Xbox One 1
Na súa conferencia no pasado E3, a compañía Microsoft anunciara o lanzamento da súa nova videoconsola Xbox One este mesmo novembro de 2013 nun total de 21 mercados diferentes, pero agora chegan malas novas para os xogadores de oito deses mercados e tocaralles agardar a 2014 para poder desfrutar dela.

Podedes estar tranquilos, o mercado español non se verá afectado e recibirá a consola en novembro, tal como estaba previsto.

Os oito mercados que se verán afectados por este atraso son Bélxica, Dinamarca, Finlandia, Países Baixos, Noruega, Rusia, Suecia e Suiza.

O resto de mercados onde non se verá afectada a data de lanzamento son: Australia, Austria, Brasil, Canadá, Francia, Alemaña, Irlanda, Italia, México, España, Reino Unido, Estados Unidos e Nova Zelandia.

Comunicado oficial da compañía:

“No E3, anunciamos que a Xbox One estaría dispoñible en 21 mercados ao redor do mundo no seu lanzamento. Foi un obxectivo agresivo e o equipo estivo a traballar moi duro para entregar as videoconsolas ao maior número de mercados posibles.

A nosa prioridade é garantir que os nosos clientes obteñan a mellor experiencia coa Xbox One o primeiro día que está dispoñible. Para iso e debido á demanda, axustamos o número de mercados que recibirán a Xbox One en novembro a 13 mercados, incluíndo Australia, Austria, Brasil, Canadá, Francia, Alemaña, Irlanda, Italia, México, España, Reino Unido, Estados Unidos e Nova Zelandia

Seguimos traballando para lanzar a Xbox One en Bélxica, Finlandia, Países Baixos, Noruega, Russia, Suecia e Suiza o antes posible en 2014.

Mentres que nós desexamos lanzar a Xbox One simultáneamente nestes mercados, hai moitos factores que determinan o tempo de lanzamento en mercados específicos. Isto inclúe o traballo de traducir a interface da Xbox One, incorporar voces e idiomas adicionais e establecer asociacións para levar aplicacións e contidos locais para cada país.

Entendemos que serán novas moi frustrantes para os nosos fans nos países afectados e estamos a facer todo o que podemos para levarvos a Xbox One o antes posible o ano que ven.”

O 21 de novembro chegará ás nosas tendas un dos xogos que máis está dando que falar dende que se presentou, Watch Dogs. Aínda que Ubisoft sabe perfectamente que se converterá nun “vendeconsolas” segue no seu afán de meternos aínda máis ganas no corpo cun novo tráiler, no que vemos ao protagonista facer novos usos das súas dotes de hackeo.

Watch Dogs pinta moi pero que moi ben, mais non me podo evitar facer un par de cuestións:

Como será a xogabilidade deste título?

Será tan enorme como parece (sobre todo a nivel técnico) as diferentes versións de consolas?

Mentres pensades nestas respostas botádelle un ollo ao tráiler.

CD Projekt Red desvelou algúns detalles sobre Cyberpunk 2077 o xogo de rol que están a preparar e aseguraron que de seguir así o seu desenvolvemento poderemos elexir se xogalo en terceira ou en primeira persoa.

Se recordamos xogos como The Elder Scrolls tamén ofrecía esta experiencia, aínda que dependendo se escolliamos unha ou outra visión a calidade diminuía de forma considerábel, estarán os rapaces de CD Projekt Red caendo no mesmo erro?

Polo de momento Cyberpunk 2077 ofreceranos un mundo totalmente aberto onde poderemos crear o noso propio personaxe e está previsto que se lance no próximo ano para consolas de próxima xeración.

Aquí vos deixo o teaser tráiler do xogo.

the-elder-scrolls-online

ZeniMax Online Studios aínda non confirmou o día exacto de lanzamento do esperado The Elder Scroll Online, mais o que si confirmou é que despois do lanzamento o títulos terá frecuentemente DLCs a súa disposición, segundo eles, “porque sempre hai algo novo á volta da esquina”.

Estas foron as palabras do director do proxecto, Paul Sage, que se amosou partidario dos DLCs:

Vemos todo o que hai no mercado, pero eu son un gran defensor persoal de asegurarnos manter unha alta frecuencia de emisións de contidos. É unha gran parte dos nosos plans de futuro para o xogo.

Sempre queremos asegurarnos de que hai algo novo á volta da esquina. Queremos que a xente estea realmente no xogo e chegue a experimentar cousas novas. Vamos a ter unha gran cantidade de cousas no lanzamento, pero sei que os xogadores son incríbeis na súa capacidade para desenmarañar todo de maneira rápida.

O director amósase positivo á hora de valorar a opinión dos seus xogadores con esta decisión, pero non o saberemos con certeza até a prmeira metade de 2014, data de lanzamento de The Elder Scroll Online.

kinect-xbox-one
Nunha entrevista concedida a un importante medio da industria dos videoxogos (da que non imos facer publicidade, para iso estamos nós, para informarvos… 🙂 ), Mark Whitten (@notwen), xefe de arquitectura da plataforma de Xbox One, a nova videoconsola de Microsoft poderá funcionar perfectamente sen o Kinect conectado, como ata agora parecía que ía ser.

Para os máis “conspiranoicos” a obriga de ter o Kinect conectado para poder xogar era unha simple excusa para que puideran espiarnos mentres xogabamos coa videoconsola (non creo eu que aos da CIA lles fose interesar moito verme xogando, a verdade…), pero segundo esta nova, parece que poden quedar tranquilos, pois non será necesario ter conectado o dispositivo.

“Como o online, a videoconsola funcionará sen o Kinect conectado, aínda que non poderás empregar calquer función ou experiencia que requira explícitamente o sensor.”

Parece que os de Redmond queren recuperar a confianza que moitos perderon despois do anuncio da Xbox One e as súas polémicas políticas.

Xbox One 1
Se fai unhas semanas coñeciamos que a Xbox One capturará automáticamente os últimos 5 minutos de xogo, agora sabemos as especificacións técnicas desas capturas.

Nunha recente entrevista, Mark Whitten (@notwen) aclarou que as gravacións terán unha resolución de 1280×720 en formato progresivo, formato coñecido como 720p, a 30 cadros por segundo.

Estas capturas serán accesibles dende a mesma interface da videoconsola, ademáis será moi sinxelo subir os vídeos ao novo servizo Xbox Cloud, para poder compartilos cos teus coñecidos.

Quizáis esta resolución sabe a pouco para os máis fanáticos da calidade, que agardaban unha resolución FullHD (1080p). Outra tropezo no camiño da Xbox One…

Xbox One aturaría 10 anos encendida

Por: Sábado, 3 de Agosto de 2013, 17:18 COMENTAR

xbox one oneO maior desacougo para os usuarios dunha Xbox 360 era a aparición das “tres luces vermellas da morte”, tamén coñecido por “anel vermello da morte”. Este fallo de hardware deixaba inservible a consola e foi un verdadeiro problema tanto para os usuarios coma para Microsoft, que vía desbordados os seus servizos de atención ao cliente ao ter que repoñer todas as máquinas afectadas.

A compañía non se pode permitir que a súa próxima consola experimente os fallos que sufríu a anterior. Desta forma, Xbox One ten sido deseñada para que teña, ao menos, unha vida asegurada de 10 anos, nos que podería estar sempre encendida e conectada.

Xbox 360 coas temidas “tres luces vermellas da morte”, o que implicaba botar unhas tres semanas sen consola, ata que che mandaran outra desde Alemaña

Fontes relacionadas coa fabricación e desenvolvedores que tiveron acceso ás primeiras unidades declararon que o maior tamaño da nova consola facilitará a dispersión da calor e que ademais se puxo moito empeño en reducir ao máximo o ruido que produce, xa que é unha máquina que está pensada para un funcionamiento constante, en moitos casos no salón.

Desta forma, os desenvolvedores aseguraron aos medios especializados que o ruido emitido pola consola, tanto en “stand-by” coma en funcionamento, é practicamente inapreciable durante case calquera actividade. Unicamente se aprecia o ruido do ventilador mentres se utilizan xogos e o procesador AMD ten que funcionar a pleno rendemento.

 

 

tomb raider 2

Dende que os usuarios puidemos botarlle man a este reboot da saga de Tomb Raider xa demos por sentado que habería secuela, tanta calidade non pode limitarse a un só xogo.

Pois Phil Rogers,CEO de Square Enix en Europa e América acaba de asegurar que xa se está traballando nunha nova entrega de Tomb Raider para as consolas de próxima xeración, é dicir PS4 e Xbox One.

Se non tivestes a oportunidade de xogar a este novo renacer de Tomb Raider correde a por el, se queredes saber os motivos non tedes máis que ler a análise que lle fixemos en Memoria Pixelada.

watch-dogs
Ubisoft publicou un novo tráiler do prometedor Watch Dogs, no que alardean dos máis de 90 premios e nominacións, así como das boas palabras que tiveron a maioría de medios especializados da industria dos videoxogos.

Despois de ver a baixa calidade que tiña o último tráiler (seguramente capturado na versión para Wii U), volvemos ver a calidade gráfica que anteriormente nos amosaran.

O lanzamento está previsto para o 22 de novembro para PC, PlayStation 3, Wii U e Xbox 360, así como nas consolas de nova xeración, no momento da súa saída ao mercado.

watch-dogs-ps4-screen-1
Nun novo tráiler do agardado Watch Dogs, a compañía Ubisoft parece que se vinga da que foi presentadora da súa conferencia no pasado E3, a actriz Aisha Tyler (@aishatyler), que recibíu numerosas críticas por parte de moitos fans. Para os que non a coñezades, podedes ver a súa traxectoria na súa ficha en IMDB.

Dead_rising_3_6

Aínda que no pasado E3 amosouse o xogo cun tono máis escuro e serio en comparación coa saga orixinal, Dead Rising 3 seguirá mantendo os momentos de risa que tanto caracterizaron os xogos anteriores.

Capcom distribuiu unhas imaxes esta mañá onde podemos observar o novo protagonista facendo estragos nos zombis con todo tipo de roupas surrealistas e armas de fantasía. Ainda que falta por concretar algúns aspectos sobre a utilidade dos smarthpones no apartado da xogabilidade, outras das características sería poder comprar roupa das tendas a distancia ou incluso poder chamar gardas de seguridade para que nos boten uhna man contra os caminantes.

Dead Rising 3 estrearase en exclusiva para Xbox One no mes de Novembro, pese a que todavía non falamos dunha data oficial.

Assassin-s-Creed-4-Black-Flag-Gets-Brand-New-Screenshots
Ubisoft publicou un novo vídeo ingame estendido de 13 minutos de duración do vindeiro «Assassin’s Creed IV: Black Flag» que amplía o vídeo de 7 minutos que publicaran hai cousa de dúas semanas. Como no anterior, o vídeo conta cos comentarios do director do xogo, Ashraf Ismail.

O lanzamento deste videoxogo está previsto para o 31 de outubro para PC, PlayStation 3, Wii U e Xbox 360 e no momento do lanzamento das novas videoconsolas PlayStation 4 e Xbox One.