Cando aínda non remataron as series finais da NBA, 2K sports xa adianta quen será a portada da vindeira edición do xogo deportivo máis premiado, o NBA2K, e faino apostando sobre seguro, escollendo ao que ten case que todas as papeletas para facerse co seu segundo anel (co permiso de Tony Parker e os seus Spurs), a megaestrela da NBA e actual MVP da liga regular, Lebron James.

NBA-2K14-portada-LeBron-James

Portada do NBA2k14 de 2K Sports

Volve así a saga a darlle protagonismo absoluto na portada a un so xogador actual, cousa que non acontecía desde a aparición de Kobe Bryant na edición de 2010. Xa que en 2011 recurriron a Michael Jordan, en 2012 ensaiaron con distintas portadas de xogadores clásicos e na edición de 2013 amosaron en portada á tripleta formada por Kevin Durant, Blake Griffin e Derrick Rose (na versión que se comercializou nestes lares substituíuse a Durant por Marc Gasol)

A compañía aproveitou a atención suscitada polo final de temporada para publicar nun curioso anuncio a colaboración do #6 dos Miami Heat:

 

Tamén no E3 de Los Angeles se viu un breve adianto de como lucirá o xogo na nova xeración de consolas, mais deixandolle todo o protagonismo, e por partida dobre, a “The King” James:

 

O xogo estará dispoñible a partir do vindeiro 4 de outubro para Xbox 360 e PS3, e coas súas saídas á venda para as novas Xbox One e PS4, sendo a notable a ausencia dunha versión para Nintendo Wii U.

No último trimestre poderemos logo comprobar se 2K Sports seguen a ser os reis do baloncesto virtual, ou ceden ventaxa hacia os seus competidores, xa que cómpre lembrar que, desta vez semella que si, EA Sports recuperará a súa franquicia NBA Live logo de tres anos consecutivos adíando o proxecto ao non conseguiren un producto de suficiente calidade.

Resumo da conferencia de Ubisoft

Por: Martes, 11 de Xuño de 2013, 12:48 COMENTAR

UBI_4
Ubisoft empezou a súa presentación no gran evento dos videoxogos de maneira musical, co guitarrista de Alice in chains configurando o Rocksmith en “Modo sesión” para tocar un pouco, o xogo en sí quizáis non é o máis interesante (parece unha mellora do anterior xogo, un xogo musical que con pretensión de aprender a xente a toca-la guitarra), pero empezar cun pouco de rock antes dos videoxogos non ben mal, non foi tan mal comezo.

Seguiron cunha pequeña charla da presentadora sobre os obxetivos de Ubisoft (a típica charla que lle escriben os de Marketing) sazonándoa co seu “leitmotiv” da noite, os chistes malos. Olvidando a falta de gracia da presentadora,   os seguintes títulos presentados eran xa coñecidos, o novo Splinter Cell: Blacklist e o  preciosísimo Rayman Legends. No primeiro se limitaron a ensinarnos un novo trailer cinemático, mentres que co Rayman ó trailer engadíronlle algo de gameplay.


 

 

Para continuar co toque de color e humor, presentáronse outros dous novos títulos, un xogo social de estratexia e aventura centrado na idea de robuar diñeiro os adversarios e protexer o tesouro roubado, co nome de “The mighty Quest of Epic Loot”, e o esperado (polo menos por min) “South Park: The stick of Truth”. Aínda que ambos, malía o divertido dos trailers, volveuse a botar de menos algo de gameplay.


 

E aquí chegou a presentación da gran novidade pola que Ubisoft parece apostar “The Crew” (tendo en conta o tempo que lle adicaron). Un xogo de conducción tipo arcade, moi centrado no que parece que vai ser a tónica de este ano, a interconectividade entre xogadores, o mundo aberto (A coletilla máis repetida na conferencia) e a axuda de pantallas secundarias, coma tablets, así como na customización dos autos. En xeral o que mostraron non chegou a convencerme moito, pese ó bombo que lle deron.


 

Despois mostraron un trailer do que foi a sorpresa do ano pasado: “Watchdogs”, un xogo do cal a idea paréceme unha marabilla (un vixilante que se aproveita da vulnerabildiade que temos agora todos gracias a internet e os teléfonos de última xeración), pero do que só amosaron outro trailer cinemático.

Tras crear máis espectación decidiron pasar de novo ós xogos casuais coa presentación da nova entrega de “Just Dance”, un deses xogos de facer o rídiculo pretendendo bailar diante do televisor, e “Rabbit Invasion”, unha serie infantil de televisión, que vai contar con compoñenetes interactivos.

Chegou entón o momento de encauzarse de novo ó que é público obxetivo do E3, primeiro cun título que tamén todos coñecíamos, e do que non se viu nada realmente novo, de novo máis trailers cinemáticos e nada de gameplay, co cal díficil é decidir por agora se a saga parece seguir no seu descenso ou remontará frente a anterior e tediosa entrega. Tamén amosaron algo dos dous novos Trials, un para móbiles e o outro para consolas da nova xeración.

A conferencia rematou presentando cun trailer que pretendía emular o do ano pasado de Watchdogs, e que nos presentaba a nova IP de Ubisoft: The division. Un MMO con toques RPG, cunha ambientación postapocalíptica, que personalmente lembroume moito a películas coma “Soylent Green” ou “A estrada”. E deste sí, por fin ensinaron algo do xogo.

A impresión final que levo da conferencia é moi mediocre. Pese presentar algunhas novidades, a maioría do presentado que interesaba, non deixaban de ser xa coñecido e pólo tanto causou pouco impacto. E o peor preferiron trailers a a amosarnos directamente os xogos. Se tivera que quedarme con algo, quedaría con The division, é unha idea interesante, que ben levada pode dar moito de sí. e xunto con “The crew” a única novidade real que se presentou.

 

e3-2013-ms-600x300

Por se non puidestes ver en directo a conferencia, nin seguido polo noso Twitter, aquí vos fago un breve resumo do que anunciaron os de Microsoft.

Primeiro dicir que sorprende que cumplisen coa promesa de centrarse case en exclusiva na presentación de videoxogos, pero así foi, mais antes de amosarvos os títulos comentarei os poucos aspectos alonxados dos videoxogos que se presentaron.

O punto máis importante: Data e prezo.

Cando pensabamos que nos ían deixar sen esta información, na recta final desvelaron o prezo e data de lanzamento. A Xbox One custará 499€ e sairá en novembro. A verdade, todos os rumores apuntaban a este prezo polo que non sorprende demasiado, outra cousa é se estás disposto a gastalos coas “trabas” que ten, iso é a vontade de cada un.

Outra das noticias que sorprendeu foi o lanzamento dunha nova Xbox 360 máis pequena e delgada. Non anunciaron prezo, áinda que si dixeron que estaría nas tendas dende xa. Está claro que a mensaxe foi que non abandonarán a Xbox 360 así como así, e paréceme un movemento intelixente tendo en conta a sucesora…

Tamén fixeron algunha que outra demostración con tablets e as Smartglasses, mais nada que non fose eclipsado pola presentación de videoxogos que procederei a enumerar.

Comezaron cun tráiler con gameplay do Metal Gear Solid V: The Phantom Pain, que tamén sairá en Xbox One. Aquí tedes o vídeo, como podedes comprobar dalle máis importancia á liberdade de acción.

Despois disto deron un paso atrás presentando unha serie de xogos exclusivos pero que pasaron totalmente desapercibidos. A medida que vaian chegando os vídeos e tráilers iremos amosándovos máis. Os xogos eran:

Kinect Sports Rivals creado por Rare, World of Tanks que terá unha versión para Xbox 360, Max the Curse of Brotherhood (un plataformes aparentemente infantil), Minecraft coa súa versión para Xbox One, D4 (un título do que apenas se sabe nada pero ergueu aplausos por estar realizado por Swery, creador de Deadly Premonition) e Project Spark (un título de construción que sairá para Xbox One e Windows 8).

Quizais me equivoque mais estes xogos que acabo de mencionar e que penso que a maioría son exclusivos non destacan en comparación cos grandes anuncios que se levaron a cabo e os que vou facer mención a partires de agora:

Un dos títulos que mellor sabor de boca deixou foi Rysen:Son of Rome, título desenvolvido por Crytek e que nos mete na pel dun romano. Non vou dicir nada, abonda con ver o seguinte vídeo.

Outra das sorpresas foi Sunset Overdrive, un xogo dos creadores de Ratchet and Clank no que nos sumerxe na pel dun deportista de parkour pero que á súa vez debe loitar contra todo tipo de bechos. Pinta ben.

Killer Instinct tamén se deixou ver nesta presentación (si, este era o título que rescataría RARE)

O título de condución por excelencia de Microsoft sempre foi a saga Forza e a quinta entrega anunciárona con este gameplay:

Pero se houbo un xogo que levantase expectacións nesta presentación, esa foi Dead Rising 3, e non só porque será exclusivo de Xbox One, senón porque polo que podemos ver será máis serio que as dúas entregas anteriores:

E seguimos con terceiras partes, xa que The Witcher 3 tamén foi anunciado con este vídeo:

Se recordades, no anterior evento de Microsoft houbo un xogo que marcou a todos os xogadores, Quanum Break, pois ben, como era obvio non ía faltar á cita, e non só iso, senón que chega cun tráiler prometedor:

Battlefield 4 tampouco faltou neste evento e aínda que polo que se pode ver o espectáculo intenta primar ante todo, non chega a sorprender, ou polo menos a min.

E como non, o título por excelencia de Microsoft, un novo Halo foi anunciado baixo un enigmático e prometedor tráiler até que se soubo de quen se trataba:

Para rematar a conferencia decidiron amosar o videoxogo de Respawn, baixo o nome de Titanfall, un FPS nun mundo cheo de robots xigantes que deberemos facer fronte. Tampouco destaca demasiado nin innova en ningún punto concreto:

Estes foron os títulos que máis destacaron e que debo recalcar neste pequeno resumo. Non dubidedes en botarlle un ollo. Fáltanme pequenos vídeos que se dexaron ver como de Below (un pequeno videxogo do creador de Sword e Sorcery) ou Crimson Dragon, o desaparecido xogo de dragóns, pero os que xogos que máis van dar que falar nos próximos días son os mencionados.

xbox one one

Que a nova consola de Xbox decepcionou a maior parte da comunidade de xogadores a nivel mundial xa non é unha sorpresa, e con este panorama enriba da mesa Microsoft debe tomar unha decisión, e estas son as declaracións de Larry Hryb, executivo de Xbox Live:

Estamos estudando coidadosamente o feedback recibido, aínda que despois do E3 a xente estará feliz.

Decisións como as de segunda man ou a conexión a internet obrigatoria están aínda sendo finalizadas, polo que de aquí ao lanzamento da plataforma podería cambiar.

Personalmente penso que só se trata dunha estratexia para calmar o enfado dos xogadores antes da chagada do E3, porque dubido moito que dean marcha atrás a estas alturas, aínda que sexamos positivos, esperemos que entren en razón.

Xbox One 1

Despois de anunciar a nova Xbox One os periodistas que alí se atopan enuncian todo tipo de dúbidas aos responsábeis desta consola para despexar as dúbidas máis importantes sobre os rumores máis “tétricos” que arrastra esta videoconsola, pois ben, algunha desas cuestións foron respondidas e a verdade, non vos vai gustar, non vos vai gustar.

Como dicía anteriormente, Xbox One non será retrocompatíbel cos xogos de Xbox 360. Estas foron as palabras de Todd Holmdahl, vicepresidente corporativo de hardware de Microsoft:

Ler o resto da entrada »

Ás 19:00 desta tarde Microsoft daba comezo o seu esperado evento no cal presentarían a súa nova consola de sobremesa que substituirá á Xbox 360, e unha hora e cuarto despois remata a conferencia, aquí van as noticias máis salientábeis.

Microsoft non agardaou absolutamente nada en presentar a súa nova consola baixo o nome de Xbox One.

xboxone

Despois de amosala ao mundo comentaron as súas características técnicas baixo a seguinte imaxe.

xbox one especificacions

Como podedes observar a consola conta cunha CPU de 8 núcleos respaldada con 8 GB de RAM. Finalmente, o rumor extendido a voces faise realidade e a Xbox One contará con Blu-Ray e 500 GB de Disco Duro.

A parte disto conexión vía Wi-fi,USB 3.0 e entrada e saída de HDMI, pero lonxe de quedarse aquí deron moita importancia á conectividade da consola con tablets,móbiles…, amosaron o novo Kinect e observamos o que denominaron TV Online con Skype integrado e a posibilidade de ver as estatísticas en directo.

Tamén deixaron caer que preparan unha serie de TV de Halo supervisada polo propio Steven Spielberg.

Pero non todo son boas novas, xa que a retrocompatibilidade con Xbox 360 desaparece:

Estreamos unha arquitectura completamente nova para esta xeración, e coa arquitectura que temos con Xbox 360 estariámonos limitando para continuar con ela.

En canto a videoxogos as sorpresas foron mínimas, mais o que si resaltaron é que están a traballar en 15 exclusividades e 8 delas completamente novas.

Microsoft confirmou que traballan no FIFA 14,NFL,Madden,NBA Live e UFC sen amosar ningún dato salientábel.

Turn 10 anunciou Forza Motorsport 5 co seguinte tráiler:

Tampouco soltaron máis información sobre este título. Supoño que se resgardan para o inminente E3.

Remedy tamén estivo presente anunciando unha nova franquicia baixo o nome de Quantum Break:

http://www.youtube.com/watch?feature=player_embedded&v=JZIaouzxAys

E para rematar o aclamado Call of Duty:Ghosts cerrou o evento con este tráiler que nos amosa a un dos nosos compañeiros, un can.

Xa hai data de presentación da nova Xbox

Por: Mércores, 24 de Abril de 2013, 22:28 COMENTAR

xbox-720
Despois de moitos rumores e especulacións dende que fai dous meses a súa principal rival Sony “presentara” a PlayStation 4, agora é a compañía de Redmond a que move ficha.

O vindeiro 21 de maio ás 7 da tarde (hora española) non fagades plans, pois a esa hora será cando Microsoft faga a presentación oficial da súa vindeira videoconsola, aínda que parece que ese día darán un pequeno adianto da súa «visión de futuro», pero será 19 días despois, na Electronic Entertainment Expo (E3), cando ofrezan todos os detalles da nova videoconsola. Unha táctica moi similar á empregada por Sony coa PlayStation 4.

A presentación poderemos seguila a través de Xbox.com e en Memoria Pixelada informarémosvos de todas as novidades que presenten.

(Imaxes exclusivas de IGN, e amosan máis información do xogo que o propio tráiler)

Ao mellor o nome de Shinji Mikami non vos di nada, mais se vos digo que é o pai de títulos como Resident Evil ou Devil May Cry comezades a comprender a expectación que está provocando co seu novo proxecto.

Bethesda foi a que sacou á luz o anuncio do seu próximo videoxogo, The Evil Within, un título non apto para menores de idade e que promete sustos e medo por partes iguais.

Estas foron as palabras de Mikami:

No noso equipo estamos centrados en crear unha nova franquicia que proporcione aos fans o equilibrio perfecto entre terror e acción.

Tamén confirmou que The Evil Within sairá en 2014 para PC, Xbox 360,PS3 e consolas de próxima xeración.

microsoft-logo-wallpaper-1024x680

 Onte volvían agromar os rumores que apuntaban á posibilidade de que a nova XBOX (de nome clave Durango) necesite estar permanentemente conectada á rede para funcionar. Aparentemente os rumores foron reavivados por fontes da revista Kotaku, que concretaban mesmo que os xogos interrumpirían o seu normal funcionamento se a conexión á rede se perdese durante uns minutos.

 Mais se onte era un novo ruxe-ruxe, hoxe sae á palestra Adam Orth, director creativo de Microsoft Game Studios, para amosarse públicamente favorábel á conexión permanente dos videoxogos. Fíxoo a través de Tweeter onde, entre outras cousas, defendía a “modernidade” de este formato e soltaba un lapidário “acéptao” a usuarios alarmados polos rumores e  descontentos con que a rede comece a convertirse nunha cárcere para xogadores offline. Aínda que este tipo de plantexamento é xustificado como unha vía para manter ao usuario actualizado e informado mesmo en títulos offline, a utilidade fundamental é o control das copias ilegais e o manter ao xogador sometido a constante publicidade de outros títulos ou contidos descargábeis.

 As declaracións de Orth foron nun ámbito informal e en absoluto representan unha comunicación oficial da compañía, mais parecen apuntar na mesma dirección que os rumores até agora difundidos por importantes medios do sector nos últimos meses.

battlefield-4
Como prometera na súa páxina oficial, EA presentou hoxe un vídeo con 17 minutos de xogo ca campaña dun xogador do vindeiro Battlefield 4.

No vídeo podemos ver secuencias de combate en primeira persoa así como dous vehículos terrestres. Tal e como se puido ver nun tráiler filtrado en Youtube (xa se apresuraron os de EA a eliminalo), neste xogo tamén haberá vehículos acuáticos.

A creadora do videoxogo DICE só anunciou o seu lanzamento para PC, PS3 e Xbox 360.
Polos respostas de Karl-Magnus Troedsson, manager xeral do estudio á prensa, parece que non chegará á videoconsola de Nintendo Wii U:

“Non estamos vendo a Wii U agora mesmo.”
“Lanzarémolo nas plataformas que sentimos que son axeitados para a experiencia de xogo que temos.”

Cando se lle preguntou polas vindeiras videoconsolas de Sony e Microsoft, Troedsson comentou:

“Estamos en tempos moi interesantes agora mesmo. Estamos a piques de ver algo novo. Xa formamos parte destas transicións anteriormente e sabemos as grandes cousas que traen. Pero somos DICE. Levamos nisto uns 20 anos e non damos o salto tan rápido. Nós movémonos a un ritmo constante, pisando con moito coidado.”

A falta de confirmar, a súa saída está prevista para o outono deste 2013 para PC, PS3 e Xbox 360.

xbox-720

Segundo a última filtración na web VGLeaks de varias capturas de pantalla do Kit de Desenrolo da vindeira videoconsola de Microsoft (nome en clave: “Durango”) requerirá a instalación de todos os videoxogos no disco duro, do que aínda se descoñece a capacidade, pero que segundo parece terá suficiente para un bo numero de xogos. Se ben os xogos serán distribuídos en discos BluRay, éstes servirán simplemente como método de distribución, pois non se poderá xogar directamente dende eles.

xdk1

Imaxe do instalador do kit de desenrolo.

Por outra banda, a videoconsola terá a función “Sempre acesa, sempre conectada” que permitirá a inmediata dispoñibilidade para que os xogadores non teña que agardar reiniciando a videoconsola ou instalando actualizacións, cun mínimo consumo de enerxía. Pese a esta política, similar a anunciada para a PlayStation 4, xa hai voces que critican que esa funcionalidade “sempre conectada”, só será un xeito de enmascarar un sistema antipiratería e que posiblemente sexa a que acabe co mercado de videoxogos de segunda man.

xdk5

Descrición das principais características do hardware

Segundo as imaxes tamén parece confirmarse o rumor que dicía que tería un novo sensor Kinect con maior sensibilidade.

Fonte das imaxes: VGLeaks.com