Vale, este xogo non tiña precisamente un argumento dos cales te engancha ata o final ( existirán estos argumentos?). Para o que aínda non sepa de que vai, resúmollo en breves palabras. Nazis invaden Francia, en Francia temos un francés o cal lle plantará cara aos nazis( exterminandos a todos por suposto), nazis perden. Un argumento nulo, pero que poderá ter un plantexamento bastante entretido, aínda que acaban de anunciar que se lle eliminou o seu modo multixogador, polo tanto non haberá opción para xogar a pantalla dividida.

Outro dos tantos xogos que se lle ván eliminando opcións ata quedarse en nada.

Novo tráiler de Dead Rising 2

Por: Martes, 28 de Abril de 2009, 13:10 COMENTAR

Despois de que amosaran algunhas fotos desta segunda entrega ahora chéganos o tráiler, no cal podemos ver ao protagonista eliminando zombies da forma máis estrabagante posíbel. Dicindo a verdade, a primeira parte non me emocionou demasiado, xa que crear un xogo no cal o único que hay que facer é eliminar zombies, maquillado con misións “secundarias”, non me parece un desenrolo do máis divertido. Parece ser, como podedes comprobar no vídeo, que a segunda entrega terá un plantexamento moi similar o cal non me gusta nada.
Pero a quen lle guste reventar tipos lentos da forma máis ridícula posíbel, está de noraboa, xa que no 2010 chegá este videoxogo.
Violento?, sí. Monótono? case seguro. Lento? tanto como o anterior. Argumento?, cero. Ventas?, ganancias millonarias.
Eu tampouco o entendo.

Prince of Persia

Por: Venres, 24 de Abril de 2009, 10:50 COMENTAR

Non vou negar que preferiría ver ao príncipe de persia, cun estilo gráfico realista e máis semellante ás enteriores entregas desta saga de aventuras, pero a enorme emotividade que emite este xogo compensa ás falsas ideas que tiña eu sobre un Prince of Persia de nova xeración.

O xogo, utiliza a técnica Cell-shading como motor gráfico, movéndonos na pantalla uns gráficos dos máis bonitos vistos nunha consola e sumerxíndote nun mundo de fantasía, o cal teremos que percorrer dun extremo a outro purificando todos os terreos. Para purificar cada terreo teremos que ir recolectando orbes de luz, as cales será empregadas por Elika ( a princesa que nos acompaña en toda a aventura), para volver fértiles todos os terreos que foron corrompidos polo inimigo de turno.

Así cada vez que purifiquemos un terreo ,este volverase cheo de cor, polo que a medida que avancemos no xogo, as paisaxes serán cada vez máis fermosas e gratas á vista.

Por suposto, seguiremos tendo ás habilidades propias de todos os Prince of Persia, como correr por paredes, saltos imposíbeis, acrobacias a alturas temerosas, etc. Claro que desta volta, non poderemos parar, nin modificar o tempo, aínda que para solventar esta ausencia, o protagonista poderá adquirir ata catro habilidades que se desbloquearán a medida que avancemos na trama, como voar, saltos de plataforma en plataforma ou correr indefinidamente por paredes.

Outros dos cambios significantes respecto ás anteriores entregas, é o sistema de loita. Neste xogo non terás que loitar contra varios inimigos á vez, senón que as pelexas serán de un contra un ( ou mellor dito de dous contra un, porque a nosa acompañante axúdanos nas nosas batallas), polo que estas pelexas son bastantes sinxelas, limitándose simplemente a rechazar ataques e contraatacar, ben sexa coa espada, con maxia ou co noso guante.

De todas as maneiras a verdadeira virtude deste videoxogo non son nin os seus gráficos, nin as súas acrobacias, nin os seus combates, o que veradeiramente chama á atención deste Prince of Persia é o seu desenrolo e historia tan entrañábel, na que nos vemos sumerxidos. Con momentos na que o príncipe leva nas súas mans a esgotada princesa, momentos épicos na que a cor vai reinando fronte a escuridade… e todo isto rematado cunha moi decente banda sonora.

Como puntos negros, temos a enorme facilidade coa que nos atopamos, xa que nunca caeremos ( nin morreremos) xa que a princesa salvaranos de calquera caída infortuita coa que nos atopemos. Ademáis os puzles cos que nos atopamos son demasiado sinxelos, limitándose simplemente a mover manivelas dunha forma determinada.

Así e todo, a emotividade que emite esta nova entrega do Prince of Persia, fai que sexa aconsellábel para calquera xogador, pero se ademáis lle sumamos que ten un dos mellores finais vistos nunha consola, creo que son alicientes suficientes como para axudarlle ao protagonista, a volver a luz nun mundo de escuridade.

Despois de que se deixara ver o tráiler deste coñecido xogo en Xapón, pronto se comezou a transmitir por todo o mundo doses de información relacionado con este xogo de rol.

Pois ben, hoxe podemos saber, que segundo un dos responsábeis deste proxecto, esta entrega será a máis dificil de todas, para captar e satisfacer aos xogadores máis puristas de Final Fantasy.

Ademáis, o sistema de niveles de experiencia, estarán colocados dunha forma moito máis clara, o cal axudará comodidade dos menús. Outros detalles que se mencionaron, foron a inclusión de armas e a posibilidade de realizar combos.

Eu sigo sen ver demasiado claro o estilo e forma de combate dos Final Fantasy, pero parece que aos seguidores desta saga lle gusta, asique o único que teño que facer é esperar.

Xa facía algún tempo que se anunciaba que Bizzarre Creations, creadores da famosa saga de velocidade Project Gotham, estaba desenrolando outro xogo de velocidade, con carreiras vertixinosas e combates con coches armados.

Pois nada se sabía deste proxecto, ata hoxe, o cal definiron cal será o título desta atractiva proposta. O seu título será Blur, e sairá para as plataformas Xbox 360, Playstation 3 e PC.

Esperemos que fagan algo decente, e non se aproveiten da súa fama para meternos unha “cacuela” , destas que non che dan ganas nin de prender a consola, xa que no ámbito de simuladores de coches deportivos, sen facer obras mestras ( por moito que fale a “crítica”), pois os Project Gotham, deixábanse xogar, pero se agora van cambiar para un estilo máis arcade, veremos se Bizzarre se adapta ben a este novo xénero.

Resident Evil 5

Por: Mércores, 22 de Abril de 2009, 13:21 4 COMENTARIOS

Espectáculo visual. É o mellor resumo que se lle pode dar a este xogo. Pero comecemos dende o principio. Como sempre póñennos como inimigo máis próximo, aos infectados polo virus creado por Umbrella, esta vez situados nun lugar de África. Dende o primeiro instante que collades o mando nas vosas mans darédesvos de conta da enorme calidade gráfica que emite este novo Resident Evil, chegando a igualar ao todopoderoso Gears of Wars 2 (que xa é moito decir).
Dado que non só de gráficos vive o videoxogo, terei que mencionar outro dos grandes puntos desta quinta parte, a intensidade e espectacularidade que se dán a man , a medida que avanzamos na aventura, dende perigosos monstruos a beiras dun precipicio, disparos dende un vehículo en marcha, esquivar perigosos crocodilos, loitas en embarcacións …. e isto non é todo o que nos espera, polo que xa vos podedes imaxinar a que me refiro, con iso de intesidade.
Por suposto, a dificultade non recae sobre os puzzles que se nos propoñen, capaces de levalos a cabo por calquera persoa cun mínimo de …, pois iso, que xa me entendedes, a verdadeira dificultade recae, na supervivencia, con momentos , no que o único que temos que facer é manternos con vida ata que chegue axuda, e tendo en conta que nos atacarán decenas de infectados armados, monstruos capaces de atacarnos dende lonxe… e todo isto acompañado dunha intelixencia artificial moi lograda, ata o punto de que te perseguirán incluso ata os tellados, esquivan os teus proxectís, atacan en grupo, etc, non teremos unha tarea tan sinxela.
Este xogo foi criticado polas enormes semellanzas ca cuarta parte, e con relación a iso, teño que estar de acordo, xa que repite ata os mesmos inimigos, como o xigante, o monstruo mariño, o infectado da motoserra… neste sentido Capcom podería innovar un pouquiño, aínda que por outra parte, se a cuarta parte era unha verdadeira xoia, e esta parte copiouna , aumentando a calidade e espectacularidade, creo que a ecuación é doada de resolver.
Para mín, o verdadeiro problema deste xogo, igual que pasaba na cuarta parte, é o control ( como vedes copiou o bo e o malo), xa que dita xogabilidade faiseme un pouco pesada e dura, na que en moitos momentos o único que poderemos facer é dar media volta e correr a lugares máis lonxanos, para disparar dende lonxe, xa que se nos atacan dende moi cerca, non poderemos dispararlle rápido polo lento movemento do protagonista.
Se a todo isto lle sumamos un dos mellores cooperativos a pantalla partida que xoguei, temos un xogo case redondo, con pequenos fallos que lle restarás importancia pola calidade en conxunto.

Bioware acaba de anunciar que antes de xuño, mes no que se celebrará o E3 nos Anxeles, teremos máis información sobre esta secuela, dun dos mellores xogos RPG de acción, da presente xeración.

“Traio unha noticia da reunión desta mañá co equipo de desenrolo. Non teredes necesidade de esperar ata o E3 para coñecer nova información sobre Mass Effect 2”, comentou Priestly, manager da compañía Bioware.

Mentres tanto, está previsto que Mass Effect 2 saia no 2010 para Xbox 360 e PC, asique esperemos que adianten algunha información relevante nas próximas semanas, para saciar un pouco as nosas ansias galácticas.

Chégannos máis datos sobre este xogo dirixido polo creador de Devil May Cry, xa que Sega , anunciou en Tokio que Bayoneta será lanzado mundialmente e de forma simultánea en outono para as plataformas Xbox 360 e Playstation 3.

Sigo pensando que deberían pulir bastante o apartado gráfico, pero as loitas sen descanso, enemigos finais espectaculares e a frenética acción están asegurados.

A ver se vai ser certo o que dí Sega, e é certo que estamos ante a verdadeira evolución de Devil May Cry.

Pensandoo ben, creo que non. Creo que están usando o título de DMC, para darlle algo máis de publicidade a Bayoneta, pero esperaremos a ver en que remata toda esta parafernalia.

Video de Terminator Salvation

Por: Martes, 14 de Abril de 2009, 9:24 COMENTAR

Un día levántaste pola mañá, prendes o ordenador , daslle sen moitas ganas nin esperanzas á tecla “play” para ver un vídeo do novo xogo baseado no mundo de Terminator… e lévaste unha grata sorpresa.
Non estou dicindo que vai ser unha enorme xoia,( e máis vendo aos anteriores xogos) pero o gameplay do xogo pinta realmente ben.
A nivel gráfico parece máis que decente, cuberturas o máis puro estilo Gears of Wars, fases na que usamos vehículos… todo unha serie de detalles que me fai pensar, se será o momento de darlle unha oportunidade a saga Terminator.

Assasin`s Creed 2: novas imaxes

Por: Domingo, 12 de Abril de 2009, 14:58 COMENTAR

A calidade gráfica do primeiro era verdadeiramente asombrosa, pero chegaba a desquiciar o seu desenrolo tan repetitivo. Cos poucos datos que nos ofrecen desta segunda entrega, moitos xa están a castigala, porque é moi probábel que volva cometer o mesmo erro, o mesmo que eu cometerei volvendo xogar a esta segunda parte.

Polo menos, case seguro que estaremos ante un xogo moi bonito de ver.Iso nos mostran algunhas das imaxes que se fixeron públicas.

Os seguidores do cabaleiro escuro están de sorte, xa que se acaba de anunciar a edición coleccionista de Batman: Arkhan Asylum. Seguramente os máis frikazos deste superheroe xa estarán reservando este novo pack, e non é para menos, xa que o xogo pinta realmente ben. Esperemos que a explosión de diversión deste novo Batman aguante ata o final, e non se quede só nas primeiras horas.

O dito, que o pack inclúe:

– O xogo (de 360 ou PS3)
– O primeiro contido descargábel cun novo mapa
– Un diario de 48 páxinas a cor con notas sobre os internos de Arkham
– O indispensábel DVDs de extras
– O Batarang ( parece ser que se trata da arma que lanza Batman)

Todo isto presentado nun estuche metálico e custando ” soamente” 100€ (supoño que para os verdadeiros seguidores de Batman non son cartos nin é nada).

Pero agora toca a sorpresa final, esta edición coleccionista, aínda non está anunciada para que saia en territorio PAL, ¿pensabades que todo ía ser bo?

Primeiro game-play de Bioshock 2

Por: Venres, 10 de Abril de 2009, 13:49 COMENTAR

Nas últimas semanas , falouse moito deste xogo, que se non lle ía sentar ben o cambio de protagonista, que se controlar un Big-buzo produciría gran lentitude no desenrolo e outros rumores que conta a xente, máis por aburrimento que por sabiduría.
En fín , aquí vos deixo o primeiro vídeo en movemento des te xogo, que polo que parece, vai ser demasiado parecido ao anterior, cousa que non é nada malo, pero sí que vai sorprender bastante menos.