Excelente sorpresa nos ofrece hoxe Epic Games, xa que acaba de confirmar que o seu próximo Gears of War: Judgment contará cunha segunda campaña individual, pero lonxe de facelo a través dun DLC como faría a inmensa maioría das compañías, esta estará incluida no videoxogo dende un principio.

Para desbloquear esta nova campaña, baixo o nome de Aftermath, deberemos conseguir todas as estrelas nos desafíos que nos propoña esta nova entrega dunha saga que xa quedará para a historia.

Na nova campaña de Aftermath viviremos a historia de Baird e Cole antes de loitar contra a Raíña Locust, sabendo exactamente o que lle aconteceu a estes antes de chegar con toda a xuda que necesitaron Marcus e Dom.

Encontrarás xente e lugares que recoñecerás, incluso tamén algúns inimigos, e verás como as dúas historias se unen para ofrecer un contexto que englobe a toda a franquicia.

Só nos falta saber a duración desta segunda campaña complementaria, mais sendo dunha ou doutra maneira, só me queda aplaudir a decisión de Epic Games por premiar aos xogadores con este detalle sen a necesidade de pagar por el.

Despois de varias filtracións estes pasados días (dos que xa vos falamos neste artigo e neste outro), a compañía Ubisoft confirmou nun comunicado os rumores e anunciou a saída da nova entrega o vindeiro 29 de outubro para Xbox 360, PlayStation 3, Wii U e PC e haberá tamén versións para as videoconsolas de nova xeración. Tamén confirmaron que a versión de PS3 terá 60 minutos de xogo exclusivo. Teremos máis datos e tráiler do xogo o vindeiro luns, 4 de marzo.

Páxina oficial

Despois de que os rumores falasen sobre a chegada dunha nova edición de Assassin´s Creed 3 aínda se descoñecía cal era o seu contido, mais hoxe finalmente fáise oficial.

Esta nova edición contará con todos os seus DLCs, deste xeito o “pack” sería:

Xogo orixinal de Assassin´s Creed 3, o DLC A Dura Batalla, o DLC de Os Segredos Escondidos e o primeiro capítulo do Rei Washington.

Todo isto chegará o 28 de marzo a un prezo de 54.95€ para as plataformas Xbox 360 e Playstation 3.

Electronic Arts ven de publicar un novo tráiler dos tres paquetes de descarga para o Need For Speed: Most Wanted, que inclúen o paquete Terminal Velocity cun novo escenario no medio dun aeroporto, 5 novos coches e novos modos de xogo, como o “Drift Attack”, o paquete Movie Legends, con 5 coches lexendarios de películas de acción:

• Aston Martin DBS 2008: 007: Quantum of Solace (2008)
• Dodge Charger R/T 1970: The Fast and the Furious | A todo gas (2001)
• Pontiac Firebird Trans-Am Special Edition 1977: Smokey and the Bandit | Os caraduras (1977)
• Aston Martin DB5 Vantage 1964: 007: Goldfinger (1964)
• Shelby Mustang GT500 1967: Gone In 60 Seconds | 60 segundos (2000)

e o paquete Need For Speed Heroes, que inclúe 5 coches icónicos da saga, como o BMW M3 GTR, o Nissan Skyline GT-R ou o Nissan 350Z.

Estes paquetes de descarga xa están dispoñibles para as versións de Xbox 360 e PlayStation 3, mentres que para a versión de PC, estarán dispoñibles a partir do vindeiro 12 de marzo.

Nunha nova estratexia para aumentar aínda máis os ingresos, Epic Games anunciou onte que os xogadores que merquen o pase VIP de tempada obterán unha bonificación permanente de dobre experiencia no multixogador online da nova entrega da saga Gears of War, que sairá á venda o vindeiro 22 de marzo en Europa.

Este pase de tempada conterá 6 mapas multixogador, dous novos modos de xogo, 9 desbloqueables “exclusivos” e 4 skins para as armas e custará uns 1600 Microsoft Points (uns 15 Euros).

Por outra banda Epic Games tamén anunciou que a revista masculina Maxim patrocinará (dun modo similar a como xa fixera Discovery Channel na primeira entrega do Gears of War) un paquete cos mapas Capitol e Haven, así como o modo Execución, que estarán dispoñibles para descargar gratuitamente a partir do vindeiro 2 de abril.

A menos dun mes do lanzamento da nova entrega da saga Gears of War, Epic Games publicou un vídeo ingame cos modos multixogador que estarán dispoñibles.

Slightly Mad Studios anunciou que o tan agardado simulador de carreiras Project CARS sairá ao mercado o vindeiro Día de Acción de Grazas: 28 de novembro. Project CARS é un simulador de carreiras creado por unha grande comunidade de usuarios e estará dispoñible en PC, PlayStation 3, Xbox 360 e Wii U.

Éste foi o anuncio que fixo o estudio na súa páxina de Facebook:

Dunha vez por todas: a versión “oficial” do xogo (en todas as plataformas) está previsto para Acción de Grazas … polo momento …

Máis información na páxina oficial.

A falta dunhas poucas semanas para que saia á venda o esperadísimo Bioshock Infinite, os desenvolvedores de 2K Games xa teñen unha edición para coleccionistas que estará na lista de desexos de todos os amantes dos videoxogos. Especificamente haberá dúas edicións: a Ultimate Songbird Edition e a Premium Edition. A única diferenza entre ambas é que a primeira inclúe unha figura a escala dun dragón, e a segunda non. Iso si, a diferenza de prezo é de 70$. Neste artigo faremos unha revisión da Ultimate Songbird, que é a máis completa e que de seguro todos os coleccionistas quererán ter na súa casa.

A Ultimate Songbird Edition preséntase nunha caixa cadrada con motivos circenses. No seu interior poderemos atopar:

– Unha figura a escala do dragón Songbird, o antagonista principal do xogo. A maqueta mide 9’5 polgadas, isto é, uns 24 cm de alto.

– Un chaveiro de 3 pulgadas (7’6 cm) que recrea unha botella de Murder of Crows, un xarope vigorizante.

– Unha litografía de 5×7 polgadas (12’7 cm x 17’8 cm), deseñada por Jorge Lacera.

– Unha miniatura de resina de 25 mm do futuro xogo de mesa de Bioshock Infinite, da man de Plaid Hat Games.

– Un pequeno libro de arte, con conceptos gráficos do xogo, bosquexos e comentarios. A portada do mesmo está envellecida.

– Contido dixital exclusivo: banda sonora, avatares, equipamento dentro do xogo…

– Unha copia do xogo Bioshock Infinite na plataforma axeitada (PS3, XBOX 360 ou PC).

Recordo perfectamente a cara que me quedou cando vin a primeira imaxe que amosou Ninja Theory sobre o novo look de Dante. Botei as mans á cabeza, así como unha inmensa maioría de fans desta saga que non comprendían o por que deste cambio, máis Ninja Theory tíñao moi claro.

Querían un reinicio da saga, un reboot diferente ao visto anteriormente pero que mantivese a súa esencia e diversión, así, facendo caso omiso ás opinións negativas dos fans da saga seguiron adiante co proxecto.

Con que resultado? Seguide lendo.

Ler o resto da entrada »

Por fin Rockstar anunciou a data de saída do seu xogo estrela, así, o esperadísimo Grand Theft Auto V chegará ás tendas de todo o mundo o 17 de setembro.

Como sabemos, os rumores apuntaban que esta quinta entrega sairía en maio, máis segundo as palabras de Rockstar:

Sabemos que isto é catro meses máis tarde do orixinalmente previsto, e sabemos que este tipo de retraso será una gran decepción para moitos de vós, pero creédenos que merecerá a pena o tempo extra de espera.

Así que xa sabedes, está confirmado oficialmente, a quinta entrega dunha das sagas máis exitosas do mercado chegará o 17 de setembro. Paciencia.

Sabemos que non é a mellor época para gastar diñeiro, por iso cada vez as demos xogábeis dos videoxogos están a ter máis e máis fama entre os consumidores.

Mais para aqueles que esperaban pola proba do próximo Tomb Raider hai unha mal nova, xa que Square Enix e Crystal Dynamics anunciaron que non lanzarán ningunha demostración antes do seu lanzamento:

“Non queremos rebentar a historia. Temos un guión tan persoal que non queremos estragalo facéndovos esperar unha semana ou máis para xogalo”.

Por tanto, se queredes saber se o título promete tanto como aparenta, deberedes esperar até o cinco de marzo, día do lanzamento.