkRubin), produtor executivo de Infinity Ward, a versión para a Xbox One terá unha resolución nativa inferior á súa principal competidora, a PlayStation 4, que ofrecerá unha resolución FullHD de 1920 x 1080 píxels.

Se ben na consola de Microsoft tamén pode ofrecer esa resolución, pero segundo comentou o propio Mark, sería mediante un reescalado dende os 1280 x 720 píxels nativos cos que funcionará na Xbox One. En ámbalas dúas videoconsolas funcionarán a 60 FPS.

Esta nova chega pouco despois de que se confirmara que no principal rival deste xogo, o Battlefield 4 tamén terá unha resolución inferior na consola de Microsoft (1600 x 900 na PlayStation 4 fronte aos 1280 x 720 da Xbox One).

Mala publicidade ésta para a xa pouco popular Xbox One

cruce-do-volga

Escena da película “Enemigo a las puertas”, previa ao cruce do Río Volga en Stalingrado

A saga bélica de videoxogos más coñecida da última década “Call of Duty”, bebe moi directamente de multitude de episodios acontecidos nos campos de batalla, tanto a nivel histórico coma de enfrontamentos recentes ou lamentablemente previsibles no futuro, para as últimas e máis modernas versións.

Mais foi no seu inicio, aló polo 2003, cando todos ficabamos pegados ás pantallas dos nosos ordenadores ante as espectaculares e potentes cinemáticas que se nos amosaban, algunha delas copiada tal cual de filmes de éxito coma este cruce do Volga no inicio de “Enemigo a las puertas”, e é que a ver quen se atrevía a non facerlle caso aos comisarios e non “avanzar, avanzar…!!”

Outras escenas desta película foron tamén incluídas coma partes xogables nalgunhas versións do Call of Duty, así que completaremos noutra ocasión este artigo, mentres tanto: coñecedes outras escenas sacadas de películas e trasladadas ao mundo dos videoxogos?

Call Holmes

Por: Martes, 28 de Maio de 2013, 9:00 COMENTAR

callholmes

Vía | TeeCraze.com

Cando un título acada un éxito considerábel, os produtores observan que poden sacar aínda máis rendemento á situación e comezan a traspasar o título a outras plataformas como portábeis, telefonía … sen preocuparse en absoluto pola calidade do propio, isto foi o caso de Call of Duty: Black Ops Declassified, aínda que de maneira esaxerada.

Black Ops 2 é un xogo moi apto para calquera amante dos FPS que pronto se converteu nun dos títulos máis vendidos do ano, de aquí que ao paso á PS Vita fose inevitábel, pero de que maneira?

Ler o resto da entrada »

Análise de Call of Duty: Black Ops 2

Por: Luns, 26 de Novembro de 2012, 18:30 COMENTAR

Fai uns días lanzouse un rumor que dicía que o próximo Call of Duty podería ser unha nova entrega da saga Modern Warfare, recordade aquela cuarta entrega que creou un antes e un despois nos FPS bélicos.

Pero non nos esquezamos de Treyarch, a compañía que estaba nun segundo plano pero sabendo manterse nesta temática, creando uns xogos entretidos pero sen chegar nin por asomo á calidade dos MW.
Pero a compañía soubo aprender e baixo o título de Black Ops e plaxiando métodos dos todo poderosos Modern Warfare, trouxeron consigo un título moi apto e grazas ao seu éxito crearon a segunda entrega a cal procederei a falar un pouco sobre as miñas impresións.

Ler o resto da entrada »

A dúas semaniñas do lanzamento da nova entrega de Call of Duty o director Guy Ritchie (director de Snatch:Cerdos y Diamantes) ponse detrás deste tráiler con imaxes reais que nos amosa diferentes escenas bastante espectaculares e que recalca no multixogador, aliciente no que se centra Treyarch con este Black Ops 2.

A verdade, da gusto ver vídeos así, que aínda que non amosan absolutamente nada do xogo, si che fan pasar un bo anaco.

Tráiler de lanzamento de CoD: Black Ops 2

Por: Mércores, 17 de Outubro de 2012, 12:02 COMENTAR

A verdade é que Treyarch sabe como vender un título e unha vez máis sacan un tráiler de lanzamento pragado de momentazos épicos que todos queredes desfrutar nas vosas carnes.

A compañía soubo moi ben imitar aos “todopoderosos” Modern Warfare e alonxarse do tópico corre e dispara para presentarnos momentos alternativos que nos deixarán cos ollos ben abertos polo seu espectáculo.

É certo que sen chegar á calidade dos xogos de Infinity Ward a primeira entrega de Black Ops non me desgustou en absoluto e este promete superalo.

O 13 de novembro que chegará ás tendas.

Activision saca un vídeo promocional da súa terceira entrega de Modern Warfare e sae en todos os sitios, por qué?, pois porque está extremadamente ben feito e recrea unha cidade en guerra perfectamente, ou tamén pode ser que é porque non hai ningunha nova moi relevante…

De todos os xeitos, podemos comprobar como o vídeo fai alusión aos dous tipos de xogadores que existen hoxe en día, o experimentado, ou tamén chamado hardcore game, e o principiante, ou tamén denominado casual game. O primeiro controlando a situación e o segundo rebentando con todo sen sentido.

O vídeo non ten dúbida ningunha, e aínda que Activision xa ten feito estes vídeos promocionais nalgunha outra ocasión, desta volta eleva a calidade ao máximo.

Dádelle unha oportunidade e preparádevos para a guerra, porque entre Battlefield 3 e Modern Warfare 3 temos tiros para unha tempada.