e3-2013-ms-600x300

Por se non puidestes ver en directo a conferencia, nin seguido polo noso Twitter, aquí vos fago un breve resumo do que anunciaron os de Microsoft.

Primeiro dicir que sorprende que cumplisen coa promesa de centrarse case en exclusiva na presentación de videoxogos, pero así foi, mais antes de amosarvos os títulos comentarei os poucos aspectos alonxados dos videoxogos que se presentaron.

O punto máis importante: Data e prezo.

Cando pensabamos que nos ían deixar sen esta información, na recta final desvelaron o prezo e data de lanzamento. A Xbox One custará 499€ e sairá en novembro. A verdade, todos os rumores apuntaban a este prezo polo que non sorprende demasiado, outra cousa é se estás disposto a gastalos coas “trabas” que ten, iso é a vontade de cada un.

Outra das noticias que sorprendeu foi o lanzamento dunha nova Xbox 360 máis pequena e delgada. Non anunciaron prezo, áinda que si dixeron que estaría nas tendas dende xa. Está claro que a mensaxe foi que non abandonarán a Xbox 360 así como así, e paréceme un movemento intelixente tendo en conta a sucesora…

Tamén fixeron algunha que outra demostración con tablets e as Smartglasses, mais nada que non fose eclipsado pola presentación de videoxogos que procederei a enumerar.

Comezaron cun tráiler con gameplay do Metal Gear Solid V: The Phantom Pain, que tamén sairá en Xbox One. Aquí tedes o vídeo, como podedes comprobar dalle máis importancia á liberdade de acción.

Despois disto deron un paso atrás presentando unha serie de xogos exclusivos pero que pasaron totalmente desapercibidos. A medida que vaian chegando os vídeos e tráilers iremos amosándovos máis. Os xogos eran:

Kinect Sports Rivals creado por Rare, World of Tanks que terá unha versión para Xbox 360, Max the Curse of Brotherhood (un plataformes aparentemente infantil), Minecraft coa súa versión para Xbox One, D4 (un título do que apenas se sabe nada pero ergueu aplausos por estar realizado por Swery, creador de Deadly Premonition) e Project Spark (un título de construción que sairá para Xbox One e Windows 8).

Quizais me equivoque mais estes xogos que acabo de mencionar e que penso que a maioría son exclusivos non destacan en comparación cos grandes anuncios que se levaron a cabo e os que vou facer mención a partires de agora:

Un dos títulos que mellor sabor de boca deixou foi Rysen:Son of Rome, título desenvolvido por Crytek e que nos mete na pel dun romano. Non vou dicir nada, abonda con ver o seguinte vídeo.

Outra das sorpresas foi Sunset Overdrive, un xogo dos creadores de Ratchet and Clank no que nos sumerxe na pel dun deportista de parkour pero que á súa vez debe loitar contra todo tipo de bechos. Pinta ben.

Killer Instinct tamén se deixou ver nesta presentación (si, este era o título que rescataría RARE)

O título de condución por excelencia de Microsoft sempre foi a saga Forza e a quinta entrega anunciárona con este gameplay:

Pero se houbo un xogo que levantase expectacións nesta presentación, esa foi Dead Rising 3, e non só porque será exclusivo de Xbox One, senón porque polo que podemos ver será máis serio que as dúas entregas anteriores:

E seguimos con terceiras partes, xa que The Witcher 3 tamén foi anunciado con este vídeo:

Se recordades, no anterior evento de Microsoft houbo un xogo que marcou a todos os xogadores, Quanum Break, pois ben, como era obvio non ía faltar á cita, e non só iso, senón que chega cun tráiler prometedor:

Battlefield 4 tampouco faltou neste evento e aínda que polo que se pode ver o espectáculo intenta primar ante todo, non chega a sorprender, ou polo menos a min.

E como non, o título por excelencia de Microsoft, un novo Halo foi anunciado baixo un enigmático e prometedor tráiler até que se soubo de quen se trataba:

Para rematar a conferencia decidiron amosar o videoxogo de Respawn, baixo o nome de Titanfall, un FPS nun mundo cheo de robots xigantes que deberemos facer fronte. Tampouco destaca demasiado nin innova en ningún punto concreto:

Estes foron os títulos que máis destacaron e que debo recalcar neste pequeno resumo. Non dubidedes en botarlle un ollo. Fáltanme pequenos vídeos que se dexaron ver como de Below (un pequeno videxogo do creador de Sword e Sorcery) ou Crimson Dragon, o desaparecido xogo de dragóns, pero os que xogos que máis van dar que falar nos próximos días son os mencionados.

Análise Spec Ops: The Line

Por: Martes, 4 de Xuño de 2013, 13:07 COMENTAR

Quen me coñece sabe que nunca fun moi amigo dos “shooter”, e sagas como Modern Warfare ou Battlefield prodúcenme a máis absoluta indeferencia, recoñezo os seus puntos fortes, teño xogado a miña dose e podo comprender porque a xente lle gustan, igual que podo comprender porque a xente lle gustan as pelis de acción dos oitenta, mais eu nunca lle atopei ese puntiño que podería facer que me entretivesen. Dito isto achegeuime a Spec Ops dende a cautela, pero tamén atraído por algunha crítica moi positiva que tiña lido. Ata ouvira por algures que era deses raros videoxogos (porque admitámolo, son moi poucos) que podía ser considerado coma unha obra de arte. Así que entre a miña reticencia cara o xénero e a boa impresión que levara das críticas comecei a xogalo.

Na publicidade do hotel non puxeron nada do espectáculo con francotiradores


Ler o resto da entrada »

Certo é que hoxe en día calquera tráiler CGI é bastante espectacular, mais segue sendo o maior reclamo para a comunidade de xogadores que agarden o mencionado título, e se a este o preceden dous xogos cunha calidade excelente, aínda motiva máis.

Así que por fin temos o tráiler extendido de Batman: Arkham Origins no que vemos ao protagonista loitar contra DeathStroke, que se ven interrompidos por un curioso personaxe.

O xogo poñerase á venta o 25 de outubro e sabemos que mediante DLC poderemos controlar a Deathstroke. Agardemos entón.

Novo tráiler de Metro: Last Light

Por: Mércores, 15 de Maio de 2013, 15:27 COMENTAR

A primeira entrega de “Metro 2033” foi un FPS con toques de survivol horror cunha ambientación excelente no que avanzabamos por escuros “metros” enfrontándonos a perigosos inimigos e a nós mesmos.

A segunda entrega chega o día 17 de maio para PC,Xbox 360 e PS3 e polo que puidemos ver manterá a sublime ambientación que puidemos desfrutar anteriormente.

A isto hai que engadirlle inimigos máis grandes (esperemos que igual de duros) e polo que parece, as balas e recursos non sobrarán, polo que teremos que coidar moi ben a nosa munición.

Dentro duns días chegará ás tendas e sairemos de dúbidas.

Análise de Bioshock:Infinite

Por: Martes, 14 de Maio de 2013, 16:59 1 COMENTARIO

bioshock infinite

A necesidade de sorprender ao xogador para un éxito do propio xogo debería estar escrito no manual dos desenvolvedores destes. Moitos conségueno creando novas IPs da nada, mais cando este primeiro título ten un éxito suficiente para que lle sigan novas partes, como manter esta orixinalidade sen caer na monotonía?

E aquí é onde hai que aplaudir a evolución da saga de Take Two, Bioshock, que soubo que a evolución é o camiño axeitado e que conxelarse nunha idea soa non era o correcto. Hai xogos que non poden dicir o mesmo, verdade Dead Space?

Despois daquel primeiro Bioshock que sorprendeu a todo o mundo pola súa calidade tanto a nivel xogábel, gráfico, de ambientación, de innovación… seguiulle unha segunda entrega que nos volvía somerxer en Rapture, a cidade acuática na que se desenvolvían os feitos, mais desta volta encarnando a un dos xigantes que tiñamos que eliminar no primeiro título.

Ler o resto da entrada »

Assassin-s-Creed-4-Black-Flag-Gets-Brand-New-Screenshots

Así o dixo o director creativo de Assassin´s Creed IV: Black Flag, Jean Guesdon con relación á postura de Ubisoft a sacar un título desta saga cada ano:

Creo que xa demostramos que esta franquicia é relevante e que ten un longo camiño que percorrer. O noso traballo como desenvolvedores desta nova obra é a de sorprender aos xogadores e ofrecer ideas novas, frescas e, ao mesmo tempo, asegurarnos de que o que fai de Assassin’s Creed unha saga que sobresae seguirá intacto”.

Persoalmente non son moi fan desta saga, xa o deixei claro neste artigo de opinión, o que me leva a seguir dubidando moito nestes xogos, porque quizáis deberían pensar máis na xogabilidade e distribución de misións que en cambiar de localización en cada título, pero en fin, que saberei eu…

grid2
Codemasters publicou un novo tráiler do modo multixogador do GRID 2.

Neste vídeo de dous minutos de duración amósannos imaxes do xogo nas rúas de París e Chicago, así como o circuíto de Indianápolis. Tamén nos amosan algunhas das funcións “sociais”, de personalización dos coches e algún modo de xogo, como o Checkpoint, no que teremos que chegar a certos puntos do circuíto antes que remate o tempo.

Entre esas funcións sociais, podemos atopar retos entre xogadores de todo o mundo, retos semanais, taboas de clasificación de tempos e subir vídeos a Youtube, entre outras.

O lanzamento do videoxogo está previsto para o 31 de maio para PC, PlayStation 3 e Xbox 360, así como unha edición especial que incluirá dous DLC.

batman-arkham-origins
Segundo certos rumores que circulan pola rede, «Batman: Arkham Origins» podería incluír un modo multixogador no que o usuario tomaría o control dos membros das bandas dos malos para tratar de eliminar a Batman e Robin.

Debido ao silencio por parte de Warner Bros., aínda non está claro se os usuarios poderán ter o control de Batman e Robin ou se éstes serán controlados pola CPU.

«Batman: Arkham Origins» será a terceira entrega da saga e a súa historia será anterior aos acontecementos dos videoxogos anteriores Batman: Arkham Asylum e Batman: Arkham City. A data de lanzamento está prevista para o vindeiro 25 de outubro para PC, PlayStation 3, Xbox 360 e Wii U. Ademáis, tamén se anunciou o lanzamento dunha versión para 3DS e PS Vita titulado «Batman: Arkham Origins Blackgate», como xa vos informamos anteriormente.

dead-island-riptide
Con motivo do lanzamento o vindeiro venres do «Dead Island: Riptide». a compañía Deep Silver publicou un novo tráiler desta segunda entrega da saga.

Por outra banda, a compañía pedíu desculpas por calquera ofensa que a edición do videoxogo «Dead Island: Riptide Zombie Bait», que inclúe a figura dun torso feminino sen cabeza e sen brazos, como podedes ver na seguinte imaxe:
dead-island-riptide-zombie-bait-edition

judgment 2

Epic Games non quere deixar de exprimir a saga que revolucionou os shooters desta xeración e da man de People Can Fly chéganos a cuarta entrega de Gears of War, abandonando a Marcus para narrarnos unha historia anterior aos acontecementos da triloxía orixinal.
Isto é o que deberon pensar os seus creadores á hora de enlazar a historia:

Guionista 1: Que historia queremos narrar aos fans?

Guionista 2: Que vos parece se facemos unha precuela da historia orixinal e así temos camiño libre para contar calquera tontería baseándonos na xogabilidade, que ao fin e ao cabo é o que nos interesa vender?

E así é, porque sendo un fan da saga, seguidor dende a primeira entrega, non podo deixar pasar unha historia tan mala e tan mal contada na saga.

Ler o resto da entrada »

gears-of-war-judgement-call-to-arms
Microsoft anunciou o vindeiro lanzamento dun novo pack de mapas para o Gears of War: Judgement, chamado «Call to Arms», que incluirá 3 novos mapas, 6 skins para as túas armas e un novo modo de xogo: «Master at Arms», entre outras cousas, ademáis de novos logros por un valor de 250G.

Para os posuidores do pase de temporada, estará dispoñible a partir do vindeiro 23 de abril, mentres que os demáis usuarios poderán mercalo a partir do 30 de abril por 1.000 Microsoft Points (uns 12 Euros aproximadamente).

(Imaxes exclusivas de IGN, e amosan máis información do xogo que o propio tráiler)

Ao mellor o nome de Shinji Mikami non vos di nada, mais se vos digo que é o pai de títulos como Resident Evil ou Devil May Cry comezades a comprender a expectación que está provocando co seu novo proxecto.

Bethesda foi a que sacou á luz o anuncio do seu próximo videoxogo, The Evil Within, un título non apto para menores de idade e que promete sustos e medo por partes iguais.

Estas foron as palabras de Mikami:

No noso equipo estamos centrados en crear unha nova franquicia que proporcione aos fans o equilibrio perfecto entre terror e acción.

Tamén confirmou que The Evil Within sairá en 2014 para PC, Xbox 360,PS3 e consolas de próxima xeración.