Ubisoft ven de publicar o anuncio que emitirán nas televisións norteamericanas para promocionar a nova entrega da saga: «Assassin’s Creed IV: Black Flag».

O lanzamento está previsto para o vindeiro 1 de novembro para as videoconsolas actuais, mentres que as videoconsolas de nova xeración e PC terán que agardar ao 22 de novembro.

Neste novo tráiler de dous minutos do «Assassin’s Creed IV: Black Flag», o seu protagonista, Edward Kenway, introdúcenos no universo pirata no que se centrará a historia principal desta nova entrega da saga.

O lanzamento está previsto para o 1 de novembro (29 de outubro en Norte América).

Así o dixo o director creativo de Assassin´s Creed IV: Black Flag, Jean Guesdon con relación á postura de Ubisoft a sacar un título desta saga cada ano:

Creo que xa demostramos que esta franquicia é relevante e que ten un longo camiño que percorrer. O noso traballo como desenvolvedores desta nova obra é a de sorprender aos xogadores e ofrecer ideas novas, frescas e, ao mesmo tempo, asegurarnos de que o que fai de Assassin’s Creed unha saga que sobresae seguirá intacto”.

Persoalmente non son moi fan desta saga, xa o deixei claro neste artigo de opinión, o que me leva a seguir dubidando moito nestes xogos, porque quizáis deberían pensar máis na xogabilidade e distribución de misións que en cambiar de localización en cada título, pero en fin, que saberei eu…

Despois de varias filtracións estes pasados días (dos que xa vos falamos neste artigo e neste outro), a compañía Ubisoft confirmou nun comunicado os rumores e anunciou a saída da nova entrega o vindeiro 29 de outubro para Xbox 360, PlayStation 3, Wii U e PC e haberá tamén versións para as videoconsolas de nova xeración. Tamén confirmaron que a versión de PS3 terá 60 minutos de xogo exclusivo. Teremos máis datos e tráiler do xogo o vindeiro luns, 4 de marzo.

Páxina oficial

Despois da filtración de onte do posible póster da vindeira entrega da saga Assassin’s Creed, parece ser que ese mesmo póster tiña máis información da que parecía, pois hoxe mesmo se filtrou a parte traseira do mesmo e contén, nada máis e nada menos, que un mapa das illas do Caribe, localización, como era de agardar pola temática pirata, deste novo videoxogo.

Parte traseira do póster co mapa do Caribe

Segundo unha imaxe filtrada hai pouco na rede parece que Ubisoft xa ten preparado o material de merchandising da vindeira entrega da saga, titulada Assassin’s Creed IV: Black Flag, anunciado para o vindeiro ano fiscal (1 de abril de 2013 a 31 de marzo de 2014) a principios de mes pola propia Ubisoft, con novo protagonista e nova época histórica. Segundo certos rumores que circulan pola rede, sairía para o Nadal deste 2013.

Póster filtrado na rede do novo Assassin’s Creed IV: Black Flag

A xulgar polo póster, parece ser que a temática principal desta nova entrega serían os piratas, o que quizáis lle daría un novo aire a esta quizáis algo queimada saga, aínda que tamén pode ser un cambio demasiado brusco e aos fans da saga non lle acabe de convencer. Veremos con que nos sorprenden…