Onde está Fisher?
É un dilema, pero polo menos sabemos que o seu novo xogo non está morto ( cousa que temía despois dos infinitos retrasos que sufríu este título).
Parece ser que se emitiron dúas pistas para demostrarnos que Fisher está preparando a súa volta. A primeira é un vídeo:

Sí, eu tamén esperaba algo máis, pero hai que aturar e esperar.
A segunda é esta imaxe, na que se nos mostra tres ocos de balas que nos recordan ás míticas gafas que utiliza Sam para levar a cabo as súas misións.

Non teño nin a máis remota idea de como será a seu proxecto. Fai un tempo amosaran imaxes de Sam escapando dos gardas, pero co tempo que pasou esto puido cambiar.
Non sei que sorpresas nos terás gardadas, pero teño moitas ganas ( ou ansias) de catar este videoxogo

Periférico de Tony Hawk

Por: Venres, 15 de Maio de 2009, 11:32 COMENTAR

O deporte extremo volve ás nosas consolas, desta vez da man do skate, e na nova entrega de Tony Hawk: Ride teremos unha novidade consistente, a inclusión dun novo periférico en forma de monopatín.

Non teño moi seguro que vaia ser un éxito, tanto pola excisiva enormidade do aparato (hai monopatíns ben máis pequenos), como polo cansado que será xogar a este título.
Non digo que os primeiros días teña a súa graza subirse na táboa e simular saltos e outra peripecias similares, ademáis que tamén teremos que premer os botóns lateriais do periférico para conseguir novas acrobacias, pero, cánto durará esta motivación inicial?.
O mellor son eu, que prefiro o pad de toda a vida, pero se xogo é para relaxarme e non reventarme na miña habitación facendo o idiota.
Non sei como rematará isto, e aínda que me gusta que se proben cousas novas neste mundo tan igual, o pad tradicional, é o pad tradicional.
O vídeo que se amosa paréceme que pertence ás versións de Playstation 3 e Xbox 360 pero a Wii tamén recibirá no outono a súa ración de skate.

Tráiler de Fight Night Round 4

Por: Martes, 12 de Maio de 2009, 11:04 COMENTAR

Debo recoñecer que non son nada seguidor deste tipo de videoxogos, polo que non vou entrar nin en modos de xogos, editores , etc.
Veño simplemente recordar o impresionante apartado gráfico que loce este videoxogo de mulas loitando.Rasgos de dor, gotas de suor patinando polo lombo, sangue esparcíndose polo “ring”,pero ademáis todo isto, ben respaldado por unha físca das máis logradas nun videoxogo, dende o simple (pero perfecto) movemento dos pantalóns ata a perfecta caída dos loitadores.
Ao mellor vai sendo hora de que probe un destes títulos, pero como o faga vou desgastar a centos de guantes de combate.

Call of Duty: World at War

Por: Luns, 11 de Maio de 2009, 17:33 COMENTAR

Despóis de escoitar os rumores sobre a séptima entrega de COD e o recente vídeo de Modern Warfare 2, non podía deixar pasar a última inclusión no no mundo dos videoxogos, da saga bélica máis famosa do panorama.

Como xa se sabía de lonxe, esta entrega non ía superar, nen sequera igualar ao xenial COD 4, pero a diversión de todos os Call of Duty está patente.

Como sempre, a cámara colocarase nos nosos ollos e veremos todo o que lle sucede ao protagonista, mentres se enfronta a centos de inimigos disparándolles sen descanso ao longo dos máis variados escenarios, dende frondosas selvas ata escuros túneles, pasando por cidades derruídas e enormes explanadas.

A enorme variedade de misións fai que o desenrolo non aburra nin un mínimo ao longo de toda a aventura, dende copias do Call of Duty 4 como a misión do francotirador, momentos no que controlaremos un tanque, espectaculares tiroteos a bordo dun avión, misións de colocación de explosivos en determinados lugares e un sin fín de accións que nos manterá pegados ao pad.

Falando do apartado gráfico, hai que dicir que acada un nivel notábel, pero como seguramente todos fixemos a comparación entre a cuarta parte e esta, World at War queda por debaixo das espectativas postas nel, porque sexamos honestos, superar a calidade do seu antecesor non é tarefa sinxela, e como era de supoñer non o conseguíu.Aínda así, texturas como a auga están moi detalladas, e as expresións dos soldados están perfectamente plasmadas, pero estes detalles están compensados con (determinados) escenarios baleiros e moito menos detallados, como o desembarco ou a (simple) misión a bordo do tanque, que non acadan o nivel logrado noutras partes do xogo.

Como sempre, para avanzar por estes paraxes, contaremos con todo tipo de armas dende fusiles francotirador, RPG e metralletas ata lanzachamas,( a gran novidade do videoxogo) que nos permite calcinar terreos de herbas para frustrar os ataques sorpresa dos inimigos, xa que este factor sorpresa está moi pronunciado nesta nova entrega, con trampas ocultas, inimigos nos árbores,ataques Kamikaze, etc, obrigándonos a avanzar con máis coidado que noutras veces.

O que non é digno de loubanza é a intelixencia artificial ( sobre todo cerca do final), con inimigos que se quedan quietos mentres disparas, momentos no que non te vén estando preto deles e outras accións semellantes que ningún xogo debería permitir, e menos unha saga como esta.

Falando da duración, podo asegurar que aumentou considerábelmente, e non me refiro ao modo aventura ( que segue sendo tan curto como o resto de xogos anteriores), se non ao modo cooperativo a pantalla partida, que sempre lle dá máis tempo de vida, eso sí, tede enconta que no cooperativo hai que facer misión por misión, polo que antes deberedes pasar o xogo en individual para desbloquear todas as misións. Ademáis, unha vez rematado, teredes a opción de xogar a un modo ben curioso, un modo no que teredes que eliminar zombies nazis, que tamén o poderedes xogar acompañado.

En fín, que nin de broma iguala ao anterior título da saga, pero, cándo vistes vós un Call of Duty que non fose divertido?.Nunca. Pois iso, que segue tendo a esencia da saga, segue facéndonos disfrutar reventando nazis. Segue sendo unha aposta segura de diversión.

Por fín Infinity Ward se decide a mostrarnos un vídeo do seu título en desenrolo. O vídeo como podedes apreciar consta de máis secuencias de vídeo que de acción real, pero menos dá unha pedra.
Podemos ver zonas de neve, incluso submarinistas ou algúns helicópteros.Supoño que a variedade de misións é un dos seus puntos fortes e agradécese.
O tráiler completo será presentado o 24 de maio, así que teremos que agardar para atoparnos con algunha que outra sorpresiña que nos terán gardada.

Intro completa de Prototype

Por: Sábado, 9 de Maio de 2009, 18:14 COMENTAR

Prototype, o sandbox creado por Radical Entertainment, chegará ás nosas consolas o 5 de xuño, e polo que parece a simple vista non pinta nada mal.
Poñerémonos na pel de Alex Mercer, o cal contará cunha axilidade desorbitada, pero ademáis , como podemos ver no vídeo, poderá transformar as súas extremidades en armas mortíferas ou imitar a apariencia do resto das personas.
Poder facer o cafre polo medio dun grancidade utilizando estes poderes pode ser do máis divertido, espero que o desenrolo esté á altura deste vídeo e non nos frustre a nosa utopía de videoxogo.
Tranquilos que pronto sairemos de dúbidas.

Como xa mencionara anteriormente, poucos datos sabemos de Beyond Good & Evil 2, pero agora chéganos, para pracer das nosas retinas, este impactante vídeo que non vai deixar a ninguén indiferente.
Un, que xa quedou moi compracido coa primeira parte, non pode deixar de pensar do que pode supoñer xogar a segunda entrega. Porque se o vídeo que se amosa pertence a unha parte do xogo en tempo real, podemos estar ante un dos mellores xogos do ano, e se non me credes, mirade e opinade.
Nunca vistes uns movementos tan realistas nun xogo, acción frenética e uns gráficos que superan ao mellor luxo do mundo.
Non podo dicir nada máis, simplemente vou ver outra vez o vídeo, e con esta é a quinta vez.

Tendo en conta que os únicos xogos de Rally que xoguei foron ao WRC da PS2 e algún que outro desperdigado pola PSP, non podo dicir que esté esperando como auga de maio a chegada deste Colin, pero polo que parece o apartado gráfico vai ser impotente, como se pode comprobar nestas imaxes, con impecábeis efectos de iluminación, marcas de rodeiras, salpicaduras de lama, etc.
Isto é o que nos mostra Gavin Raeburn, productor de Dirt 2, neste paseo polos seus estudos, demostrándonos a capacidade que teñen para realizar este tipo de videoxogos.

Periférico de DJ Hero

Por: Xoves, 7 de Maio de 2009, 13:52 COMENTAR

Se eres dos que te pos a saltar na túa habitación, sen camiseta e berrando coma un tolo mentres interpretas “Barracuda” de Guitar Hero, mala sorte porque no próximo DJ Hero, vás ter que estar sentado.
Recoñezo que me encantan os Guitar Hero, pero despois dos infinitos problemas que me supuxeron ( e me supoñen) os instrumentos de World Tour, non sei que pensar dos periféricos que sacan.
A primeira vista parece consistente e non debería haber problema ningún, pero o dito…

Wanted : Weapons of Fate

Por: Xoves, 7 de Maio de 2009, 10:23 2 COMENTARIOS

Despois de acusar á película Wanted, como un dos mellores filmes de acción do pasado ano, e quedar máis tranquilo cun pato, decidín catar a súa versión de consolas, e algo mantívose intacto: a espectacularidade.
En serio, ninguén cun pouco de sentido ten esperanzas en que un xogo basado nunha película sexa bo nin entretido, e desta volta non tiven máis remedio que tragarme as miñas propias palabras.
O argumento do videoxogo trasládese xusto despois da película, e colleremos o control de Wesley ( o principal protagonista da cinta) e do seu pai ( este controlarémolo a modo de flash-backs para ir desentramando toda a historia), de feito o argumento é un dos puntos fortes do videoxogo, enlazando todo perfectamente e cun final insospeitado.
Cando estemos manexando a algún destes personaxes, poderemos facer todas as virguerías que fan na película dende os clásicos tiros curvados ata as misións francotirador, pero o mellor non é que se poida facer, o mellor é o simple que é facer todas estas acrobacias, asique podesdes estar seguros que aos poucos segundos estaredes saltando por enriba de mesas, acribillando inimigos cubertos por escudos…
Pero como dixen ao inicio, a espectaculariedade rebosa por todos os recantos, con momentos no que todo se relantiza e o único que temos que facer é disparar aos inimigos mentres presenciamos os rápidos movementos do protagonista, escapar dun avión en plena caída ( e sen paracaídas ), pelexas corpo a corpo a modo de QTE,etc.
Falando do apartado gráfico temos que dividir o xogo, xa que atopámonos con interiores regulares e bastante lisos xunto cuns exteriores moito máis elaborados e acompañados duns efectos luminosos impresionantes. Esta descompensación pódese perdoar, pero o que non se pode perdoar, e ninguén debería, é a súa duración. O xogo non chega nin as catro horas, e eso a primeira vez que xogas e non coñeces nada, se o pasas de segunda, en dúas horas remátalo. Máis cun videoxogo para unha “demo”, podédesme crer, a duración é esaxeradamente curta.
Aínda con todo isto, o xogo ten un factor moi importante ao seu favor, consegue divertir e non aburre nada.
Sí, os gráficos poderían ser mellores. Sí, o que se trata e de disparar a todo canto se mova. Sí, a duración é case inexistente.
Pero recoñezo que o pasei de marabilla mentres o xoguei, e o final, isto é do que se trata.

O novo de Rockstar parece que se está cocendo bastante ben, e este vídeo in-game é un mostra disto. O tráiler danos unha idea aproximada do seu apartado visual, similar ao do GTA IV, polo tanto neste sentido non se debería quedar atrás, e vendo os antecedentes de Rockstar, case estou por asegurar que a dureza do oeste estará moi ben plasmada.

Red Dead Redemption será unha continuación de Red Dead Revolver, e poderémolo adquirir no terceiro trimestre do 2009 para Xbox 360 e Playstation 3.

Non sei vós, pero para mín os xogos basados no antigo oeste sempre teñen un encanto engadido.

Así aparecía en gamervisión, e non pensedes que me alegro deste feito, todo o contrario. Estou canso de ver enormes bazofias no cinema baseados en videoxogos, para que me veñen certificando que segue en pé esta nova película.
Xa fai máis dun ano que se viña falando deste feito, pero tiña a mínima posibilidade de que só fose un rumor, que se tratase dunha simple estratexia de márketing para o videoxogo ( cousa que tampouco aprobo), pero todas as miñas insignificantes esperanzas quedaron truncadas.
Chris Morgan, guionista do proxecto comentou nuha entrevista:
“Creouse un borrador e estivemos falando sobre el e presupostándoo. Ten moi boa pinta”

Como todos, unha das maiores preocupacións é determinar o coste da película:

“Unha das cousas das que falamos é do presuposto da película e de como de grande e espectacular será. O meu argumento é que, de acordo ao material existente, o xogo e os escenarios, dado o feito de que hai que representar un mundo que foi tomado polos Locust, é que ten que ser grande”


Non ten que ser grande, ten que ser inmenso se queren chegar á calidade do xogo, ten que ser unha película dura, intentando achegala á realidade o máximo posíbel, ten que ser sanguinaria, ten que ter acción espectacular constante e o mesmo tempo un argumento que incluso nos faga soltar algunha bágoa ( xóguese Gears of War 2), ten que ser algo… que non conseguirán facer.