A sobre explotación dunha saga, nótase ao longo dos anos

A sobre explotación dunha saga, nótase ao longo dos anos

SuperData, unha empresa de analistas deste mundo é quen lanza a nova á rede, asegurando que será un ano de grandes estreas sobre franquías ben coñecidas, como son Resident Evil e Call of Duty.

No caso de Black Ops 3, avanzan que será a finais deste ano cando a nova entrega desta rendíbel saga de disparos chegará ás tendas, mentres que no caso de Resident Evil, non se aventuran a especificar unha data.

De todos os xeitos, simplemente falamos de especulación, xa que non hai confirmación ningunha por parte de Activision nin Capcom, mais non é un aliciente máis para volvernos preguntar o de sempre.

Está xustificada esta sobreexplotación de títulos?

Que caducidade ten unha saga en que a orixinalidade se esgotou fai anos (nos dous casos), mais que o nome continúa a resoar con suficiente forza na cabeza dos xogadores, que seguen dándolle oportunidades perdidas?

Entendo que arriscarse con novas IPs pode resultar fatídico para unha desenvolvedora, mais, canto están dispostos a aguantar os consumidores de videoxogos a manter viva unha saga?

Fíltranse expansións para Destiny

Por: Luns, 5 de Xaneiro de 2015, 9:00 COMENTAR

2601353-destiny

Unha filtración nos foros de Bungie proporcionou supostas datas e contidos das expansións das futuras expansións de Destiny, o xogo publicado por Activision.

Deste modo, os datos filtrados son os seguintes:

  • House of Wolves
    • Data de lanzamento: 10 de Marzal de 2015.
    • Localizacións: Cosmódromo, Lúa, Venus, Reef.
    • 3 novas misións para a historia.
    • 1 novo strike.
    • 1 novo raid.
    • 4 novos mapas para o PvP.

 

  • Comet: Plague of Darkness
    • Data de lanzamento: Setembro de 2015.
    • Localizacións: Lúa, Venus, Marte, A colmea.
    • 12 novas misións para a historia.
    • 6 novos mapas para o PvP.
    • 1 nova localización.
    • 1 novo raid.
    • 4 novos strikes.

 

  • Vex
    • Data de lanzamento: non determinada.
    • Localizacións: Venus, Marte.
    • 3 novas misións para a historia.
    • 2 novos strikes.
    • 1 novo raid.
    • cantidade indeterminada de novos mapas para o PvP

 

  • Forge of Gods
    • Data de lanzamento: non determinada.
    • Localizacións: non determinadas
    • Contido non determinado

Se aquí falabamos dos xogos máis agardados do ano, nesta ocasión falarei dos xogos menos agardados por min neste ano 2014. Ó igual que no anterior artigo, os xogos irán ordeados por orde alfabética.

 

1 – Assassin’s Creed V e VI (PS3, PS4, Xbox 360, Xbox One)

assassins_creed_future_header

Comezamos forte o artigo, cunha das franquicias máis recoñecidas da anterior xeración, pero, cabaleiros de Ubisoft, xa pasamos o límite fai tempo. Xa agotástedes a franquicia ate o punto de ter que desprazarvos de época para acadar unhas ventas respetábeis. Xa chegou, deixade que a saga morra ou, polo menos, metédea no conxelador un intre para ter tempo de pensar o que queredes facer e non dinamitar a saga, que é o que estades a facer. E non tedes pensado publicar un xogo no 2014, tedes pensado sacar dous.

 

2 – Call of duty (PS3, PS4, PC, Xbox 360, Xbox One)

cod2014-620x360

Ó igual que no caso anterior, Activision, estou comezando a confirmar o meu pensamento de que unha das peores cousas que ocorreron nesta industria foi o acertado reinicio da saga naquel sobresaínte Modern Warfare. A saga leva sendo repetitiva dende a seguinte entrega, moito efecto, moitas partículas, moita polémica ca xa lexendaria fase “No Russian”, pero é outra pita dos ovos de ouro que estades afogando. As análises xa dan por segura unha baixada de ventas na nova xeración debido, precisamente, o desgaste ó que sometestes á saga publicando unha entrega anual. Call of Duty necesita un repouso.

 

3 – Donkey Kong Country: Tropical Freeze (Wii U)

2406627-7558528740-donke

Nunca me gustou Donkey Kong,  e moito menos me gusta que, nunha xeración na que a tecnoloxía permitirá realizar auténticas maravillas, Nintendo apareza agora cun xogo con vista lateral. Creo que tamén sería o momento de que decidiran arriscar cunha versión rompedora, como foi o Mario 64 no seu momento ou como foi o Mario Galaxy uns cantos anos máis tarde. Xa que Wii U técnicamente non está ó nivel das consolas de nova xeración, é necesario que marquen a diferenza dalgún modo, e continuar a saga tal e como leva sendo dende fai moitísimo tempo, non é unha boa maneira de facelo.

 

4 – Dying light (PS3, PS4, PC, Xbox 360, Xbox One)

16

¿É unha boa idea mesturar Mirror’s Edge con Dead Island? Eu non o creo, pero parece que a xente que conforma Techland pensa que si que é unha boa idea. E se a maiores lle engadimos a coletilla “Survival Horror” xa temos o enxendro completo. Un xogo no que levas armas dabondo para aniquilar un pequeno país ou no que podes botar a correr e escalar casas e muros para evitar a aqueles enemigos que non sexamos quen de masacrar pode ser chamativo, pero se estes enemigos son zombies, un xa está máis que saturado de xogos de apretar o gatillo ate que a pistola/fusil/escopeta estea totalmente valeira. Quero algo diferente, un survival de verdade, e estou seguro de que unha mestura como esta non vai ser ese algo.

 

5 – Elder Scrolls Online (PC, Mac, PS4, Xbox One)

images

O normal sería que voltar a visitar Tamriel fora para un xogador unha oportunidade para alegrarse e acudir a fume de carozo á tenda a mercar a copia que empregará para quedarse sen vida durante, como mínimo, próximas semanas. Se ademáis desto engadimos o feito de que este xogo sexa un multixogador online, o efecto debería ser o de xa non ir a fume de carozo, senón o de montar no coche e aparcalo diante da porta da tenda para evitar que ninguén poida arrebatarche esa copia que ten o teu nome. O xogo sitúanos 800 anos antes de Oblivion e 1000 antes de Skyrim e promete contar, seguindo a liña típica da saga, cun mundo aberto e a posibilidade de poder facer, casi literalmente, o que queiramos. E con todo isto preguntarédesvos o motivo de que este xogo estea nesta lista en lugar destar na dos 15 xogos máis agardados. A resposta é un número: 12.99, que son os euros que teremos que pagar cada mes se queremos desfrutar de Elder Scrolls Online.

 

6 – Godus (PC)

Project-Godus

Molyneux, a min non ma colas outra vez. Desta xa aprendín.

 

7 – Lego: The Hobbit (PS3, PS4, Xbox 360, Xbox One, PC, 3DS, Wii U)

lego_the_hobbit-2414610

A coña do Lego: Star Wars estivo moi ben, a de Lego: Indiana Jones xa comezou a saturar, e co Lego: Batman xa remataches, todas as demais entregas xa son darlle voltas unha e outra vez ó mesmo. Un novo exemplo do modo de matar unha franquicia por éxito.

 

8 – Mad Max (PS3, PS4, Xbox 360, Xbox One, PC)

mad-max-2013613115231_1

O enésimo videoxogo que sairá misteriosamente ó mesmo tempo co novo filme. Aínda que ven dos creadores de Just Cause, non agardo moito del. Quizáis é o xogo que máis dubidosamente está nesta lista, xa que a combinación de sandbox e a ambientación son atractivos, téñeme pinta de publicidade para o filme máis que dun xogo realmente bó.

 

9 – Plants vs. Zombies: Garden Warfare (Xbox 360, Xbox One, PC)

maxresdefault

Nunca me chamou especialmente a saga Plants vs. Zombies, pero vendo o modo no que resultou o troco dunha saga como Worms ás 3 dimensións, as espectativas non son nada boas.

 

10 – RIOT (PC, iOS, Android, OUYA)

TwpJkFQ

A pesares de que nestes intres este xogo ten o potencial necesario polo seu argumento para ser un exitazo, e que a súa ambientación pode ser revolucionaria (nunca mellor dito) á mínima que consigan facelo medianamente ben, non me espero moitas cousas máis aló do aproveitamento da publicidade que de seguro van ter.

 

11 – The evil within (PS3, PS4, Xbox 360, Xbox One, PC)

1375383254-the-evil-within-1

Un xogo de Shinji Mikami nesta lista? Un xogo de terror de Shinji Mikami nesta lista? Si, un xogo de terror de Shinji Mikami nesta lista. Non dubido que será superior á meirande maioría dos xogos de medo que saen este ano, pero chéirame  a xogo de acción con catro pinceladas de terror que tira de cú. Espero estar trabucado e que sexa un xogo da vella escola, similar ás obras maestras feitas polo señor Mikami no pasado.

 

12 – The Sims 4 (PC)

images (1)

Volta o xogo casual orixinal. Que o merquen outros. Nunca me chamou a saga máis aló do mítico de metelos na piscina e quitarlles a escaleira ou encerralos nunha habitación sen porta de saída e non o vai comezar a facer agora.

 

13 – Thief (PS3, PS4, Xbox 360, Xbox One, PC)

thief-ps4

Outro rearranque dunha franquicia lexendaria, ó igual que fixeron con Tomb Raider. A diferenza é que neste caso, unha vez máis, ten pinta de que o troco vai levar tamén engadido o borrado de moitas das señas de identidade da saga para facela máis atractiva para os novos xogadores. E se a Thief lle quitamos o sixilo extremo, queda noutro xogo calquera de acción no que usamos o nome dunha franquicia coñecida para sumar ventas.

 

14 – Tom Clancy’s the division (PS4, Xbox One, PC)

image_tom_clancy_s_the_division-22299-2751_0002

Neste mismo mes de Xaneiro, os responsábeis do desenvolvemento deste xogo parece ser que declararon que tiñan o motor gráfico prácticamente finalizado, pero qeu o desenvolvemento do xogo en sí mesmo prácticamente non comezara. E se temos en conta que é un xogo MMO e, que en teoría outra vez, terá unhas mecánicas innovadoras, comeza a ter pinta de que un apartado do xogo vai quedar descompensado. E Ubisoft xa deixou claro que o motor gráfico non vai ser esa parte.

 

15 – Watch Dogs (PS3, PS4, Xbox 360, Xbox One, PC, ¿Wii U?)

watch-dogs-gameplay-ps4-móvil

Aínda non se confirmou a data de saída ó mercado e xa se confirmou o desenvolvemento de DLCs para o xogo. Textualmente os motivos dados foron: “porque temos moitas historias que contar acerca do mundo do xogo”. A miña pregunta é cal é o motivo de non meter esas historias dentro do propio xogo. Pode que sexa o segundo ou o terceiro xogo máis rechamante dos que sairán no 2014, e pode que sexa unha das propostas máis atractivas dos derradeiros anos, pero aínda teño algo de dignidade en temas de xogos e non me gusta que me tomen o pelo. Non o vou tocar ata que saia a versión GOTY con todos eses DLCs que non entran no xogo orixinal.

2-Crash-Bandicoot1

Naughty Dog, antes de que se fixese tan famosa grazas a Nathan Drake e a súa serie Uncharted, xa fixera unha triloxía dunha calidade enorme na PS2 con Jak e Daxter, mais temos que retrocedernos aínda máis para chegar a Crash, un título exclusivo de Playstation que tivo gran éxito aló polo 1996.

Pois ben, a nova sae de Activision, posuidor dos dereitos desta saga e a que se mostra interesada en resucitar a esta mascota:

Activision posúe Crash Bandicoot e seguimos explorando formas de devolver a vida á querida serie.

Con esta noticia non é que me amose negativo, mais penso que Naughty Dog debía seguir facendo o que fixo até o momento, cada nova xeración, nova triloxía que deseña, e mirando o camiño recorrido, todas dunha enorme calidade, aínda que xa anunciado un novo Uncharted e con este rumor en pé de guerra, pretenderá vivr nesta xeración de nomes xa coñecidos?

xbox-one-gamescom-2013
Estas son as principais novidades que puidemos ver na conferencia que a compañía Microsoft presentou na GamesCom 2013:

Novas imaxes da interface de usuario da Xbox One.

Novas imaxes da interface de usuario da Xbox One e como poderá executar varias aplicacións ao mesmo tempo.

Os creadores independentes poderás autopublicar os seus xogos.

Agora os creadores de videoxogos poderán rexistrarse e publicar automáticamente os seus videoxogos na tenda dixital, co novo servizo “Desenvolvedores Independentes” (Independent Developers @ Xbox), sen ter que pagar ningunha cota, como sucedía ata agora.

«Fighter Within»

O novo título de loita de Ubisoft, exclusivo para Xbox One aproveitará a mellorada tecnoloxía de captura de movemento do novo Kinect, co que controlaremos ao noso perxonaxe cos nosos propios movementos.

«Fable Legends»

Nesta nova entrega para Xbox One, o noso heroe contará con outros tres compañeiros de viaxe cos que explorar Albión e completar misións. Unha parte interesante é que eses compañeiros poderán ser controlados por ata tres amigos a través da rede. Empregará o motor gráfico Unreal Engine 4, co que a calidade gráfica está asegurada.

«The Division»

Microsoft anunciou que a versión para Xbox One deste novo videoxogo terá contido exclusivo antes e despois do seu lanzamento, mais non deu maiores detalles sobre a natureza dese contido. Yves Guillemot anunciou que a data de lanzamento estará máis próxima ao final de 2014 que ao principio do mesmo, debido a unha posible mellor recepción por parte do mercado durante o Nadal. Así mesmo, tamén anunciaron o lanzamento dunha versión para PC, debido á enorme demanda por parte dos usuarios desta plataforma.

«FIFA 14»

Durante a conferencia, confirmaron que todos os usuarios que reserven a Xbox One en Europa, recibirán unha copia gratuita da nova entrega da saga futbolística de EA, o FIFA 14.

Ademáis, tamén anunciaron a exclusividade para Xbox One e Xbox 360 de FIFA 14 Ultimate Team Legends, co que poderemos elaborar o noso equipo ideal con estrelas actuais e xogadores míticos como Ruud Gullit, Dennis Bergkamp, Pelé, Patrick Vieira, Gary Lineker e Freddie Ljungberg.

«Call of Duty: Ghosts»

Tal como se puido ver na imaxe, haberá un pack de Xbox One e xogo. Ademáis tamén anunciaron que contará con servidores adicados para o modo multixogador. Activision confirmou a data de lanzamento para o vindeiro 5 de novembro para PC, PlayStation 3, WiiU e Xbox 360. Para a PlayStation 4 e Xbox One estará dispoñible na data de lanzamento das mesmas.
cod-ghosts(Imaxe por: TheDesertFoxOne)

«Ryse: Son of Rome»

A compañía Crytek presentou no seguinte vídeo o modo cooperativo multixogador coñecido como Gladiador, onde os xogadores deberán loitar conxuntamente contra as hordas inimigas. Tamén podemos apreciar a calidade gráfica do Coliseo romano na época do seu maior esplendor coas plataformas móbiles que empregaban para recrear as batallas das forzas romanas contra as hordas bárbaras.

«Plants vs. Zombies: Garden Warfare» e «Peggle 2»

Microsoft anunciou que os dous títulos da compañía PopCap serán lanzados en primeiro lugar para a Xbox One. A nova entrega de Plants vs. Zombies será compatible con SmartGlass e Kinect. Contará con modo multixogador de ata 24 xogadores e modo cooperativo con ata 4 xogadores.

«Killer Instinct»

A nova entrega deste videoxogo de loita será gratuito e contará cun único personaxe para xogar, Jago. Como na maioría dos F2P, haberá contido de pago e neste caso serán 5 personaxes no momento do lanzamento e outros dous tempo despois e custarán dende 4,99 € cada un. Tamén haberá dous packs de aforro: o Combo Breaker Pack, que contará cos 8 personaxes, por 19,99 € e a Ultra Edition, que ademáis do pack anterior, incluirá tamén accesorios e traxes para os personaxes, así como unha copia do xogo orixinal, todo por 39,99 €.

«Project Spark»

Este título de construcción tamén será gratuito e os usuarios xa poden rexistrarse para probar a versión beta dende finais deste outubro. Estará dispoñible para PC e Xbox 360, consola na que será compatible coa captura de movementos dos xogadores a través do Kinect.

«Cobalt»

Seguindo a súa relación co creador do exitoso Minecraft, o estudo Mojang lanzará unha versión do seu novo título de plataformas para Xbox 360 e Xbox One. Xa está dispoñible para probar unha versión alfa da versión para PC.

«Dead Rising 3»

Na entrega anterior podiamos crear novas armas mesturando diferentes obxectos. Iso non é nada… Ao máis puro estilo MacGyver ou O Equipo A, neste novo tráiler vemos como o protagonista crea un novo vehículo “aplasta-zombies”. Segundo confirmaron, o tamaño do mapa será meirande que os das dúas entregas anteriores xuntos.

«Forza Motorsport 5»

Microsoft publicou unha serie de novas capturas do xa habitual trazado Mazda Laguna Seca, onde tamén podemos ver que incluirán o último gañador das famosas 24 Horas de LeMans, o híbrido Audi R18 e-Tron. Unha das maiores novidades (e máis agardadas por moitos fans) é que por fin incluirán na saga o circuito de Spa-Francorchamps (onde por certo esta mesma fin de semana se disputa o GP de Fórmula 1 de Bélxica), mítico trazado e as súas non menos míticas curvas de Eau Rouge” ou a chicane da “Parada do Autobús”, entre outras.
forza-5-audi-r18-etron

«Kinect Sports Rivals»

Os deseñadores de Rare fálannos do proceso de creación do novo videoxogos e as incribles melloras, grazas, sobre todo, á maior sensibilidade do novo Kinect, que lles permite capturar mellor os movementos de todo o corpo, incluíndo os movementos dos dedos e expresións faciais.

call-of-duty-ghosts
A pesar dos rumores que apuntaban que a compañía Activision deixaría de lado a videoconsola de Nintendo, debido ás malas cifras de vendas da mesma, anunciaron o lanzamento de 6 novos títulos para a Wii U, entre s que figuran o «Call of Duty: Ghosts», «Skylanders SWAP Force», «Angry Birds Trilogy» e «Angry Birds Star Wars», entre outros.

Desta lista, chama especialmente a atención o FPS «Call of Duty: Ghosts», que xa confirmaron que incluirá soporte para o Wii Remote, así como para a pantalla secundaria do mando da Wii U.

O CEO de Activision Publishing, Eric Hirshberg declarou:

“Como xa dixemos anteriormente, estamos comprometidos a facer todo o que poidamos para apoiar á Wii U, que é polo que estamos tan animados para traer a esta plataforma algunhas das franquías de entretemento máis populares do mundo este mesmo ano.

A franquía Call of Duty continua sendo unha das máis potentes no mundo dos videoxogos e Skylanders segue a encantar aos novos fans ao redor do mundo. Os nosos estudos traballaron duramente creando novas experiencias inmersivas perfectamente adecuadas á plataforma Wii U e a nosa liña de lanzamentos de outono ten un pouco para todo o mundo.”

Por fin parecen chegar algunhas boas novas para a videoconsola de Nintendo, sobre todo, despois de que en maio Electronic Arts lle dera as costas anunciando que non lanzarían moitos dos seus títulos nesa plataforma, como o FIFA 14 ou o Madden NFL 25, entre outros.

summer-of-arcade-2013
Como cada ano, Microsoft lanzará a promoción de rebaixas «Summer of Arcade» en agosto nos seguintes catro títulos de Xbox Live Arcade:

  • «Brothers: a Tale of two Sons» (505 Games), o 7 de agosto por 1.200 Microsoft Points.
  • «Charlie Murder» (Microsoft Studios), o 14 de agosto por 800 Microsoft Points.
  • «Flashback» (Ubisoft), o 21 de agosto por 800 Microsoft Points.
  • «Teenage Mutant Ninja Turtles: Out of the Shadows» (Activision), o 28 de agosto por 1.200 Microsoft Points.

Ademáis, ao mercar dous xogos calquera dos anteriores, recibirás «Souls Pack for Ascend: Hand of Kul» de balde.

destiny
Xa pasaron máis de tres semanas da súa presentación no E3 e agora Bungie publica o vídeo con máis calidade que os vistos ata agora, que eran gravacións en directo. No novo vídeo podemos apreciar con aínda maior detalle a calidade gráfica que terá o novo título dos creadores da saga Halo.

Na que os seus creadores denominan a “Bungie Week”, prometen amosar novidades deste xogo:

“Cada ano, no sétimo día do sétimo mes, tomámonos un momento para agradecer aos membros da nosa comunidade a súa pasión e entusiasmo polos nosos xogos. Publicaremos novidades de Destiny durante toda a semana e estades convidados á festa.”

Está previsto o seu lanzamento para PlayStation 3, PlayStation 4, Xbox 360 e Xbox One a comezos de 2014.

Hai uns meses Activision anunciara que a saga Guitar Hero estaba morta e que abandonarían o proxecto para sempre. A que era debido isto? Os xogadores tiñámolo moi claro. A exaxerada sobreexplotación da saga con xogos clónicos totalmente prescendíbeis fixeron que os usuarios fosen perdendo o interese por estes xogos musicais, e con isto un fracaso nas vendas.

Mais a Activision mudou de idea e ten planos para o futuro desta saga que causou tantas alegrías e algunha desilusión. Deste xeito pretenden reinventar a saga de novo, e digo reinventar porque prometen comezar un novo capítulo desde cero, sen imitacións clónicas, de aí a mudanza radical.

Unha nova equipa de desenvolvemento será a encargada de realizar esta remodelación completa, en palabras de compañía:

Vamos voltar aos estudios e vamos usar novos equipamentos de desenvolvemento, novos estudios, e reinventar ‘Guitar Hero’. A compañía estaba tan emocionada seguindo o camiño que marcaba o ‘DJ Hero’ que quizá abandonamos ese punto de innovación que unha franquía como o ‘Guitar Hero’ require.”

Persoalmente agradoume a nova, máis que nada porque son moi seguidor do ‘Guitar Hero’. Mais por outro lado teño medo que esta mudanza radical traia consigo novas formas “ruíns” de xogar. Tan complexo sería realizar un título como o ‘Guitar Hero 3’?

Visto en: VidaExtra

Adeus para sempre a… Guitar Hero

Por: Xoves, 10 de Febreiro de 2011, 19:46 2 COMENTARIOS

Pois si queridos lectores, parece que Activision decidíu aplicar unha estratexia tráxica e drástica para grandes dos seus títulos, e así hoxe anunciaron que Guitar Hero foi cancelado definitivamente.

Algo malo tiña que ter a esaxerada e inmensa sobreexplotación desta saga, así, acabaron por cansar e aburrir ao usuario e con moita lóxica, as súas ventas baixaron pronunciadamente.

Para aqueles que aínda estades pensando se isto vai enserio, comentarvos que nin sequera sacarán DLC, nas propias palabras dun dos seus productores.

Lanzaremos o pack de DLC que xa tiñamos anunciado e os mix packs de febreiro, pero non seguiremos sacando novos packs de DLC”

Agora todos aqueles que esperabamos ver un Guitar Hero da altura da terceira parte, quedámonos coas ganas e será mellor que continuemos xogando ao mencionado, porque acabouse,fin,adeus o Guitar Hero.

Ah, por certo, recordades o True Crime que tiñan pensado sacar a finais deste ano?, pois tamén foi cancelado. Quedastes sen cartos Activison?