Os problemas de chamar New 3DS á nova 3DS

Por: Sábado, 27 de Decembro de 2014, 12:08 COMENTAR

Tes a 3DS estragada e queres comprar unha 3DS nova? Que vas comprar entón, unha 3DS nova ou unha Nova 3DS nova? Ou sexa, queres unha 3DS vella nova ou a nova Nova 3DS? E quérela de segunda man, ou prefires unha 3DS vella nova nova ou unha Nova 3DS nova nova?

Nota: O vídeo está en inglés.

Canal | BalrogTheMaster

Por que Nintendo fai ben

Por: Venres, 19 de Decembro de 2014, 19:00 4 COMENTARIOS

Hai moita xente que rexeita as consolas actuais de Nintendo, que non son para xogadores de verdade, que se están a equivocar moito e van acabar na ruína… mais eu aquí vos vou demostrar que non é así.

iwata-mostrando-wiimote

Satoru Iwata, presidente de Nintendo, mostrando ao público o WiiMote.

Na diferenza está a cuestión

familia-xogando-wii

Típica familia estadounidense.

Para comezar, dedicarse aos grupos de xente que normalmente non xogan aos videoxogos é unha estratexia comercial moi boa. Mentres que Sony e Microsoft compiten polo nicho limitado dos hardcore gamers, Nintendo prefire ir polos nenos, as nais, os pais e os avós. E funciona. Poucas nais se sentirían atraídas polo GTA, se cadra algún pai si, porque o mundo dos videoxogos aínda está bastante marcado por estereotipos de xénero, mais non vou entrar niso. O caso é que esas nais e pais desfrutan como tolos xogando ao Wii Sports, ou botando unha partida ao New Super Mario Bros. cos nenos. Aí hai mercado, e Nintendo sábeo ben.

Mais fóra de intereses comerciais, Nintendo ten unha cousa que o resto non teñen: innovación. Pensádeo, do punto de vista actual, cal é a diferenza entre a Super Nintendo e a Sega Mega Drive? Ou entre a Playstation e a Sega Saturn? Os xogos. Nada máis. E os xogos non dependen da plataforma, calquera deles funcionaría igual de ben, ou mellor, no computador. E non digades que non, que aquí todos temos usado emuladores.

Que pasa na época actual?

Viaxemos entón á época actual. Temos claramente 4 plataformas de mesa e 3 portátiles. Nas consolas de mesa temos a Xbox One, a PS4, a Wii U e o PC. Cal é delas destaca, sobresae, marca a diferenza? A Xbox One e a PS4, a nivel de experiencia de xogador, son iguais, e non ofrecen ningunha experiencia que non poida ofrecer un computador. Os principais xogos de ambas as plataformas tamén están dispoñíbeis en Steam, ou en menor medida en Origin, coa vantaxe de que no computador podes ter un mellor rendemento se o tes actualizado. E o seu valor como centro de entretemento, con videoclub, reprodución de DVD… telo tamén nun computador, e con menos problemas de compatibilidade. Mais a Wii U, ai amigos, esa é diferente. Si, se cadra non foi ben en vendas por problemas de márketing (e a lea dos controladores, entre gamepad, wiimote, e demais), mais é a que dá unha experiencia diferente. E unha aposta decidida, non experimentos con gasosa como o EyeToy ou o Playstation Move.

amigos-xogando-3ds

Amigos xogando á 3DS no típico espazo en branco fóra do espazo-tempo.

No campo portátil, temos Nintendo 3DS, PS Vita e toda unha chea de trebellos con Android. Cal gaña? Android. Sobradamente. A xente prefire un xoguiño simple no móbil para matar o tempo mentres agarda polo bus, aí está o mercado. O problema da PS Vita é que acaba por ser unha consola igual que as de mesa, só que portátil. Podes xogar onde queiras, con bos gráficos, e mesmo con engadidos interesantes como o Near, mais esas funcións están a ser engadidas aos móbiles, que cada vez teñen máis potencia. Ou podes simplemente xogar na túa consola de mesa habitual, trocando portabilidade por comodidade e mellores gráficos. Non ten nada que a faga imprescindíbel. Pola súa banda, a 3DS opta por ofrecer cousas novas, con diferente éxito. A tecnoloxía 3D ten moitos seguidores e moitos detractores, mais é algo que o resto non dan. E cando está ben implementado no xogo, realmente paga a pena. Tamén o feito das dúas pantallas dá moito xogo. Aínda que xa pasou a febre da época da DS, onde todo xogo era manexado coa pantalla táctil (ás veces pasándose un pouco), ter unha pantalla inferior para mapas e menús mellora moito a experiencia. E o StreetPass, con recompensas como o Tícket Eon nos novos Pokémon, dá alicientes para sacar a consola a pasear. En definitiva, diferénciase.

Que ensinanza podemos tirar de todo isto? Que nos videoxogos, como na vida, o que importa non é ser o mellor, senón ser diferente, orixinal e innovador.

rising-star-games
Ata o vindeiro 6 de marzo, algúns dos xogos do estudo Rising Star Games, como Bit.Trip.Saga ou Zero Escpae: Virtue’s Last Reward, terán rebaixas de ata o 50% na eShop da Nintendo 3DS.

Título: Prezo orixinal: Prezo rebaixado Desconto:
· Bayblade Evolution 29,99 € 14,99 € (-50%)
· Bit.Trip.Saga 19,99 € 9,99 € (-50%)
· Girl´s Fashion Shoot 29,99 € 14,99 € (-50%)
· Hakuoki: Memories of the Shinsegumi 29,99 € 14,99 € (-50%)
· Jewel Master Cradle of Rome 2 3D 19,99 € 9,99 € (-50%)
· Jewel Master Cradle of Egypt 2 3D 19,99 € 9,99 € (-50%)
· Shifting Worlds 19,99 € 9,99 € (-50%)
· Super Black Bass 3D 19,99 € 9,99 € (-50%)
· Zero Escape: Virtua´s Last Reward 24,99 € 12,49 € (-50%)

A triloxía de Phoenix Wright chegará á 3DS

Por: Mércores, 22 de Xaneiro de 2014, 12:05 COMENTAR

phoenixPolo de momento só no continente nipón, mais estes “ports” rematan extendéndose a todos os continentes. Así, poderedes revivir as tres aventuras deste avogado na vosa 3D.

Seguen as portábeis sen ideas novas? Parece que si.

bravely-default-flying-fairy
O título creado por Square Enix para a Nintendo 3DS chegará ao mercado europeo o vindeiro 6 de decembro.

Este RPG de estilo xaponés conta cun sistema de combate por turnos tan coñecido nos títulos de Square Enix, como os da saga Final Fantasy, e aproveitará as funcionalidades de realidade aumentada da videoconsola portátil de Nintendo.

O título orixinal chegou ao mercado xaponés en outubro de 2012 baixo o título Bravely Default: Flying Fairy. O vindeiro 9 de decembro chegará ao mercado nipón unha nova versión denominada Bravely Default: For the Sequel, que conta con certas melloras no sistema de combate con respecto á versión orixinal. A versión que chegará ao mercado europeo estará baseado nesta última.

Nintendo 2DS, a «3DS económica»

Por: Xoves, 29 de Agosto de 2013, 9:00 2 COMENTARIOS

nintendo-2ds
A compañía Nintendo acaba de anunciar o seu novo modelo de videoconsola portátil, a Nintendo 2DS.

Este novo redeseño, permitirá aos xogadores desfrutar de todo o catálogo da DS e 3DS, só en dúas dimensións, iso si. Polo demáis, seguirá tendo as demáis características da 3DS: dobre pantalla, conexión inalámbrica e pantalla táctil. Incluirá tamén unha tarxeta de memoria de 4GB e un punteiro como o da 3DS XL.

Unha das pegas que se poden apreciar cun primeiro vistazo é que, a diferenza dos modelos anteriores, non se pode pregar á metade cando non xoguemos, ocupando así moito máis espazo e deixando desprotexidas as pantallas ante posibles danos por accidentes.

O lanzamento está previsto para o vindeiro 12 de outubro.

Nintendo 3DSA consola máis vendida no Xapón continua sendo a 3DS de Nintendo, superando esta semana os 12 millóns de unidades vendidas dende o seu lanzamento. Estes son os datos do reso de consolas:

3DS:(total de ano: 2.268.364;dende lanzamento 12.048.244).
PlayStation Vita:(646.303; 1.777.128)
PlayStation 3:(544.964; 9.405.048)
Wii U:(409.092; 1.036.379)
PSP:(333.055; 19.962.066)
Wii:(53.121; 12.691.957)
Xbox 360:(17.285; 1.631.119)

Monster Hunter 4, en exclusiva para 3DS

Por: Xoves, 11 de Abril de 2013, 17:50 COMENTAR

Xa queda pouco para a estrea do Monster Hunter 4. O Monster Hunter Tri revolucionou o xénero dos RPG de acción polo seu control orixinal e a posibilade dun xigantesco e salvaxe mundo aberto. O xogo foi anunciado o 20 de setembro de 2012 no Tokyo Game Show, pero o 19 de decembro Capcom declarou nun comunicado oficial que o MH4 sería lanzado no verán de 2013, pois:

O xogo precisa un pouco máis de tempo… para aumentar a súa calidade.

Monster-Hunter-4

Polo de agora, temos confirmada unha serie de novos monstros, así como a reaparición de outros animais presentes en xogos anteriores. Ademais dunha ampla galería de fotos, que Capcom publicou hai pouco, a empresa nipona presentou un tráiler no TGS 2012

 

Luigi volve á carga

Por: Venres, 29 de Marzo de 2013, 15:40 COMENTAR

Case 12 anos pasaron dende que se estreou Luigi’s Mansion na Gamecube. No E3 2011, Nintendo anunciou unha nova entrega da saga, pero non foi até esta semana cando o Luigi’s Mansion 2 chegou ás tendas de todo o mundo.

PS_3DS_LuigisMansion2_PEGI

O proxecto foi supervisado dende o principio polo lendario Shigeru Miyamoto, quen optou polos gráficos en tres dimensións da 3DS fronte á Wii. O modo de xogo e a historia é similar á da primeira entrega, pero Nintendo exprimiu a 3DS ao máximo para disfrutar dunha innovadora secuela do Luigi’s Mansion.

Luigi’s Mansion 2, tamén coñecido como Dark Moon, leva vendidas en Xapón máis de 280.000 unidades dende o 20 de marzo, o día oficial da estrea. Do mesmo xeito, Nintendo reafirmou a súa supremacía no campo das consolas, pois só esta semana vendeu case 70.000 unidades da 3DS. A empresa nipona posúe o xogo e a consola máis vendidas de toda a semana, que máis pode pedir?

luigis-mansion-2-dark-moon-wallpaper-artwork

Nintendo 3DS
O ex-empregado de Sony, Seijiro Tomita demandou o mes pasado á compañía nipona Nintendo por infrinxir a súa patente da tecnoloxía 3D sen gafas que empregan na súa videoconsola portátil, a 3DS.

Segundo o seu avogado, Tomita amosou en 2003 un prototipo da tecnoloxía a 7 empregados de Nintendo e algún deles participou no deseño da 3DS.

Un xurado federal de New York acaba de declarar culpable a Nintendo de infrinxir a patente de Tomita e obriga á compañía a pagar algo máis de 30 millóns de dólares a Tomita polo danos causados.

Novo tráiler de Luigi´s Mansion 2

Por: Martes, 5 de Marzo de 2013, 12:52 COMENTAR

A menos dun mes de que saia un dos xogos máis esperados para a Nintendo 3DS, chéganos un novo tráiler que nos sigue metendo as ganiñas no corpo.

Yasuhiro Wada anunciou hoxe que está a traballar nun novo xogo para a consola Nintendo 3DS: o Hometown Story. Normalmente, os títulos exclusivos para as videoconsolas portátiles non adoitan acadar moita atención da comunidade, pero este é un caso excepcional, xa que o equipo de desenvolvemento o forman algunhas celebridades do mundo dos videoxogos. Imos velo a fondo.

Para comezar, Wada, o director deste proxecto, xa é coñecido no mercado por crear a famosa saga de Harvest Moon. Dende 1996 coa estrea do Harvest Moon na SNES, o xaponés leva tras de seu unha morea de secuelas para todas as consolas de Nintendo: Game Boy, Gamecube, NDS, Nintendo 64, Wii…

wadaharvestmoon03242010

No apartado gráfico temos a Atsuko Nishida, o deseñador artístico da saga Pokémon. Leva deseñando todos os bosquexos da serie dende o primeiro xogo de 1996 ata os últimos títulos destes anos.

Pero probablemente o que máis destaque neste equipo é o lendario Nobuo Uematsu, compositor de música e creador das mellores bandas sonoras de videoxogos da historia, incluídos moitos xogos de Final Fantasy.

nobuo_uematsu

Hometown Story tratará sobre un rapaz e a súa tenda. O obxectivo é aumentar as vendas e expandir o negocio, e de paso coñecer aos clientes, facer amigos, solucionar os seus problemas…

Non dispomos de moitas imaxes do xogo, pero si que temos o primeiro tráiler do Hometown Story.