watch-dogs
Ubisoft publicou un novo tráiler do prometedor Watch Dogs, no que alardean dos máis de 90 premios e nominacións, así como das boas palabras que tiveron a maioría de medios especializados da industria dos videoxogos.

Despois de ver a baixa calidade que tiña o último tráiler (seguramente capturado na versión para Wii U), volvemos ver a calidade gráfica que anteriormente nos amosaran.

O lanzamento está previsto para o 22 de novembro para PC, PlayStation 3, Wii U e Xbox 360, así como nas consolas de nova xeración, no momento da súa saída ao mercado.

«Games with Gold» de agosto

Por: Mércores, 31 de Xullo de 2013, 22:00 COMENTAR

games-with-gold
A partir de mañá e ata o vindeiro 15 de agosto, os membros Gold de Xbox Live poderán descargar gratuitamente o videoxogo Crackdown, dentro da promoción «Games with Gold», coa que Microsoft está a agasallar ata decembro aos seus usuarios con dous xogos cada mes.

Na segunda quincena do mes, o xogo elixido por Microsoft é o Dead Rising 2, e incluso melloran a oferta incluíndo tamén o Dead Rising 2: Case Zero, precuela desta segunda entrega da saga de zombies.

bioshock-infinite-burial-at-sea
Nunha recente entrevista, Ken Levine (@IGLevine), co-fundador de Irrational Games e creador directivo do «Bioshock» e «Bioshock Infinite», deu novos detalles do vindeiro DLC, titulado «Burial at Sea».

Nesta nova historia detectivesca, os protagonistas Booker e Elizabeth recibirán cada un os seus propios episodios.

A acción terá lugar na cidade de Rapture na Noitevella de 1958, a mesma noite na que comezou a revolución na cidade. “O retorno de Bioshock a Rapture foi inspirado polo desexo de amosar a cidade cando estaba chea de vida, pero facéndoo nun contexto dunha historia interesante.”

Aínda non se sabe nada da data de lanzamento deste novo DLC.

Por outra banda, tamén anunciaron o lanzamento do novo DLC «Clash in the Clouds», que inclue novos desafíos e combates. Xa está dispoñible para descargar por 400 Microsoft Points ou 4,79 Euros, ou totalmente gratuito para os xogadores que se fixeron co Pase de tempada.

No recente informe de resultados da compañía distribuidora Take Two, fíxose público que o xogo acadou xa a cifra de 4 millóns de copias vendidas.

watch-dogs-ps4-screen-1
Nun novo tráiler do agardado Watch Dogs, a compañía Ubisoft parece que se vinga da que foi presentadora da súa conferencia no pasado E3, a actriz Aisha Tyler (@aishatyler), que recibíu numerosas críticas por parte de moitos fans. Para os que non a coñezades, podedes ver a súa traxectoria na súa ficha en IMDB.

gta-4-hd-wallpaper
Nun recente informe de resultados da compañía distribuidora Take Two, anunciaron que o «Grand Theft Auto IV» acadou a cifra dos 25 millóns de copias vendidas, despois de acadar os 11 millóns no seu primeiro mes no mercado.

A pesar de estar no mercado dende 2008, o Grand Theft Auto IV segue a ser un dos que mellores resultados económicos lle segue a dar á compañía, moi preto de títulos recentes como o «Borderlands 2», «Bioshock Infinite» ou «NBA 2K13», por exemplo.

Con estas cifras de vendas, a saga Grand Theft Auto acadou os 125 millóns de copias vendidas, dende a súa estrea en 1997.

saintsrow4
O Consello Australiano de Clasificación (ACB, nas súas siglas en inglés) rexeitou a clasificación do «Saints Row 4» no seu segundo intento de superar as probas.

A pesar da creación da nova categoría de clasificación R18+ a comezos deste mesmo ano, as autoridades do país xa son ben coñecidas pola súa dureza cos videoxogos, chegando en moitos casos á prohibición da súa venda no país, como pasou recentemente con State of Decay.

A inclusión no xogo de certas escenas violentas e substancias ilícitas como incentivo ou recompensa son os principais motivos polos que os tres membros que forman o consello rexeitaron a clasificación do xogo.

Pese a isto, aínda hai esperanzas para os xogadores do país: Volition, compañía creadora do xogo, está a traballar no código do xogo para crear unha versión “censurada” do xogo, coa que agardan obter a clasificación e poder vender o xogo en Australia.

O lanzamento en Europa está previsto para o vindeiro 23 de agosto en PC, PlayStation 3 e Xbox 360.

«Fez II» cancelado

Por: Luns, 29 de Xullo de 2013, 11:00 COMENTAR

fez-2
Despois de pouco máis dun mes dende que anunciaran a segunda entrega, a compañía Polytron cancela o Fez II.

As primeiras novas da cancelación chegaron a través da conta en Twitter (@Polytron) da compañía canadense, onde escribiron a seguinte mensaxe:

“É con gran tristeza que anunciamos que FEZ II foi cancelado e xa non está en desenvolvemento. Pedimos desculpas pola decepción.”

Pouco tempo despois, o director creativo do xogo, Phil Fish publicaba unha breve entrada na páxina web da compañía:

“FEZ II foi cancelado
Estou acabado
Collo os cartos e fuxo
Isto é todo o que podo soportar
Isto non é o resultado dunha soa cousa, senón a fin dunha longa e sanguenta campaña.

Ti gañas.”

Pouco antes de protexer a lectura pública da súa conta en Twitter (@PHIL_FISH), Fish comunicou que esta cancelación non ten nada que ver cunha pequena liorta virtual que tivo na mesma rede social o mesmo día e que abandona o mundo dos videoxogos.

Aínda que non hai cifras oficiais, a compañía Polytron anunciara que a primeira entrega do xogo vendera máis de 100.000 copias e está dispoñible para PC e Xbox 360.

Anunciado o «WRC 4»

Por: Sábado, 27 de Xullo de 2013, 10:00 COMENTAR

fiawrc3
A compañía Bigben Interactive anunciou oficialmente o vindeiro lanzamento da nova entrega do simulador de rallies WRC: FIA World Rally Championship 4, que está a crear Milestone Studios. Toman así o relevo de Black Bean Games, creadora das entregas anteriores da saga.

O xogo oficial do Campionato Mundial de Rallies deste 2013 incluirá todas as probas do calendario, así como os mellores equipos e pilotos da competición.

Extracto da nota oficial publicada pola compañía:

Seguindo os pasos das entregas anteriores da serie, WRC 4 contará cunha incrible mezcla de elementos con alto detalle gráfico e son real no xogo. Todas estas melloras son posibles grazas ao apoio da comunidade. As principais características que incluirá o xogo son: lealdade á licenza, unha experiencia de xogo emocionante, accesibilidade para os xogadores novatos e un modo de xogo en liña dinámico e competitivo.

Entre as novidades desta edición de 2013, os xogadores terán a oportunidade de probar novas condicións de iluminación, novos efectos climáticos, dependendo do tramo e un novo modo carreira para colocar ao xogador na pel dun piloto real. Realismo e inmersión son dous do piares máis importantes do desenvolvemento, con impresionantes ambientes 3D e un sistema HDR que asegurará o mellor rendemento do xogo.

O lanzamento está previsto para o vindeiro outubro para PC, PS Vita, PlayStation 3 e Xbox 360.

injustice-gods-among-us
Segundo varias mensaxes escritas por Ed Boon, director creativo de NetherRealm na súa conta de Twitter, deixou entrever que, ademáis do vindeiro DLC «Martian Manhunter», haberá máis DLC’s para o videoxogo «Injustice: Gods Among Us», que incluirán novas personaxes, entre as que poderían estar Riddler e Zatanna

O DLC «Martian Manhunter» estará dispoñible o vindeiro 30 de xullo.

f1-2013_1
Fai algúns días, tal como vos informamos nesta nova, Codemasters anunciaba a vindeira entrega do xogo de carreiras de Fórmula 1, o F1 2013.

Hoxe mesmo a compañía anunciou a data oficial de lanzamento, prevista para o vindeiro 4 de outubro para PC, PlayStation 3 e Xbox 360.

Assassin-s-Creed-4-Black-Flag-Gets-Brand-New-Screenshots
Ubisoft publicou un novo vídeo ingame estendido de 13 minutos de duración do vindeiro «Assassin’s Creed IV: Black Flag» que amplía o vídeo de 7 minutos que publicaran hai cousa de dúas semanas. Como no anterior, o vídeo conta cos comentarios do director do xogo, Ashraf Ismail.

O lanzamento deste videoxogo está previsto para o 31 de outubro para PC, PlayStation 3, Wii U e Xbox 360 e no momento do lanzamento das novas videoconsolas PlayStation 4 e Xbox One.

saintsrow4

A febre dos DLCs continúa aberta até o final desta xeración, anunciando estes incluso antes da saída do propio videoxogo.

Un dos exemplos claros é Saint´s Row 4 que acaba de anunciar , “Enter the Dominatrix”, o seu primeiro DLC que sairá 45 días despois do seu lanzamento en consolas.

Enter the Dominatrix meteranos nun falso documental no que tampouco faltará o humor e as tolerías propias desta saga. Saber que este título é o que sería un DLC para Saint´s Row The Third aínda que finalmente rematou sendo a cuarta entrega, polo tanto contade con ter mencións a este feito.

Poderedes adquirir Saint´s Row 4 o 23 de agosto para Playstation 3, Xbox 360 e PC.