Xa están dispoñibles as ofertas de Nadal en Steam con descontos de ata o 80%.

Dende este mesmo xoves 19 e ata o vindeiro 3 de xaneiro haberá dous tipos de ofertas: ofertas diarias, que durarán 24 horas e ofertas flash que durarán 8 horas.

Dentro das ofertas diarias, agora mesmo podemos atopar:

Nunha recente entrevista, Ken Levine (@IGLevine), co-fundador de Irrational Games e creador directivo do «Bioshock» e «Bioshock Infinite», deu novos detalles do vindeiro DLC, titulado «Burial at Sea».

Nesta nova historia detectivesca, os protagonistas Booker e Elizabeth recibirán cada un os seus propios episodios.

A acción terá lugar na cidade de Rapture na Noitevella de 1958, a mesma noite na que comezou a revolución na cidade. “O retorno de Bioshock a Rapture foi inspirado polo desexo de amosar a cidade cando estaba chea de vida, pero facéndoo nun contexto dunha historia interesante.”

Aínda non se sabe nada da data de lanzamento deste novo DLC.

Por outra banda, tamén anunciaron o lanzamento do novo DLC «Clash in the Clouds», que inclue novos desafíos e combates. Xa está dispoñible para descargar por 400 Microsoft Points ou 4,79 Euros, ou totalmente gratuito para os xogadores que se fixeron co Pase de tempada.

No recente informe de resultados da compañía distribuidora Take Two, fíxose público que o xogo acadou xa a cifra de 4 millóns de copias vendidas.

Como ven sendo habitual, Valve acaba de lanzar a habitual campaña de descontos do verán coñecida como «Summer Sale».

Con descontos de ata o 75% en centos de xogos, os usuarios poderán aproveitar para mercar xogos como o “Bioshock Infinite” (24,99 €), “Elder Scrolls V: Skyrim – Legendary Edition” (29,99 €), “Counter-Strike: Global Offensive” (7,36 €) ou “Grid 2” (29,99 €).

Se queredes comprobar os xogos que están agora mesmo de rebaixas, visitade a páxina oficial. As rebaixas estarán dispoñibles ata o vindeiro 22 de xullo e en cada xogo durará soamente un día (ofertas diarias) ou 8 horas (ofertas flash), así que non vos esquezades visitar a páxina a miúdo para ver os xogos que están ese día de oferta.

Tamén hai o “Community’s Choice Voting Sales” onde os usuarios poden votar para escoller que xogo queren que os de Steam poñan de rebaixas, durante un período de 8 horas. Agora mesmo, no momento de escribir este artigo, o gañador é o “Borderlands 2, que está dispoñible por 10,19 €.

A terceira entrega de Bioshock está levando unhas críticas moi aptas cunha acollida entre os seguidores aínda mellores, e para seguir tirando da corda, PlaidHat Games lanzará o xogo de mesa de Bioshock Infinite nos próximos meses.

Neste xogo deberemos controlar ou destruír a cidade voadora de Columbia, aínda que non se concretaron as regras.

Cada equipo contará coas súas propias figuriñas e no taboleiro estarán ben representadas cada unha das partes da cidade que vivimos no videoxogo.

Se vos interesa podédelo adquirir na páxina de PlaidHat Games a un prezo de 59.90$, iso si, polo de momento en inglés.

• O guión ten 20.000 palabras máis que unha novela media.
• Das máis de 10.000 liñas de diálogo, o 32% son de Booker (1.310 liñas) e Elizabeth (2.072 liñas)
• O código fonte ten unha lonxitude total duns 1015 kilómetros, aproximadamente a distancia (en liña recta) entre o Cabo Fisterra e Roses, Girona
• Os creadores do xogo tiveron un total de 18 fillos.
• O consumo enerxético empregado sería suficiente equivalente ao de 8.8 millóns de bombillas.
• Os empregados consumiron máis de 40.000 latas de soda, o que equivale a uns 14.000 litros!

Vía | Imgur.com

Así o di New York Times, na que adiantan que a coñecida compañía Take 2 podería ter gastado en Bioshock Infinity un total de 200 millóns de dólares, converténdose así nun dos xogos máis caros da historia.

O resultado saberémolo o 26 de marzo nas plataformas Xbox 360,Playstation 3 e PC.

Os usuarios coa plataforma de Apple están de sorte, pois a compañía Aspyr acaba de confirmar que lanzará a versión do videoxogo para Mac, tan esquecida pola gran maioría de compañías, este vindeiro verán.

A saída ao mercado para PC, PS3 e XBOX 360 está previsto para o vindeiro 26 de marzo.

Aquí tedes un vídeo cos primeiros 5 minutos do xogo:

O 26 de marzo chegará ás tendas a terceira entrada de Biosock. Desfrutade deste novo tráiler.

A falta dunhas poucas semanas para que saia á venda o esperadísimo Bioshock Infinite, os desenvolvedores de 2K Games xa teñen unha edición para coleccionistas que estará na lista de desexos de todos os amantes dos videoxogos. Especificamente haberá dúas edicións: a Ultimate Songbird Edition e a Premium Edition. A única diferenza entre ambas é que a primeira inclúe unha figura a escala dun dragón, e a segunda non. Iso si, a diferenza de prezo é de 70$. Neste artigo faremos unha revisión da Ultimate Songbird, que é a máis completa e que de seguro todos os coleccionistas quererán ter na súa casa.

A Ultimate Songbird Edition preséntase nunha caixa cadrada con motivos circenses. No seu interior poderemos atopar:

– Unha figura a escala do dragón Songbird, o antagonista principal do xogo. A maqueta mide 9’5 polgadas, isto é, uns 24 cm de alto.

– Un chaveiro de 3 pulgadas (7’6 cm) que recrea unha botella de Murder of Crows, un xarope vigorizante.

– Unha litografía de 5×7 polgadas (12’7 cm x 17’8 cm), deseñada por Jorge Lacera.

– Unha miniatura de resina de 25 mm do futuro xogo de mesa de Bioshock Infinite, da man de Plaid Hat Games.

– Un pequeno libro de arte, con conceptos gráficos do xogo, bosquexos e comentarios. A portada do mesmo está envellecida.

– Contido dixital exclusivo: banda sonora, avatares, equipamento dentro do xogo…

– Unha copia do xogo Bioshock Infinite na plataforma axeitada (PS3, XBOX 360 ou PC).