descarga (2)

Bethesda anunciou unha nova actualización para o seu MMO, que ten por nome Tamriel Unlimited.

Esta nova versión do xogo ten varias novas moi interesantes, a primeira e máis chamativa, que o xogo chegará a PS4 e Xbox One o vindeiro 9 de Xuño. A outra nova importante é que o xogo deixará de ter cuotas mensuais a partires do vindeiro 17 de Marzo, data na que esta versión do xogo chega a PC e Mac.

Aqueles que nese intre teñan o xogo, terán como agasallo a nova versión totalmente de balde.

O primeiro DLC de Evil Within chegará en 2015

Por: Venres, 12 de Decembro de 2014, 12:00 COMENTAR

the-evil-within-4

O primeiro contido descargábel para “The Evil Within” chegará a principios de 2015. Terá por nome “The assignment” e estará baseado nos capítulos  5 e 9 do xogo orixinal, pero dende Bethesda aseguran que mantendo unha identidade propia.

 

Bethesda tamén confirmou que outros 2 contidos extra están en camiño.

the-elder-scrolls-online
Para celebrar o lanzamento ese pasado venres, 4 de abril das versións para PC e Mac do seu novo MMORPG «The Elder Scrolls: Online», a compañía Bethesda ven de publicar un novo tráiler cinematográfico.

“Estamos moi agradecidos coa abrumadora resposta con The Elder Scrolls Online.”

“Con máis de cinco millóns de xogadores rexistrados para a versión beta, está claro que un enorme número de fans queren experimentar todo o que o xogo ten que ofrecer. Non poderiamos estar máis ansiosos para poñelo nas mans de todo o mundo.”

As versións para PlayStation 4 e Xbox One están previstas para o vindeiro mes de xuño. Nestas versións para videoconsola, na videoconsola de Sony non será necesario ter unha subscrición PS Plus, mentres que na de Microsoft si será preciso ter unha subscrición Xbox Live Gold, ademáis da correspondente subscrición propia do xogo, obrigatoria en calquera das súas versións, claro.

Máis información na páxina oficial.

the-elder-scrolls-online
Neste novo vídeo de «The Elder Scrolls: Online», o director creativo, Paul Sage, o xefe de deseño de xogabilidade, Nick Konkle e o xefe de deseño da experiencia de usuario, Chris Strasz, fálannos en detalle do sistema de artesanía e ferrería do xogo.

O lanzamento está previsto para o vindeiro 4 de abril para PC, mentres que as versións para as novas videoconsolas PlayStation 4 e Xbox One está prevista para o vindeiro xuño.

the-elder-scrolls-online
Zenimax Online Studios ven de publicar un novo vídeo de 8 minutos de «The Elder Scrolls Online».

Neste novo vídeo, Paul Sage, diretor creativo, Nick Konkle, xefe de deseño de xogabilidade e Dan Crenshaw, xefe de deseño de mazmorras, fálannos do xogo cooperativo deste MMORPG, como nos ataques contra os xefes e outros escenarios no que a cooperación é recomendable.

O lanzamento está previsto para o vindeiro 4 de abril para PC e Mac, mentres que as versións para PlayStation 3 e Xbox One está prevista para o vindeiro xuño.

Carteis dos filmes

Por: Martes, 14 de Xaneiro de 2014, 16:00 COMENTAR

herman-the-german

Quen dixo que a industria cinematográfica quedara sen ideas? Oh, agarda…

Vía | Imgur.com

the-elder-scrolls-online
A compañía Bethesda anunciou como data oficial de lanzamento do seu agardado MMORPG «The Elder Scrolls: Online» o vindeiro 4 de abril de 2014 nas súas versións para PC e Mac, mentres que nas versións para PlayStation 4 e Xbox One haberá que agardar ata xuño de 2014.

O director do xogo, Matt Firor comentou:

“A creación do xogo vai moi ben.”

“Xa completamos a maioría dos sistemas do xogo e estamos a centrarnos en facer deste Elder Scrolls o xogo que agardades: pulindo as centos e centos de horas de contido, facendo os combates máis entretidos, arranxando erros nas búsquedas e moito, moito máis.”

Sobre o lanzamento dous meses máis tarde para as consolas comentou:

“A demanda mundial de «The Elder Scrolls: Online» é extraordinariamente alta. Isto supón que necesitamos facer un lanzamento escalonado das diferentes versións do xogo e evitar a sobrecarga inicial dos servidores e asegurar unha experiencia de xogo agradable.”

“Non é só un xogo o que vamos lanzar, é un gran servizo en liña e a nosa primeira prioridade é asegurar un lanzamento estable e sen problemas para todo o mundo.”

Ademáis do anuncio da data de lanzamento, tamén publicaron este novo tráiler, no que podemos ver “centos de xogadores loitando uns contra os outros”.

bethesda-no-wii-u-plans

Pete Hines, vicepresidente de márketing de Bethesda Softworks amosouse moi claro ao buscar responsábeis pola falta de apoio de terceiras compañías que está a sufrir a Wii U, para Pete Hines a culpábel é a propia Nintendo por non fomentar as relacións coas desenvolvedoras antes de sacar á consola ao mercado.

O momento de convencer aos editores e desenvolvedores para que apoien á Wii U pasou fai moito tempo. A consola xa está á venta.

Tamén aclarou que Microsoft e Sony si consultaron aos estudos de desenvolvemento antes de lanzar a súa consola para saber as opinións e así contrastalas cos datos iniciais.

Non é que recibamos sempre as respostas que queremos cando nos reunimos coa xente de Sony e Microsoft. Mais involucráronnos no proceso de creación das súas consolas dende moi pronto.

Dixéronnos, ” isto é o que estamos facendo, isto é o que planeamos e así cremos que funcionará” e ao mesmo tempo escoitaron as nosas opinións e a dos equipos técnicos.

Pouco despois volve reincidir no erro cometido por Nintendo de deixar a todas as desenvolvedoras a un lado, deixando moi claro que non está interesada en absoluto na Wii U.

Se vas a dicir, ” estamos facendo esta consola, así é como funciona e ti deberías facer xogos”… pois non. A miña resposta é non.

Vou centrarme nas que ofrecen maior apoio. Tes que falar coas desenvolvedoras antes de facer a consola, cando estás deseñándoa e pensando como funcionará.

the-elder-scrolls-online
Como xa vos informamos hai un tempo, a compañía Bethesda está a traballar arreo no seu MMO «Elder Scrolls Online» que agarda ter listo para o seu lanzamento o ano que ven.

Este novo MMO requerirá dunha subscrición mensual para poder xogalo e estará dispoñible para Mac, PC, PlayStation 4 e Xbox One. É precisamente nestas dúas últimas onde se poderían atopar co recelo de moitos usuarios se, ademáis da cota mensual do MMO, teñen que pagar tamén a subscrición a PS Plus e Xbox Live, respectivamente. É por iso que a compañía está a negociar tanto con Sony como Microsoft para que os usuarios que soamente queiran xogar online ao «The Elder Scrolls Online», non se vexan obrigados a ter que pagar dúas cotas.

Sobre as negociacións con Microsoft, comentaron recentemente:

“Estivemos a falar con Microsoft do tema e vendo se é posible cambiar a súa mentalidade para aqueles usuarios que soamente queiran xogar a The Elder Scrolls Online e non queiran pagar unha subscrición a Xbox Live só para xogar a Elder Scrolls Online.”

“A resposta agora mesmo é que esa é a forma como funciona, pero somos conscientes e seguimos presionando, para ver se se pode facer algo.”

A situación é a mesma no caso da videoconsola de Sony, a pesares de que MMO’s como o DC Universe Online non requerirá unha subscrición a PlayStation Plus.

Polo de agora, descoñécese o prezo que terá a subscrición mensual do «The Elder Scrolls Online».

37994-1-1373839280

Alexander J. Velicky, de 19 anos, valeuse da colaboración de 100 persoas, (incluíndo 30 actores de dobraxe), para dar vida a Falskaar, un novo territorio insular de grandes dimensións con 26 novas misións, incluíndo unha trama principal dunhas nove horas de duración. Para crear este mod, o autor adicou unhas 2.000 horas ao longo dun ano de duro traballo, coa intención de dar un paso adiante entre a comunidade de Modders de Skyrim e atraer a atención da compañía na procura dun utópico emprego na industria.

As dimensións de Falskaar son en torno a unha terceira parte da superfície de Skyrim, nas que o seu creador despregou novas armas e armaduras, dous novoxs conxuros e até un novo berro. Por se fora pouco Falskaar conta coa sua propia banda sonora e novas cancións de bardos. O autor asegura que testou concienzudamente o mod para evitar incompatibilidades e bugs antes de publicalo, e de feito atópase xa entre os mais valorados polos usuarios do Nexus de Skyrim.

O froito do traballo de Velicky e os seus colaboradores pódese descargar en Nexus aqui.

Anunciado Wolfenstein: The New Order

Por: Martes, 7 de Maio de 2013, 15:59 COMENTAR

wolfensteinA famosa compañía Bethesda Softworks acaba de desvelar o seu gran segredo,traballan na próxima entrega de Wolfenstein e virá baixo o sobrenome de “The New Order”.

Este título estará dispoñíbel para PC e consolas de actual e próxima xeración.

doom4

Bethesda confirmou que id Software volveou revivir o proxecto do «Doom 4», despois de que unha versión previa non acadara as expectativas.

O vicepresidente de márketing e relacións públicas de Bethesda, Pete Hines, comentou:

“Unha primeira versión de Doom 4 non tiña a calidade e excitación que id Software e Bethesda pretendían e que os fans da saga agardaban.”
“Como resultado disto, Id centrou os seus esforzos nunha nova versión de Doom 4 que promete cumprir coas altas expectativas que todo o mundo ten para este xogo e esta franquía. Cando estemos preparados para falar do que id está a facer con Doom4, farémosvolo saber.”

Segundo certas fontes, o desenrolo desta entrega foi relanzada en 2011, despois de 5 anos de traballos previos e está prevista a súa saída para as videoconsolas da vindeira xeración.

Dende Bethesda alegan que id Software ten certos problemas de mala xestión e falta de comunicación, pero agora todo o persoal está a traballar no proxecto do «Doom 4», despois de ter aprazado ou cancelado outros proxectos do estudo, como o «Rage 2».