Novo vídeo de Batman

Por: Mércores, 27 de Maio de 2009, 11:22 COMENTAR

Teño que recoñecelo, este futuro Batman é o único xogo de superheroes que me chama algo a atención, porque todos sabemos como rematan todos estes proxectos baseados nestes personaxes ( aínda que moitos sintan compaixón polos Spiderman 2 e 3 ).

Non sei se é o carácter máis adulto que loce Arkham Asylum, ou a mestura de acción e sixilo, ou a cantidade de inimigos ( algúns tan espectaculares como a que se apreza no vídeo), honestamente, non sei moi ben o que realmente me gusta deste Batman.

Ao mellor todo se queda nunha ilusión, ao mellor este non é a axcepción dos xogos protagonizados por superheroes,ao mellor…

Así o anunciou SEGA, así que podemos supoñer que chegará no primeiro trimestre, case apostaría sobre marzo.

Se hai unhas semanas traía algunha información sobre este xogo , agora aumentarei as miñas espectativas grazas aos novos datos sacados de IGN.

Parece ser que cada unha das tres partes da campaña (Alien, Depredador e Humano), estarán moi remarcadas. Na pel do depredador predominará a infiltración, no caso do alien estaremos ante un xogo de acción frenética cos seus rápidos e letais movementos, e nas misións do humano, estaremos ante un claro survival horror. Tamén recalcaron a pelexa entre o depredador e un alien, xa que teremos que ter moito tino porque se nos cae encima o seu sangue ácido queimaranos, ademáis o nivel de dificultade parece que será bastante elevado, e aínda que lle cortemos unha extremidade ao alien, este arrastrarase ata nós, para tentar darnos caza.

predador

Con todo isto podería ser un xogo moi divertido, pero está claro que mentres non collamos o resultado final non podemos dicir nada, xa que eles mesmos fan que o xogo pinte ben, ao mellor, lonxe da realidade. Aínda así téñolle bastantes ganas, e máis, despois de saber que pode que interestellar marines nunca vexa a luz. Si, gustame reventar algún pobre extraterrestre que se cre máis chulo que a min.

Despois dun par de teasers no que apenas podiamos apreciar nada do xogo, agora chéganos o verdadeiro tráiler de COD : Modern Warfare 2.

Nel podemos ver a cantidade de variadas situacións ás que nos teremos que afrontar, dende pilotar motos de neve, fuxir dun bombardeo, misións subacuáticas,etc.

Por outro lado, ou é cousa miña, ou a calidade gráfica non parece tan abrumadora como a de COD4, aínda que dubido moito que resbalen neste apartado, vendo os antecendentes. Aínda así, a acción parece que vai ser predominante ( ou farán unha misión de sixilo?), imaxinadevos unha situación similar á infiltración de COD4, pero desta volta baixo a auga. É un simple pensamento precoz e sen analizar, pero non estaría mal.

Novo vídeo de Bayonetta

Por: Domingo, 24 de Maio de 2009, 15:05 COMENTAR

O tempo vai marchando e Bayonetta está chegando e a falta de novidades sobre próximos Devil May Cry, teremos que calmar a nosa necesidade de acción instantánea e frenética con este título.

Vólvese a por en manifesto o vertixinoso estilo e desenrolo co que contará Bayonetta ( nada raro sabendo quén son os creadores), ademais da posibilidade de utilizar poderes para problema dos inimigos.

Aínda así, e declarándome seguidor incondicional destes xogos, teño que dicir que o apartado gráfico segue sen convencerme, parece que todo está bastante baleiro, parece que lles falta limar un pouco este tipo de detalles. Con todo isto, se a diversión é tan boa como aparenta, eu non dubidarei en pasar por alto a cantidade de píxeles co que conte o xogo.

Modificación: O vídeo foi eliminado por causa dunha reclamación de copyright realizada por Sega of América. Non entendo por qué, xa que estabamos a falar dun simple tráiler, nin era filtración, nin un vídeo roubado.

bad company- compañía mala

Un dos xogos con mellor online desta etapa volverá as nosas pantallas nunha segunda entrega que como mínimo igualará á anterior.

Parece que vai manter a esencia anterior e haberá a posibilidade de destruír calquera edificio que teñamos ao noso alcance visual, as bombas impactando ao noso arredor serán constante e a aparición de helicópteros poñeranos nunha situción bastante comprometida ( para a nosa alegría).

Sempre é motivo de alegría ver multixogadores tan potentes, eso si, esperemos que na aventura principal non abusen tanto da utilización dos vehículos como na primeira parte, que chegaba un punto no que te fartabas de tanto conducir dun lado para outro. Que quede ben claro, nestes xogos o que realmente queremos e pegar tiros “pa” canto sitio haxa.

TOM RAIDER

Volvemos a coller o control de Lara para salvar ao mundo (que raro), aínda que para iso nos teñamos que enfrontar a feras salvaxes,seres do inframundo, dinosauros…para conseguir o martelo de Thor.

A estas alturas xa todos sabemos con que nos imos atopar nun Tomb Raider, preciosas paisaxes, as cales teremos que recorrer ata o último centímetro para conseguir resolver retorcidos puzles, pouca cantidade de inimigos e un nivel moi alto de plataformeo. Por suposto, esta nova entrega non é unha excepción.

A nivel gráfico atoparémonos con fermosos escenarios, desde selvas ata fondos submariños, todos eles caracterizados por un nivel de detalle enorme (pararédesvos máis dunha vez, simplemente para contemplar as paisaxes), sen embargo, os personaxes non chegan a tan alto nivel e temos a sensación de que controlaremos a un boneco en vez de unha persoa.

A protagonista, a máis que coñecida Lara Croft (por certo, que parece ser que vai volver aos cines, deus non o queira), terá que superar infinidade de puzles para lograr o seu obxectivo, pero non pensedes que son puzles de “atopar chave, chave abre porta”, nestes teredes que rocorrer cada milímetro do escenario para levalos a cabo con éxito, así que se vos atopades cunha porta cerrada, podedes estar seguros que para abrila teredes que suar tinta, ou mellor dito, sangue.Tamén é certo que resolver estes enigmas son a única dificultade do xogo , xa que a ausencia de inimigos e case plena, e os poucos que hai non vos complicarán nada a vida.

Pero hai un apartado que ennegrece o resultado final deste Tomb Raider,estoume a referir da cámara.É imperdoábel que nun xogo non que os saltos imposíbeis son constantes, falle a cámara de tal xeito. Refírome a momentos no que non saberás para onde tes que saltar porque a cámara non cho amosa (nin che permite movela, sobre todo cando estás en repisas) ou cando pasas por un lugar baixo Lara desaparece ata que a cámara volve enfocala. Un enorme erro que moitas veces farate quedar trabado nun puzle ata a frustración e cando por fín te percates do doado que era, botarás pestes contra a maldita,imprecisa e merdenta cámara.

A duración tampouco é moi elevada, pero tendo en conta que terás que botar bastante tempo en cada enigma que se che plantexa,pasaralo por alto, ademais tes a posibilidade de recolectar tesouros como obxectivo secundario,case todos eles se atoparán dentro de pequenas cerámicas que atoparás ao longo de toda a aventura.

Con estes erros mencionados, o xogo cumpre  co seu obxectivo de entreter, ben sexa pola variedade de situacións, como fases en moto (aínda que cun control totalmente impreciso) ou momentos de submarinismo xunto as quenllas, ou ben sexa pola calidade dos puzles que che fará darlle ben voltas á cachola.

Novo xogo de Alien vs Predator

Por: Mércores, 20 de Maio de 2009, 17:57 COMENTAR

Desta volta, serán os de Rebellion os encargados de traernos este shooter ás nosas consolas, que contará con modo campaña que enlazará tres historias, a do soldado colonial, a do alien e a do predator.

A historia parece que se situará no planeta BG-386, cando un grupo de soldados descobren unha extraña pirámide. Este feito fai que unha raza guerreiros espaciais viaxen ata o planeta para protexer a súa construción, máis ninguén sabe que dentro da pirámide unha forma de vida vaille complicar as cousas.

O xogo está previsto que saia para principios de 2010 para as plataformas Xbox 360 e Playstation 3, así que aínda teremos que esperar un pouco.

Aínda así, polos poucos vídeos e imaxes que se amosaron parece que vai contar cun apartado gráfico moi potente. Así e todo nunca tiven, nin teño confianza en xogos que se aproveitan do inexplicábel éxito que acadan na gran pantalla.

Primeiro tráiler de Resonance of Fate

Por: Martes, 19 de Maio de 2009, 9:35 COMENTAR

Outro xogo de rol  con tintes “Final”

Os xogos de rol seguen no seu constante desenrolo producindo unha importante eclosión neste tipo de videoxogos.

Así,chéganos o primeiro vídeo de Resonance of Fate,no cal podemos apreciar unha calidade gráfica moi elevada,pero, qué se vai esperar dunha secuencia?,escenarios preciosos, movementos impecábeis,acción desmesurada…

Todo isto está moi ben, pero mentres non vexamos o xogo en tempo real, será preferíbel manterse a un lado, xa que a maioría dos proxectos “videoxoguís” pintan moi ben nas primeiras secuencias que nos amosas os creadores, pero  o conto cambia cando collemos o pad, e moito.

Polo de agora botádelle un ollo,pero reservade a opinión ata ter unha maior certeza do que realmente será Resonance of Fate.

BANJOO BLOG

Tiña medo, moito medo de probar a nova entrega desta saga por mor da decepción que me podería dar,pero esta decepción quedouse curta e transformouse en frustración.

O primeiro que teño que mencionar, é que en realidade este título non debería estar englobado na categoría de lixo,xa que é un título (que se non tivese predecesores) estaría á altura de moitos plataformas desta xeración,cun digno apartado gráfico e un humor bastante característico.Pero os que me ides coñecendo sabedes que ás anteriores entregas de Banjo,sobre todo o Banjo Tooie, téñoas nun enorme,alto e merecido podio,polo que en comparación ,esta última inclusión de Banjo no mundo dos videoxogos queda moi por debaixo do esperado,tan baixo que case nin se vé,tan baixo que non é digno nen sequera de levar o título que ten.

Cando insertei o disco na consola e comecei a escoitar a melodía clásica dos Banjo comecei a rememorar os títulos anteriores, comecei a ter algunha esperanza,incluso me gustou como empeza cun Banjo e Kazooie reventando de tanto comer pizza e xogar a consola.A continuación entra en escena a bruxa( como non ía aparecer?), e ségueme entusiasmando, ata que entra o seguinte personaxe, o “señor dos videoxogos”( merda,merda,merda),a partir de aquí,comeza a decadencia.

Este último personaxe obríganos a entrar no seu xogo e deberemos coller o máximo número de Giggies para ir abrindo novos mundos. Ata este argumento ( que non me entusisasma nen o máis mínimo) podería ter un pase. O peor é a traición que nos fixeron ao non seguir as pautas das entregas anteriores.

Máis que un plataformas estamos ante un xogo de conducción no cal teremos que que construír os nosos propios vehículos ( esta parte é a peor de todas, xa que resulta do máis aburrido e asegúrovos que teredes que pasar horas neste apartado).Así recorreremos os mundos buscando notas musicais ( para utilizalas como moeda de cambio) e novas pezas para mellorar os vehículos.

A obtención dos Giggies non é menos desoladora e frustrante xa que para adquirilos teremos que ir pasando pequenas miniprobas (ou minixogos) que nos propoñen os diferentes personaxes e case sempre consistirá en levar a cabo misións cos vehículos dende chegar a un punto en concreto, gañar unha carreira, transportar a outros seres,etc.Pregúntome eu, onde deixaron o perfecto plataformeo que había que facer nos anteriores títulos para conseguir estas pezas de puzle douradas? Quén sería o inútil que se lle ocorreu cambiar o plantexamento de tal maneira?

Os Gingos (pequenos seres que había que atopar nos anteriores xogos, nunha insaciábel misión secundaria) aquí ofrécennos pequenas misións en forma de minixogos( xogar un sumo con vehículos,atoparlle un aparello perdido…) e para redondear o desenrolo os movementos a pé son moi limitados coa única posibilidade de golpeau cunha absurda chave inglesa que porta Kazzoie (olvidádevos de correr nas pernas do paxaro, nin de escupir ovos, nin de meternos dentro da mochila para superar estreitos lugares, nin de transformacións, nin de…).

Se con isto todo aínda non guindaches o disco pola ventá, faralo cando te canses dos abusivos tempos de carga que nos agasalla o título.

Tentarei facer como se este Banjo nunca existise, como se nunca xogase e para isto botareille unhas partidas aos anteriores títulos e disfrutarei desas verdadeiras xoias.

Nova portábel de Microsoft?

Por: Domingo, 17 de Maio de 2009, 15:43 COMENTAR

Está claro que todas as compañías preparan algo sorpresivo para esta feira do E3 e pode que a “sorpresa” de Microsoft sexa unha nova portábel.
A información chéganos do blogue xataka, e o suposto nome do proxecto sería Microsoft xYz e contaría cunha resolución de 800×480 píxeles e aínda que nada se sabe das súas características, especúlase que estará equipado coa plataforma Nvidia Tegra.

Polo de agora non se debe dicir nada, pero non vexo que sexa unha novidade tan extraña, tendo en conta que é a única compañía que non conta cunha portábel.
Nunhas poucas semanas teremos a resposta, mentres, podedes apreciar este Fake do que sería o suposto aparello.

Atención con este nome, Earth No More

Por: Domingo, 17 de Maio de 2009, 12:28 COMENTAR
Unha nova sorpresa nos deparou este domingo mollado. Cada vez que sae ao panorama dos videoxogos un nome totalmente descoñecido e que aporta un plantexamento orixinal, comezo a refregar as mans.

Isto é precisamente o que nos trae Earth No More, proposta dos finlandeses Recoil Games, xogo de acción aínda que con pinceladas de rol ( como conversacións tipo Mass Effect ), na que nos sumerxiremos nun mundo invadido por plantas velenosas.
Este shooter contará co potente motor gráfico Unreal Engine 3 ( que tan bos resultados deu noutros xogos), e aínda que non se sabe moito sobre este proxecto preténdese que conteña un cooperaativo e un multixogador online.
Aínda non están confirmadas en qué plataformas sairá, pero os creadores pretenden que chegue á Xbox 360 e Playstation 3.
Como se vé nas imaxes o xogo non pinta nada mal, aínda que teremos que esperar para saber concretamente cal será a nosa misión no planeta invadido, pero se non fallan no plantexamento do videoxogo, Earth No More pode dar moito que falar.

Ninja Gaiden II

Por: Venres, 15 de Maio de 2009, 12:35 1 COMENTARIO

De novo algún insensato quere liberar aos demos no mundo real. De novo algún pobre desgraciado intentará levar esta misión kamikaze.De novo nos tocará eliminar a cada ser que se nos poña diante.De novo teremos que salvar o mundo.
Sí, argumentalmente non é o máis do mellor, pero o frenético ritmo con que nos agasalla este título,compensa suficiente o anterior punto negro, xa que Ryu Hayabusa non descansará nin un só momento ( para satisfación nosa) e terá que lidiar con todo tipo de criaturas, dende simples ninjas ata enormes dragóns energúmenos ( nunca mellor dito). Todo esto satisfeito cunha remarcación “gore” total, de feito pernas, brazos, cabezas e outras partes corporais rematarán ciscadas polo escenario despois de cada pelexa do protagonista ( e pelexas hai moitas).E para amputar todas estas extremidades Ryu contará con varios tipos de armas, como a temíbel espada,unha bara metálica,un arco (para distancias longas) ou a devastadora gadaña. Ademáis as armas poderanse mellorar para que adquiran máis poder e forza.
Pero para levar a nosa misión, non nos vale simplemente con utilizar estas “armiñas”,polo que o protagonista terá que botar man de poderes máxicos (tamén coa posibilidade de melloralos), así, poderá invocar pequenos seres para que lle axuden, lanzar enormes bolas de lume, e outros poderes que lle axudarán a rematar co demo final.
O control segue sendo igual que sempre, polo que non teredes ningún problema, aínda que para mín, a cámara está demasiado horizontal en relación ao protagonista, gustaríame que estivese a unha altura maior ( esto xa é antollo meu), polo demáis, como saltos entre dúas paredes,correr por enriba da auga e outras habilidades ninjas realizarnse de maneira moi sinxela.
A nivel gráfico o xogo cumpre, pero diferenzo dúas partes. A primeira é o nivel de detalle dos inimigos (sobre todo os monstros finais), tanto pola grandeza destes como polos rasgos que locen, e a segunda son os escenarios, que están demasiado baleiros, mellor, están moi baleiros. Parece que se preocuparon moito máis en crear uns inimigos impresionantes e deixaron a un lado algo tan importante como os escenarios.
Desta volta, a dificultade está máis axustada que a primeira parte ( e grazas a algún ente extrahumano que sexa así, porque se non…), e temos unha duración de aproximadamente once ou doce horas, algo que se agradece tendo en conta este apartado noutros títulos.
Sí, ten algún erro gráfico e en contadas ocasións aparecen imperdonábeis relantizacións, pero é un xogo a ter moi en conta, tanto pola enorme cantidade de inimigos finais como pola frenética acción e constante coa que nos atopamos.