Con este artigo iniciamos a serie que mostrará os diferentes xogos que van ser mostrados ou anunciados durante o E3 que terá lugar nas próximas datas. En primeiro lugar falaremos acerca dos xogos da distribuidora 2K Games.

A compañía Californiana en teoría presenta 3 xogos, cada un cun tema bastante diferente:

Borderlands: the pre-sequel (PC, Xbox 360, PS3)

bl_prsql10581026_ss_04

Como ben indica o seu nome, esta nova entrega da saga sitúase entre o primeiro e o segundo xogo, de modo que cubrirá os 5 anos de diferenza argumental entre os 2 xogos xa existentes. Promete o mesmo que fixeron realidade os seus predecesores, isto é, acción sen freno, personaxes carismáticos e o estilo visual característico da saga.

Inicialmente o xogo non sairá en sistemas de nova xeración, polo que é posíbel que o seu prezo non sexa tan alto como sería en caso de ir a ocupar espazo nos catálogos das consolas de nova xeración. Descoñécense moitos datos acerca desta entrega, pero o tamaño do seu escenario parece estar situado entre os tamaños das dúas entregas anteriores da saga.

 

Civilization: Beyond Earth (PC)

civilization_beyond_earth-2508497

Unha gran nova para os amantes da estratexia. Firaxis anunciou recentemente o desenvolvemento dun novo xogo da lexendaria saga de estratexia por turnos Civilization. Nesta ocasión tomaremos o mando dunha colonia espacial creada nun remoto planeta no que intentar salvar á humanidade da desaparición total. Con estes antecedentes e tendo en conta o estudo que encárgase do desenvolvemento, é imposíbel non pensar naquela obra maestra chamada Alpha Centauri, aínda que os encargados declararon unha e outra vez que os dous xogos non teñen nada en común máis aló do espazo interestelar.

 

Evolve (PC, Xbox One, PS4)

Evolve-From-The-Darkness-0013_1280x720

 

Atopámonos sen dúbida ante un dos xogos máis esperados deste ano 2014. Os creadores da coñecida saga Left 4 Dead asumiron o reto de desenvolver un multixogador online para 5 xogadores no que 4 conformarán un equipo para tentar acabar co 5º. Tendo en conta a revolución que supuxo Left 4 Dead e a súa influenza en xogos posteriores e o modo no que trocou o mundo multixogador para sempre, un únicamente pode esperar con toda a calma posíbel ata o vindeiro 21 de Outubro, data na que, en teoría, Evolve verá a luz.

Este ano que recén comeza virá, coma sempre, cheo a reventar de videoxogos, tanto para as máquinas de nova xeración coma para as da antiga, coma para PC, ou, polo que todo parece indicar, xa neste mesmo ano, Steam Machines. Neste artigo vou recoller, dun modo totalmente persoal, cales son os 15 xogos que eu máis agardo deste ano 2014, ordeados alfabéticamente.

 

1 – Alien Isolation (PC, PS3, PS4, Xbox 360, Xbox One)

Data de lanzamento: 4º trimestre de 2014.

Alien-Isolation-screen

Tralo sonado fracaso acadado por Aliens: Colonial Marines, SEGA tentará recuperar o prestixio perdido con esta nova entrega da franquicia Alien, nesta ocasión realizado por un dos estudos máis importantes da actualidade, Creative Assembly, creadores da famosa saga Total War.

Polo mostrado ata agora e polo comentado polos creadores, productores e responsábeis, o xogo virará da acción da saga Alien vs. Predator e Aliens: Colonial Marines cara o xénero do survival horror, achegándose deste modo ó filme orixinal. Para rematar esta volta atrás, a protagonista do xogo será Amanda Ripley, a filla da protagonista da saga cinematográfica, Ellen Ripley.

 

2 – Among the sleep (PC)

Data de lanzamento: Primaveira de 2014.

ats_wallpaper1440_900

Aló polo 2012 un xogo comezou a chamar a atención a nivel internacional polo seu protagonista principal: un neno de dous anos. Aínda que fíxose coñecido internacionalmente a partires de ahi, xa lograra premios e financiación por parte do goberno de Noruega, o país de orixe do estudo detrás deste xogo: Krillbite. Tralo nome que acadaron, lanzaron unha campaña en Kickstarter, que logrou acadar o seu obxectivo e que garante que sexa levado a bo porto.

Como xa se indicou, o xogo ponnos no corpo dun meniño de dous anos nunha casa na que comezan a ocorrer cousas e que, debido á curta idade do protagonista, a liña que diferenza sono de realidade vai diminuíndo o seu grosor. A maiores disto, o xogo terá compatibilidade co sistema de realidade virtual Oculus Rift, o que, trala fichaxe estrela de John Carmack, garante que o seu nivel (que calquera dos que o puidemos probar no seu momento opinamos que xa era alto) acadará un nivel superior.

 

3 – AR-K: Episodio 2 (PC, iOS, Android)

Data de lanzamento: Indeterminada

AR-K_02

Non tódolos días un videoxogo galego acada o seu obxectivo nunha prataforma coma Kickstarter, pero nesta ocasión así foi. A saga AR-K, desenvolta polo estudo coruñés Gato Salvaje, acadou a cantidade que pediran para ser quen de rematar os capítulos 3 e 4 da sua aventura gráfica episódica. Para levar a bo porto o seu proxecto, subíronse a bordo o escritor Greg Rucka, un recoñecido escritor de cómic norteamericano, e tamén incorporan a Ash Sroka, a muller que puxo a voz na triloxía Mass Effect a Tali’Zorah, para converterse na de Alicia, a protagonista da saga, na versión inglesa, xa que na versión en castelán, é interpretada por unha actriz galega, María Castro. Por certo, onte acadaron os votos necesarios para entrar en Steam a través da prataforma Greenlight.

 

 4 – Day Z (PC)

Data de lanzamento: Indeterminada

NoxHw

Si, o xogo xa está dispoñible en Steam. Si, en Memoria Pixelada xa falamos acerca do acceso a dita prataforma do xogo. Si, xa leva vendidas máis de 875.000 copias. Pero segue sendo un xogo en desenvolvemento. Agora mesmo accedeu a Steam (e logrou ser o xogo máis vendido nas ofertas, pese a non estar rebaixado) a través do su sistema Early Access, que permite que xogos en desenvolvemento sexan vendidos e logren o diñeiro necesario para acadar finalizarse. Actualmente o xogo está en versión alpha e espérase que entre en beta a finales de ano.

Non hai moito que dicir acerca del que non sexa xa coñecido: iniciou a moda actual dos xogos multixogador survival en primeira persoa (Infestation: survivor stories, Rust) baseados nun escenario postapocalíptico no que teremos que estar tan atentos ós enemigos do xogo coma, sobre todo, ó resto de persoas que se atopen xogando, xa que na meirande parte das veces, convértense na verdadeira amenaza. E todo iso o lograron simplemente cun mod do Arma II, agora prometen un xogo moito máis profundo ó tratarse dun título partindo de cero. A confianza de moita xente xa a teñen, e a miña entre ela.

 

5 – Diablo 3: Reaper of souls (PC, PS4)

Data de lanzamento: 25/03/2014

diablo-iii-reaper-of-souls-logo

Trala polémica e a decepción que supuxo, en parte, Diablo III no seu lanzamento, Blizzard trae esta primeira expansión do xogo, a cal inclúe un novo tipo de personaxe, o cruzado, aparte de, como é habitual, un acto a maiores dos que trae o xogo orixinal, para continuar a historia. Moitos somos os que recordamos a diferenza entre Diablo II e Diablo II máis a expansión, dun modo que non se pode concebir o xogo sen o contido adicional, debido ós profundos trocos que provocou na xogabilidade, de modo que Blizzard merécese un pouco de confianza de cara a mellorar a experiencia xogábel de Diablo III.

 

 6 – Evolve (PC, Xbox One, PS4)

Data de lanzamento: Outono de 2014

evolve

Probablemente se digo Tutle Rock Studios non acade a vosa atención, pero se troco esas verbas por Left 4 Dead pode que xa a teña. Evolve é o novo xogo deste estudo, que será publicado por 2K Games. Ata o de agora coñécense poucos datos acerca do xogo, aparte de ser un xogo multixogador. Pero o máis significativo do coñecido ata o momento é, sen dúbida, a sua proposta de xogo, na cal un equipo de 4 xogadores ten como obxectivo cazar ó monstruo que manexa o carto xogador.

 

7 – Game of Thrones

Data de lanzamento: indeterminada

article_post_width_news-game-of-thrones-telltale-rumor

Todos aquelas persoas que probaran The Walking Dead, o xogo de Telltale, entenderán a seguinte operación: Telltale +George  RR Martin + Game of Thrones. Non fai falla decir nada máis.

 

8 – Mario Kart 8 (Wii U)

Data de lanzamento: Primavera de 2014

TM_WiiU_MarioKart8

¿Qué podemos decir de Mario Kart que non sexa coñecido? Velocidade, risas, pasar un bo rato cos amigos e manexar ós teus personaxes favoritos unha vez máis subidos en karts, todo elo aderezado polos xa coñecidos powerups da saga. Teñen a fórmula do éxito, e saben aproveitala. Ó igual que todas as anteriores entregas, un must have.

 

9 – Mirror’s Edge 2 (PC, PS4, Xbox One)

Data de lanzamento: Indeterminada.

news_photo_29555_1370371972

Corría o ano 2008 cando en Xbox 360 e PS3 apareceu un xogo moi luminoso, rápido, cun mundo colorido, baseado en correr, saltar e empregar a axilidade da protagonista para chegar ata o seguinte edificio, saltando de tellado en tellado. O seu argumento, baseado en parte na novela de George Orwell 1984, era simple, ainda que adictivo, e o escenario, moi lineal, chamaba á exploración e a tentar escalar ata onde puidéramos para poder botar un ollo á cidade dende o punto máis alto do edificio máis alto. Mirror’s Edge 2 promete precisamente o que lle faltaba ó seu predecesor: un mundo aberto. Simplemente mantendo as cualidades da primeira entrega e engadindo este novo mundo aberto, o xogo dará un salto de calidade e convertirase nun dos máis rechamantes do ano sen dúbida de ningún tipo.

 

10- Rambo: The videogame (PC, PS3, Xbox 360)

Data de lanzamento: 21/02/2014

rambo2

Moita xente non estará dacordo co feito de que elixira este xogo por diante doutros para aparecer nesta lista dos máis agardados do ano, sendo un xogo que estou seguro de que non marcará un antes e un despois en ningún aspecto, e que seguramente estea cheo de erros. Pero pensade en que é de esperar que podamos facer cousas como estas. ¿Seguides pensando que o xogo non vai ser entretido? Eu non teño dúbida de ningún tipo, máis ainda tendo en conta que o xogo consistirá en superar esceas dos 3 primeiros filmes da saga.

 

11 – South Park: the stick of truth (PC, PS3, Xbox 360)

Data de lanzamento: 06/03/2014

South-Park-The-Stick-of-Truth-sí-será-lanzado-en-2013

Moitos medramos vendo na televisión ós polémicos debuxos South Park. Agora chegan cun dos xogos máis agardados do ano 2013, que tivo que ser desprazado a 2014 debido ós problemas económicos do seu distribuidor THQ. O xogo prometía no seu momento, e continúa prometendo agora mesmo, un xogo de rol no cal os creadores da serie teñen responsabilidade na elaboración do guión, cos personaxes míticos da serie (agardamos, coma non podía ser doutro modo, a morte de Kenny), será algo que moitos non queremos deixar pasar.

O xogo comeza xa antes do seu lanzamento a xerar a polémica esperada, xa que a Australia chegará unha versión censurada do mesmo. E seguramente non sexa o derradeiro mercado no que sofran recortes.

 

12 – Star Citizen (PC)

Data de lanzamento: Indeterminada

ObitalStation01

 

Atopámonos ante o xogo que ten o record de financiación a través de crowdfunding: ata o momento acadou un total de 37 millóns de dólares. A financiación arrancou coma un foguete en canto fíxose público que Chris Roberts, o creador da lexendaria saga Wing Commander, retornaba ó mundo dos videoxogos. E como era de esperar, retorna co que mellor sabe facer: un simulador de combate espacial. Ainda que nesta ocasión, o xogo vai moito máis alá dun xogo de simulación de combate, xa que trátase dun MMO cun mundo persistente e ca posibilidade de incluir mods. Como exemplo do interese que está a provocar, recentemente abriuse o sistema para crear clans, e en 12 horas creáronse máis de 4900 asociacións para xogar xuntos. O xogo ten toda a pinta de ser un dos máis importantes do próximo lustro, e apunta a ser unha dura competencia para o actual líder deste tipo de xogos, o World of Warcraft.

 

13 – The Walking Dead: Season Two (PC, PS3, Xbox 360, Vita, iOS)

Data de lanzamento: 17/12/2013

WDS2_KeyArt_1920x1080_NoLogo_large_verge_medium_landscape

Estamos ante a secuela dun dos xogos máis sorprendentes dos derradeiros anos, e que supuso a consagración do seu estudo creador, Telltale, e que confirma o troco da aventura gráfica clásica, con puzles cunha dificultade elevada a un novo modelo de aventura gráfica, centrada ó 100% na historia e nos personaxes. Precisamente un dos personaxes desta primeira entrega da saga é a protagonista desta segunda parte, a nena Clementine, seguramente a personaxe favorita da meirande parte dos que xogaron esa primeira parte.

O xogo é certo que foi publicado en Decembro de 2013, pero é unha aventura episódica que terá todos os seus episodios excepto ese primeiro publicados en 2014. E se continúa ca calidade do seu predecesor, non descarto para nada que estea pelexando de novo polo GOTY.

 

14 – The Witcher 3: Wild Hunt (PC, PS4, Xbox One)

Data de publicación: Indeterminada.

420

Máximo favorito ó GOTY 2014, e ainda non se viron máis que unhas poucas imaxes e algún vídeo. Non fai falla máis. Se The Witcher 2 foi un dos mellores xogos da xeración pasada, esta terceira parte da saga apunta a mellorar ó seu predecesor, incluindo a principal carenza do xogo anterior, a falta dun mundo totalmente aberto no que poder perderse.

É de esperar que, do mesmo modo que o seu predecesor, marque un hito no tocante ó aspecto técnico (CD Projekt Red descartou realizar o xogo para PS3 e Xbox 360 pola imposibilidade de que funcionara neses sistemas), a nivel historia é de supor tamén que será tan sobresaínte como o Assassins of Kings e, sobre todo, contará cun dos, se non o mellor, personaxe da xeración anterior, o lobo branco, Geralt de Rivia.

Agardaremos impacientes a publicación da data definitiva de saída ó mercado, porque de seguro valerá a pena a espera e ata o derradeiro céntimo que custe.

 

15 – Uncharted 4 (PS4)

Data de publicación: Indeterminada

2498622-nathan_drake

 

Se na posición 14 falábamos dun dos mellores personaxes da xeración, neste derradeiro xogo estamos a falar doutro dos grandes, Nathan Drake, o protagonista da saga Uncharted.

O desenvolvemento desta cuarta entrega da saga, a primeira nas consolas de nova xeración leva rumoreándose dende inicios de 2013, pero leve un ano en desenvolvemento o xogo ou non, unha cousa está clara: será, ó igual que todos os anteriores xogos da saga e o derradeiro xogo dos seus creadores, Naughty Dog, técnicamente rompedor no momento da sua saída. O fixeron co Uncharted 2, superando todo o visto ata entonces en PS3, o melloraron un pouquiño máis en Uncharted 3 (ainda que como xogo é peor que o 2, técnicamente é lixeiramente superior) e remataron de romper con todo co The Last of Us, marcando un tope técnico en PS3 que seguramente non sexa superado. Esta cuarta entrega será peliculeira, palomiteira totalmente, de consumo lixeiro, ó igual cas 3 anteriores, pero seguro que igual de entretida e adictiva.

2K Games cancela a saga «MLB 2K»

Por: Mércores, 8 de Xaneiro de 2014, 14:00 COMENTAR

mlb2k13
A compañía 2K Games ven de anunciar que cancelan a saga de béisbol MLB 2K, polo que o MLB 2K13 será o derradeiro xogo.

“Decidimos non renovar a saga MLB 2K para 2014.”

“Estamos moi orgullosos dos logros acadados polo equipo responsable de MLB 2K e agardamos con interese as súas contribucións aos nosos futuros títulos, incluíndo NBA 2K, a franquía de baloncesto mellor valorada pola industria e a que máis copias vende.”

A compañía eliminou da súa páxina web toda mención á saga de béisbol, polo que todo parece indicar que o contrato de licencia remataba o día 31 de decembro.

Despois do sorpresivo lanzamento do MLB 2K13 o pasado marzo, esta última entrega recibíu numerosas críticas, pois básicamente era un MLB 2K12 cunha actualización dos elencos de xogadores dos equipos.

Esta cancelación deixa a MLB 14: The Show como único xogo da liga americana de béisbol anunciado para este 2014 para as consolas de Sony, deixando sen alternativas aos xogadores de Xbox 360 e Xbox One.

sony-gamescom
As principais novidades que Sony presentou na conferencia de onte na GamesCom 2013:

Data de lanzamento da PlayStation 4

ps4 dual
Como xa vos informamos nesta nova, xa sabemos a data oficial de lanzamento da PlayStation 4, que será o 15 de novembro no mercado americano, mentres que en Europa, América Latina e Australia e Nova Zelandia haberá que agardar ao día 29 de novembro. Polo de agora, descoñécese a data de saída no Xapón, pero estaba previsto para 2014.

Streaming a través de Twitch TV

twitch-tv
A nova PlayStation 4 poderá emitir as imaxes do xogo a través de Twitch TV. Será tan sinxelo como premer o botón “Share” no mando DualShock 4. Será outro xeito de capturar o vídeo das nosas partidas, ademáis do xa anunciado servizo DVR, que capturará os últimos 15 minutos de xogo.

PlayStation Plus terá 3 GB de almacenamento e 14 días de proba

O servizo de almacenamento na nube de PlayStation 4 engadirá 1 GB aos dous xa dispoñibles en PlayStation 3 e PS Vita. Os usuarios da nova videoconsola disporán dun período de proba de 14 días. Tamén anunciaron que os usuarios que renoven a súa subscrición por un ano antes do 20 de setembro, recibirán 90 días adicionais como agasallo pola súa fidelidade.

Baixada de prezo de PSVita e PlayStation 3

O modelo de 12 GB de PlayStation 3 e PSVita terán agora un prezo recomendado de 199 €. Ademáis, Sony tamén anunciou unha baixada de prezos das tarxetas de memoria para a consola portátil.

Descontos nos xogos de PlayStation 4 ao mercar a versión de PlayStation 3

Polo de agora só estará dispoñible con catro títulos, pero aqueles xogadores que merquen o xogo na actual consola de Sony terán un desconto significante se queren adquirir a versión para a nova videoconsola. Os títulos confirmados polo de agora son: «Call of Duty: Ghosts», «Watch Dogs», «Assassin’s Creed IV: Black Flag» e «Battlefield 4».

«Killzone Mercenary»

Guerrilla Games eleva o listón da calidade gráfica da PS Vita neste novo tráiler de Killzone Mercenary.

«Borderlands 2», «Fez», «Football Manager Classic 2014» sairán para PS Vita

Sony estivo traballando con 2K Games e Gearbox Software para crear unha versión para PS Vita do seu exitoso xogo Borderlands 2.

Pola súa banda o estudo barcelonés Blit Software está traballando na versión portátil de Fez, exitoso título, do que recentemente coñeciamos a cancelación da súa segunda entrega.

Ademáis do xa anunciado para PC, Mac e Linux, o compoñente “Clásico” de Football Manager 2014 tamén sairá para a PS Vita. Será publicado por Sega e Sports Interactive, creadora da coñecida saga, prometeu dar máis información pronto.
football-manager-classic-2014

«Tearaway»

Dos creadores de «Little Big Planet», a compañía Media Molecule publicou este novo tráiler do xogo de puzzles e plataformas nun entorno cun estilo de artesanía de papel.

«Gran Turismo 6»

O archicoñecido simulador de conducción Gran Turismo 6 chegará a todos os mercados mundiais o vindeiro 6 de decembro para PlayStation 3.

«LittleBigPlanet Hub» para PlayStation 3

Sony anunciou o lanzamento do novo servizo LittleBigPlanet Hub, un novo F2P que se financiará cos obxectos Premium e as microtransaccións.

«Rachet & Clank: Into The Nexus»

O director creativo de Insomniac Games, Brian Algeier @BrianAllgeier) nárranos este vídeo de 5 minutos de duración con imaxes do novo «Rachet & Clank: Into The Nexus», previsto para finais de ano para PlayStation 3 e PS Vita.

Xogos indie para PlayStation 4 e PS Vita

Con máis de 20 títulos confirmados, a PlayStation 4 e a PS Vita recibirán numerosos títulos indie, como o «Hotline Miami 2», «Fez», «Rogue Legacy» ou «The Binding of Isaac: Rebirth», entre outros, ademáis das exclusivas «Guns of Icarus Online» para PlayStation 4 e «Broken Sword», para PS Vita.

Os títulos confirmados polo de agora son:

PlayStation 4

  • “Assault Android Cactus” (Witch Beam)
  • “Fez” (Polytron Corporation)
  • “Final Horizon” (Eiconic Games)
  • “Guns of Icarus Online” (Muse Games)
  • “Hotline Miami 2: Wrong Number” (Dennaton Games and Devolver Digital)
  • “N++” (Metanet)
  • “Rogue Legacy” (Cellar Door Games)
  • “Samurai Gunn” (Teknopants)
  • “Starbound” (Chucklefish)
  • “Switch Galaxy Ultra” (Atomicom)
  • “The Binding of Isaac: Rebirth” (Nicalis)
  • “Velocity 2X” (FuturLab)
  • “Volume” (Mike Bithell)
  • “Wasteland Kings” (Vlambeer)

PS Vita:

  • “Age of Zombies” (BlitWorks/Halfbrick)
  • “A-Men 2” (Bloober Team)
  • “Assault Android Cactus” (Witch Beam)
  • “Avoid Droid” (Infinite State Games)
  • “Broken Sword: the Serpent’s Curse” (Revolution Software)
  • “Eufloria HD” (Omni Systems)
  • “Fez” (Polytron Corporation)
  • “Final Horizon” (Eiconic Games)
  • “Flame Over” (Laughing Jackal)
  • “Gravity Crash Ultra” (Just Add Water)
  • “Gunslugs” (Abstraction Games)
  • “Hotline Miami 2: Wrong Number” (Dennaton Games and Devolver Digital)
  • “Joe Danger 1” (Hello Games)
  • “Joe Danger 2” (Hello Games)
  • “Kick & Fennick” (Green Hill Studios)
  • “Rogue Legacy” (Cellar Door Games)
  • “Samurai Gunn” (Teknopants)
  • “Supermagical” (Tama Games)
  • “Switch Galaxy Ultra” (Atomicom)
  • “Table Top Racing” (Ripstone)
  • “The Binding of Isaac: Rebirth” (Nicalis)
  • “Volume” (Mike Bithell)
  • “Wasteland Kings” (Vlambeer)

33 títulos dispoñibles no lanzamento da PlayStation 4

Sony anunciou que na data do seu lanzamento, a nova videoconsola terá un catálogo de 33 títulos, algúns propios, como o Killzone Shadow Fall, Driveclub ou Knack e outros de terceiros.

«Resogun»

Housemarque, creadores da saga «Stardust», presentaron esta nova exclusiva para PlayStation 4, que prometen será o sucesor espiritual da debandita saga.
resogun

«Knack»

Pouco máis que este tráiler se dixo do título, creado por SCE Japan Studio e dirixido polo propio Mark Cerny@MarkCernyPS4), pero podemos ver novas imaxes do xogo, que estará dispoñible no lanzamento da nova videoconsola PlayStation 4.

«Killzone Shadow Fall»

Neste novo tráiler podemos unha pequena entrega do modo multixogador do shooter e as posibilidades para crear partidas propias con opcións como o número de vidas, tamaño dos equipos, fogo amigo, armas, e outras moitas opcións.

«inFamous Second Son»

Sony amosou neste novo tráiler a habilidade que ten Delsin, protagonista do videoxogo, para absorver os poderes doutros superhumanos, neste caso, poderes eléctricos.

«Minecraft»

O exitoso xogo de Mojang deixará de ser exclusivo de Microsoft nas videoconsolas e chegará tamén á PlayStation 3, PlayStation 4 e PS Vita, como confirmaron Adam Boyes @amboyes), directivo de Sony e o creador do xogo Markus Persson @amboyes) en sendas mensaxes en Twitter:


Se queredes ver de novo a conferencia completa, aquí a tedes:

(Saltamos os 19 primeiros minutos, pois son a típica imaxe avisando que a conferencia comezará en breve).

borderlands-2-tiny-tina-assault-on-dragon-keep
Gearbox Software ven de publicar un vídeo de 5 minutos de duración coas escenas iniciais do próximo DLC para o Borderlands 2: Tiny Tina’s Assault on Dragon Keep.

Este DLC adentrará ao xogador nun xogo creado pola fantasía de Tiny Tina chamado “Bunkers and Badasses”.

Será o derradeiro DLC para o modo campaña que forme parte do pase de tempada do Borderlands 2, xunto cos anteriores “Captain Scarlett and Her Pirate’s Booty”, “Mr. Torgue’s Campaign of Carnage” e “Hammerlock’s Big Game Hunt”.

Gearbox confirmou que “Tiny Tina’s Assault on Dragon Keep” estará dispoñible o vindeiro 25 de xuño por 800 Microsoft points ou 9,99 en PS3 e Steam.

Tráiler e data de saída de Borderlands 2

Por: Mércores, 22 de Febreiro de 2012, 16:15 COMENTAR

Despois dunha primeira entrega que sorprendeou a maioría dos xogadores, 2K Games acaba de anunciar cal será o día de lanzamento de Borderlands 2 e con esta información acompaña un tráiler moi ameno e simpático onde se nos amosa algún dos personaxes do título e algunhas das súas características.

O 21 de setembro foi o día elexido para que a segunda entrega de Borderlans saia á venta, e todo promete que mellorará o anterior título mantendo a mesma estética cell-shading, as miles de armas, seres deformes, cooperativo…

Máis e mellor como se ven dicindo, espero que rompa coa monotonía que me supuxo o título anterior despois das primeiras horas.