Adeus meus queridos compañeiros

Adeus meus queridos compañeiros

De todos é sabido que Rare sufríu unha remodelación interna na que xa non queda ningunha desas persoas que fixeron da compañía algo enorme, mais algúns esperanzadores coma min, aínda cruzan os dedos para ver grandes clásicos como Banjo nas consolas actuais.

E isto pode ser unha realidade, mais non da maneira que todos queremos, xa que actualmente Rare está traballando en crear diferentes experiencias de xogo co Kinect, e parece que pretenden seguir o mesmo camiño de resucitar a algúns dos seus clásicos.

Hai moito desexo en facer iso, e xogos como Viva Piñata,Conker ou Banjo Kazooie son moi populares internamente, moita xente quere facer cousas para a franquicia Banjo.

Queremos atopar algo que ninguén fixese antes. Gustaríame inventar novos xéneros, novos camiños para xogar.

Este sensor danos a oportunidade para facelo grazas á fidelidade que ten agora.

Os que me coñecen saben que non me gustan en absoluto os xogos para Kienect e que amo encarecidamente os dous primeiros títulos de Banjo, polo que xa todos podedes imaxinar como me sinto.

Tan difícil sería realizar un Banjo Kazooi 3 rememorando os clásicos xogos de plataformas? Porque non botan un ollo atrás e reflexionan sobre por que a saga Banjo ten tanta fama?

xbox-one-gamescom-2013
Estas son as principais novidades que puidemos ver na conferencia que a compañía Microsoft presentou na GamesCom 2013:

Novas imaxes da interface de usuario da Xbox One.

Novas imaxes da interface de usuario da Xbox One e como poderá executar varias aplicacións ao mesmo tempo.

Os creadores independentes poderás autopublicar os seus xogos.

Agora os creadores de videoxogos poderán rexistrarse e publicar automáticamente os seus videoxogos na tenda dixital, co novo servizo “Desenvolvedores Independentes” (Independent Developers @ Xbox), sen ter que pagar ningunha cota, como sucedía ata agora.

«Fighter Within»

O novo título de loita de Ubisoft, exclusivo para Xbox One aproveitará a mellorada tecnoloxía de captura de movemento do novo Kinect, co que controlaremos ao noso perxonaxe cos nosos propios movementos.

«Fable Legends»

Nesta nova entrega para Xbox One, o noso heroe contará con outros tres compañeiros de viaxe cos que explorar Albión e completar misións. Unha parte interesante é que eses compañeiros poderán ser controlados por ata tres amigos a través da rede. Empregará o motor gráfico Unreal Engine 4, co que a calidade gráfica está asegurada.

«The Division»

Microsoft anunciou que a versión para Xbox One deste novo videoxogo terá contido exclusivo antes e despois do seu lanzamento, mais non deu maiores detalles sobre a natureza dese contido. Yves Guillemot anunciou que a data de lanzamento estará máis próxima ao final de 2014 que ao principio do mesmo, debido a unha posible mellor recepción por parte do mercado durante o Nadal. Así mesmo, tamén anunciaron o lanzamento dunha versión para PC, debido á enorme demanda por parte dos usuarios desta plataforma.

«FIFA 14»

Durante a conferencia, confirmaron que todos os usuarios que reserven a Xbox One en Europa, recibirán unha copia gratuita da nova entrega da saga futbolística de EA, o FIFA 14.

Ademáis, tamén anunciaron a exclusividade para Xbox One e Xbox 360 de FIFA 14 Ultimate Team Legends, co que poderemos elaborar o noso equipo ideal con estrelas actuais e xogadores míticos como Ruud Gullit, Dennis Bergkamp, Pelé, Patrick Vieira, Gary Lineker e Freddie Ljungberg.

«Call of Duty: Ghosts»

Tal como se puido ver na imaxe, haberá un pack de Xbox One e xogo. Ademáis tamén anunciaron que contará con servidores adicados para o modo multixogador. Activision confirmou a data de lanzamento para o vindeiro 5 de novembro para PC, PlayStation 3, WiiU e Xbox 360. Para a PlayStation 4 e Xbox One estará dispoñible na data de lanzamento das mesmas.
cod-ghosts(Imaxe por: TheDesertFoxOne)

«Ryse: Son of Rome»

A compañía Crytek presentou no seguinte vídeo o modo cooperativo multixogador coñecido como Gladiador, onde os xogadores deberán loitar conxuntamente contra as hordas inimigas. Tamén podemos apreciar a calidade gráfica do Coliseo romano na época do seu maior esplendor coas plataformas móbiles que empregaban para recrear as batallas das forzas romanas contra as hordas bárbaras.

«Plants vs. Zombies: Garden Warfare» e «Peggle 2»

Microsoft anunciou que os dous títulos da compañía PopCap serán lanzados en primeiro lugar para a Xbox One. A nova entrega de Plants vs. Zombies será compatible con SmartGlass e Kinect. Contará con modo multixogador de ata 24 xogadores e modo cooperativo con ata 4 xogadores.

«Killer Instinct»

A nova entrega deste videoxogo de loita será gratuito e contará cun único personaxe para xogar, Jago. Como na maioría dos F2P, haberá contido de pago e neste caso serán 5 personaxes no momento do lanzamento e outros dous tempo despois e custarán dende 4,99 € cada un. Tamén haberá dous packs de aforro: o Combo Breaker Pack, que contará cos 8 personaxes, por 19,99 € e a Ultra Edition, que ademáis do pack anterior, incluirá tamén accesorios e traxes para os personaxes, así como unha copia do xogo orixinal, todo por 39,99 €.

«Project Spark»

Este título de construcción tamén será gratuito e os usuarios xa poden rexistrarse para probar a versión beta dende finais deste outubro. Estará dispoñible para PC e Xbox 360, consola na que será compatible coa captura de movementos dos xogadores a través do Kinect.

«Cobalt»

Seguindo a súa relación co creador do exitoso Minecraft, o estudo Mojang lanzará unha versión do seu novo título de plataformas para Xbox 360 e Xbox One. Xa está dispoñible para probar unha versión alfa da versión para PC.

«Dead Rising 3»

Na entrega anterior podiamos crear novas armas mesturando diferentes obxectos. Iso non é nada… Ao máis puro estilo MacGyver ou O Equipo A, neste novo tráiler vemos como o protagonista crea un novo vehículo “aplasta-zombies”. Segundo confirmaron, o tamaño do mapa será meirande que os das dúas entregas anteriores xuntos.

«Forza Motorsport 5»

Microsoft publicou unha serie de novas capturas do xa habitual trazado Mazda Laguna Seca, onde tamén podemos ver que incluirán o último gañador das famosas 24 Horas de LeMans, o híbrido Audi R18 e-Tron. Unha das maiores novidades (e máis agardadas por moitos fans) é que por fin incluirán na saga o circuito de Spa-Francorchamps (onde por certo esta mesma fin de semana se disputa o GP de Fórmula 1 de Bélxica), mítico trazado e as súas non menos míticas curvas de Eau Rouge” ou a chicane da “Parada do Autobús”, entre outras.
forza-5-audi-r18-etron

«Kinect Sports Rivals»

Os deseñadores de Rare fálannos do proceso de creación do novo videoxogos e as incribles melloras, grazas, sobre todo, á maior sensibilidade do novo Kinect, que lles permite capturar mellor os movementos de todo o corpo, incluíndo os movementos dos dedos e expresións faciais.

gtav
A compañía RockStar publicou na súa páxina web unhas animacións onde podemos ver con detalle tres novos modelos deportivos que atoparemos no novo «Grand Theft Auto V».

Como adoita acontecer na maioría de entregas desta saga, os coches teñen unha enorme similitude con modelos da vida real, pero por cuestións de dereitos, están modificados o xusto para evitar problemas legais. Así, atopámonos co Benefactor Feltzer(que lembre moito a certo Mercedes), o Obey Tailgater (moi similar a un modelo de Audi) e o Coil Voltic (alguén dixo Lotus Exige?).

Podedes botarlle un vistazo na páxina de RockStar Games.

Revelado o plantel do «WWE 2K14»

Por: Domingo, 18 de Agosto de 2013, 18:00 COMENTAR

wwe-2k14
A compañía 2K Games revelou o plantel de superestrelas co que contará a nova entrega da saga de wrestling, o «WWE 2K14». Este ano céntrase no legado de Wrestlemania, foco principal no que se centrará o modo historia para un xogador.

  • Alberto Del Rio
  • André, the Giant
  • Batista
  • Big Show
  • Big Show (Retro)
  • Bret Hart
  • Brock Lesnar
  • Brock Lesnar (Retro)
  • Chris Jericho
  • Chris Jericho (Retro)
  • CM Punk
  • Diesel
  • Edge
  • Goldberg
  • Hulk Hogan
  • ‘Hollywood’ Hulk Hogan
  • JBL
  • John Cena
  • John Cena (Retro)
  • Kane (Retro)
  • King Kong Bundy
  • Mick Foley
  • Randy Orton
  • ‘Macho Man’ Randy Savage
  • Razor Ramon
  • Ric Flair
  • Ric Flair (Retro)
  • Ricky Steamboat
  • Sergeant Slaughter
  • Shawn Michaels
  • Shawn Michaels (Retro)
  • ‘Stone Cold’ Steve Austin
  • Ted DiBiase
  • The Miz
  • The Rock
  • The Rock (Retro)
  • Triple H
  • Triple H (Retro)
  • Ultimate Warrior
  • Undertaker
  • Undertaker (Retro)
  • Yokozuna

NOTA: Éstes son os loitadores que poderemos atopar no modo dun so xogador, pero máis nomes serán engadidos no futuro.

O lanzamento está previsto para o 1 de novembro para PlayStation 3 e Xbox 360.

gta-v-details-revealed-rockstar-0
Segundo a páxina web Xbox 360 Achievements, o novo xogo de RockStar Games contará con 49 Logros para un total da 1.000 G. É de agardar que os trofeos para PlayStation 3 serán os mesmos.

Logros do modo campaña:

  • Ouro sólido, ¡nena! (50 G): Gaña 70 medallas de oro.
  • Criminal de carreira (100 G): Acada o 100% do xogo.
  • Turista en San Andreas (30 G): Explora todo Los Santos e o condado de Blaine.
  • Todo vale no amor e na guerra (10 G): Merca Downtown Cab Co. e completa unha carreira privada.
  • TP Industries Arms Race (10 G): Merca McKenzie Field Hangar e gaña todas as carreiras de armas.
  • Multi-Disciplined (30 G): Obtén unha medalla de ouro en todas as aficións e pasatempos.
  • Do máis alá das estrellas (15 G): Recolle e trae de volta todas as partes da nave espacial.
  • Un misterio, resolto (15 G): Resolve o misterio de Leonora Johnson.
  • Xestión de residuos (15 G): Merca o vello porto e recolle todos os residuos nucleares.
  • Néboa Vermella (20 G): Completa todos os Rampages.
  • Show Off (30 G): Completa todos os saltos de especialista.
  • Kifflom! (30 G): Completa o teu camiño hacia a luz… ou non.
  • Exército de tres homes (20 G): Sobrevive tres minutos cun nivel de tres estrelas de búsqueda ou superior, cos tres personaxes e fóra de misión.
  • Lonxe da túa profundidade (5 G): Vas a precisar un barco meirande…
  • Acólito altruísta (5 G): Deixa a unha vítima non sospeitosa no culto altruísta.
  • Un montón de pasta (20 G): Gasta un total de 200 millóns de dólares entre os tres personaxes.
  • Trading Pure Alpha (10 G): Fai beneficios sobre a túa inversión total na bolsa.
  • Tunéame a arma (10 G): Tunea unha arma completamente.
  • Búscase vivo ou vivo (10 G): Entrega un obxectivo vivo.
  • Los Santos Customs (10 G): Modifica totalmente un vehículo.
  • Afeitado apurado (20 G): Completa os retos Under the Bridge e Knife Flight.

Logros do «GTA Online» (multixogador):

  • Fóra do avión (5 G): Completa a introducción.
  • Three-Bit Gangster (10 G): Consegue o nivel 25.
  • Facendo movementos (30 G): Consegue o nivel 50.
  • Por derriba da Lei (80 G): Consegue o nivel 100.
  • Número Un (20 G): Sé o primeiro en todos os xogos competitivos.
  • The Midnight Club (20 G): Emprega vehículos personalizados para gañar 5 carreiras.
  • Selección non natural (20 G): Completa 10 oleadas no modo Supervivencia.
  • Backseat Driver (10 G): Leva ao condutor ao primeiro posto sendo copiloto no modo Rally.
  • Corre como o vento (20 G): Sobrevive un día cun Bounty na túa cabeza.
  • Clean Sweep (10 G): Remata un Gang Attack sen morrer e mata polo menos a 10 inimigos.
  • Decorado (50 G): Gaña 30 Premios de Platino.
  • Stick Up Kid (10 G): Atraca as 20 tendas.
  • Desfruta da túa estancia (20 G): Participa en todo o que che ofrece Los Santos.
  • Crew Cut (5 G): Completa un traballo como membro dunha banda.
  • Reembolso total (10 G): Mata ao ladrón que te agredíu.
  • Marcando números (5 G): Pide reforzos por primeira vez.
  • Soño americano (10 G): Consegue un apartamento, un garaxe e un vehículo asegurado.

Logros segredos:

Os outros 11 logros (200 G) que faltan son segredos, polo que haberá que agardar ao lanzamento do xogo ou o anuncio oficial para saber máis deles.

Lembrade: o «Grand Theft Auto V» estará dispoñible o vindeiro 17 de setembro para PlayStation 3 e Xbox 360, mentres que o «Grand Theft Auto Online» estará dispoñible a partir do 1 de outubro.

thief
A compañía Square Enix acaba de confirmar a data do 28 de febreiro de 2014 para o lanzamento de «Thief», cuarta entrega da saga creada en 1998.

Aproveitando o anuncio, a compañía tamén publicou un novo tráiler e como serán as diferentes apariencias das caixas en cada plataforma:

O videoxogo estará dispoñible para PC, PlayStation 3, PlayStation 4, Xbox 360 e Xbox One.

f1-2013
A compañía Codemasters ven de publicar unha lista co contido clásico do «F1 2013». Ademáis de todos os circuítos, escuderías e pilotos desta tempada 2013, o xogo contará tamén con algún dos máis lexendarios deste deporte.

Haberá dúas edicións do xogo, a normal, que incluirá grandes clásicos dos anos 80 e a edición clásica, que tamén incluirá clásicos dos anos 90.

Contido dos anos 80:

  • Circuíto de Xerez. Sede do antigo GP de España.
  • Brands Hatch. Sede do antigo GP de Gran Bretaña.
  • 1980 Williams FW07B. Pilotos: Alan Jones e Alain Prost.
  • 1986 Lotus 98T. Pilotos: Mario Andretti, Emerson Fittipaldi.
  • 1988 Ferrari F1-87/88C. Pilotos: Gerhard Berger, Michael Schumacher.
  • 1988 Lotus 100T. Pilotos: Satoru Nakajima, Mika Hakkinen.
  • 1988 Williams FW12 Pilotos: Nigel Mansell, Damon Hill.

Contido dos anos 90:

  • Circuíto de Imola. Sede do antigo GP de San Marino.
  • Circuíto de Estoril. Sede do antigo GP de Portugal.
  • 1992 Ferrari F92 A Pilotos: Jean Alesi (e outro piloto sen confirmar).
  • 1992 Williams FW14B Pilotos: Nigel Mansell, David Coulthard.
  • 1996 Ferrari F310 Pilotos: Michael Schumacher, Gerhard Berger.
  • 1996 Williams FW18 Pilotos: Damon Hill. Jacques Villeneuve.
  • 1999 Ferrari F399 Pilotos: Eddie Irvine, Jody Scheckter.
  • 1999 Williams FW21 Pilotos: Alain Prost (e outro piloto sen confirmar).

Como podemos ver, non coinciden exactamente os pilotos oficiais cos do ano dos coches, pero todos son pilotos lexendarios que fixeron historia no mundo da Fórmula 1.

O lanzamento está previsto para o 4 de outubro en PC, PlayStation 3 e Xbox 360.

BulletStorm-13-05-10-005

People Can Fly, antes de realizar o xustiño Gears of War: Jugdment, creou un FPS dos máis divertidos desta xeración, así de claro o digo e sen arrepentirme de nada, este shooter traía como nome Bulletstorm, mais ,a pesar de que a crítica fose boa con el, as ventas castigaron a este xogo sen merecelo.

Bulletstorm non chegou nin ao millón de copias vendidas entre todas as plataformas, mais Wojciech Madry, diseñador dos seus niveis aclara que fixeron todo o que estivo nas súas mans.

Penso que sempre que fixeras o mellor que puideches e les o entusiasmo da crítica, aínda que isto non se traduza en éxito comercial, sentes como quizais puideses ter feito as cousas doutra maneira.

Mais foi a nova IP máis exitosa dese ano.

O problema é, como na industria do cine, que a maior parte do diñeiro gáñana as secuelas. Ao final fixemos todo o que puidemos para crear un gran xogo, un que quixeramos xogar, e non hai nada do que avergoñarnos ou queiramos cambiar. Fixemos todo o que puidemos.

No seu momento en Memoria Pixelada realizamos a súa análise, podedes botarlle un ollo no seguinte enlace.

Primeiro tráiler do «WRC 4»

Por: Mércores, 14 de Agosto de 2013, 9:00 COMENTAR

fiawrc3
A finais de xullo, a compañía Bigben Interactive anunciaba o lanzamento do «World Rally Championship 4», no que está a traballar a Milestone Studios.

Acaban de publicar o primeiro tráiler, onde podemos apreciar a enorme similitude coas entregas anteriores da saga, que tiveron máis críticas que defensas, por motivos máis que evidentes para os máis fans deste estilo de xogo.

O lanzamento está previsto para o vindeiro outubro para PC, PS Vita, PlayStation 3 e Xbox 360.

O 21 de novembro chegará ás nosas tendas un dos xogos que máis está dando que falar dende que se presentou, Watch Dogs. Aínda que Ubisoft sabe perfectamente que se converterá nun “vendeconsolas” segue no seu afán de meternos aínda máis ganas no corpo cun novo tráiler, no que vemos ao protagonista facer novos usos das súas dotes de hackeo.

Watch Dogs pinta moi pero que moi ben, mais non me podo evitar facer un par de cuestións:

Como será a xogabilidade deste título?

Será tan enorme como parece (sobre todo a nivel técnico) as diferentes versións de consolas?

Mentres pensades nestas respostas botádelle un ollo ao tráiler.

wad wad

No mundo dos videoxogos podemos ver de todo, dende un neno que salva á súa avoa grazas ao Mario Kart até a historia que nos depara hoxe, unha edición especial cun prezo de un millón de dólares.

Esta será unha edición especial de Saints Row IV e traerá o nome de Wad Wad Edition cun contido bastante elitista a verdade:

  1. Unha viaxe ao espazo
  2. Réplica a tamaño real da pistola Dub-Step
  3. Unha operación estética
  4. Un asistente persoal de compras
  5. Sete noites na suit real de Burj-Al-Arab en Dubái
  6. Unha experiencia de secuestro
  7. Un día de entrenamento de espía
  8. Unha colección de roupa
  9. Unha semana para dúas persoas no Jefferson Hotel de Washington DC
  10. Voos en primeira clase a Dubái e Washington
  11. Un lamborghini Gallardo
  12. O novo Toyote Prius cun ano de seguro
  13. Unha suscripción dun ano a Super Car
  14. E unha edición Commander in Chief de Saints Row IV

 

Debedes saber que só hai unha edición á venta, polo tanto se tedes por aí ciscados un millonciño de dólares xa sabedes onde os podedes gastar.

Sabiamos que esta saga é bastante tola, pero penso que romperon límites con esta edición.

Rocksmith-2014-Edition-logo

A segunda entrega do ambicioso (pero problemático) xogo de aprendizaxe de guitarra Rocksmith chegará no próximo mes de outubro, e Ubisoft está tan encantada co título que non dubida en comparalo como un profesor particular de guitarra.

A compañía asegura que será tan realista e útil en todo o proceso de aprendizaxe que poderemos aprender a tocar o instrumento grazas a este título.

En Rocksmith 2014, as leccións serán moito, moito máis dinámicas e flexíbeis, agora non só che diremos que cometiches un erro, senón que explicaremos que clase de erro cometiches e que deberías facer para solucionalo.

Se Rocksmith sabe que tes problemas cunha técnica en particular, levarate a unha sección interactiva diferente onde che dará novos consellos con ángulos de cámara e trucos adicionais.

Se recordades a primeira entrega de Rocksmith, que tamén prometía aprenderche a inciarte no mundo da guitarra, resultaba bastante confuso e complexo, sobre todo para aqueles que xamáis colleramos unha guitarra na man.

Agardo impaciente que con esta segunda entrega se corrixan os fallos anteriores e o nivel de aprendizaxe sexa dende cero para que todos teñamos a mesma oportunidade de desfrutalo.

Como dixen, no mes de outubro sairemos de dúbidas.