assassins-creed-black-flag-front
Ubisoft acaba de publicar un novo vídeo de 7 minutos de duración do «Assassin’s Creed IV: Black Flag» con comentarios do director creativo do videoxogo, onde podemos ver en acción ao novo protagonista, Edward, aos mandos do seu barco pirata loitando contra outros barcos, atacando fortes e como funcionan as melloras do barco para conseguir facer máis dano aos inimigos.

O lanzamento deste videoxogo está previsto para o 31 de outubro para PC, PlayStation 3, Wii U e Xbox 360 e no momento do lanzamento das novas videoconsolas PlayStation 4 e Xbox One.

dualshock4
Recentemente un usuario preguntoulle ao presidente de Sony, Shuhei Yoshida, se a barra luminosa dos mandos DualShock 4 se podería apagar para aforrar batería. A resposta foi tan clara como breve: Non.

Unha das principais funcións desa barra luminosa é para detectar os movementos co sensor da cámara da PlayStation 4 e permitir aos desenvolvedores mellorar a experiencia de xogo.

destiny
Xa pasaron máis de tres semanas da súa presentación no E3 e agora Bungie publica o vídeo con máis calidade que os vistos ata agora, que eran gravacións en directo. No novo vídeo podemos apreciar con aínda maior detalle a calidade gráfica que terá o novo título dos creadores da saga Halo.

Na que os seus creadores denominan a “Bungie Week”, prometen amosar novidades deste xogo:

“Cada ano, no sétimo día do sétimo mes, tomámonos un momento para agradecer aos membros da nosa comunidade a súa pasión e entusiasmo polos nosos xogos. Publicaremos novidades de Destiny durante toda a semana e estades convidados á festa.”

Está previsto o seu lanzamento para PlayStation 3, PlayStation 4, Xbox 360 e Xbox One a comezos de 2014.

ps3superslim
Segundo o presidente de Sony en Xapón, Hiroshi Kawano, non hai plans para dar inmediatamente da PS3 á PS4 e que será un proceso gradual.

“Xa pasaron 7 anos dende o lanzamento da PS3 e a consola segue vendéndose a un ritmo constante. Ademáis temos moitos xogos en camiño. Non temos intención de dar un salto inmediato da PS3 á PS4.”

O servizo na nube de Sony permitirá aos usuarios xogar aos títulos da PS3 na PS4 comezará a funcionar en 2014 e, segundo Kawano, dará como resultado que “algunha xente cambiará da PS3 á PS4. Este cambio non será forzado, será un proceso gradual.”

the-crew-logo
O pasado E3, a compañía Ubisoft presentou este MMO de condución como o xogo máis grande endexamáis feito, cun mapa que era os propios Estados Unidos. Todos pensamos que sería a típica esaxeración por parte do creador, pero segundo os datos que van publicando, o xogo terá máis de 10.000 quilómetros de estradas, algo realmente impresionante. O que non queda de todo claro é se nesa cifra tamén inclúen os camiños de terra que puidemos ver no tráiler, pero mesmo así, chama a atención o impresionante tamaño que terá.

O videoxogo estará dividido en 5 rexións diferentes que se irán desbloqueando segundo se avance no xogo, así como novos coches e características. Outra característica que chama a atención é que non haberá límite de xogadores nunha sesión multixogador.

O seu lanzamento está previsto para 2014 en PC, PS4 e Xbox One.

the-division
Despois de chamar a atención na súa presentación no pasado E3, foron moitos os usuarios que comentaron na rede que botaban en falta unha versión para PC. De feito, creouse unha petición na plataforma change.org, que xa leva máis de 112.000 sinaturas.

Fai pouco nunha entrevista, un portavoz de Ubisoft comentaba:

“Temos previsto o lanzamento para o inverno de 2014 para PS4 e Xbox One, pero non estamos descartando outras plataformas, porque nós tamén lemos en Internet.”

“Penso en Ubisoft como unha compañía que considera como maximizar o potencial dun xogo, por iso, se o público está aí e o desexo está aí…”

Novos detalles de «The Order: 1886»

Por: Mércores, 26 de Xuño de 2013, 12:00 COMENTAR

the-order-1886
O pasado E3 presentouse este novo título que misturará o Londres da época victoriana con tecnoloxías modernas e seres mitolóxicos.

Nunha entrevista, Ru Weerasuriya, co-fundador de Ready at Down comentou que se trata dun xogo de acción e aventura en terceira persoa. Tamén o definíu como un xogo con historia lineal, o que chamamos “experiencia cinematográfica”.

Sobre a localización do xogo en Londres, comentou:

“Ten unha historia moi interesante, sobre todo a finais do século 19, durante a Revolución Industrial.”
“Hai, obviamente, algunhas cousas que imos poñer alí que non existen, e cambiamos algúnhas localizacións un pouco, pero… vai estarás a interactuar con persoas reais, eventos reais e lugares reais.”

Por outra banda, pouco comentou sobre o que os xogadores van atopar no xogo: “en cada momento, o xogo non é realmente o que poderías agardar. Non queremos facelo dun ton único, onde depende dunha soa cousa en detrimento do resto.”

Ready At Dawn é un estudo ben coñecido polas entregas do God of War: Chains of Olympus e Ghost of Sparta para PSP.

Aínda que despois de ver a seguinte táboa comparativa entre as próximas consolas de sobremesa podemos dicir que a calidade gráfica será moi similar entre elas:

comparacion ps4 xone

O vicepresidente de Sony, Guy Longworth, falou sobre a potencia da PS4 aclarando que terá maior fidelidade gráfica que a súa competidora Xbox One:

A realidade é que cada vez que hai un cambio de xeración, o terreo de xogo aumenta, e cremos, que en realidade temos unha superioridade en canto a fidelidade gráfica.

Cremos que temos o correcto para os xogos, cremos que é o correcto para a nosa plataforma e estamos encantados de contarllo á xente.

mirrors-edge-reboot

Un dos xogos estrela do E3 foi sen dúbida ningunha a segunda entrega de Mirrors Edge, un anuncio que agardaban a maior parte da comunidade gammer e que foi compensada co anuncio deste reboot cun pequeno vídeo que nos deixou con ganas de máis.

Para dar algo de luz a este proxecto, un dos directivos de EA Games, Patrick SÖderlund, soltou unhas declaracións dicindo que esta segunda entrega terá máis acción e corrixirá algúns aspectos negativos da primeira parte como a historia:

Mirror’s Edge séntese vello comparado co que hai aí fóra hoxe en día, en deseño e en todo. Aínda ten cousas frescas no seu aspecto e en como se sente, de feito, séguese vendo moi ben. Pero é un pouco da vella escola no seu deseño e nas súas mecánicas de repetición compulsiva, así que temos que cambiar ese formato. Creo que a historia é outro elemento que podería ter sido moito mellor. Non cumprimos as expectativas dese fantástico mundo que creamos e a historia é unha parte importante nun mundo así.

Recordemos que a primeira entrega de Mirror´s Edge saíu alá polo 2008 e causou furor nos xogadores pola súa proposta arriscada. Agardemos que non cambien demasiado o concepto do título.

sony-e3
Tal e como confirmou Jim Ryan, CEO de Sony Computer Entertainment Europa, nunha entrevista durante o pasado E3 en Los Ángeles, a compañía xaponesa amosará novos títulos durante a celebración da feira xermana Gamescom o vindeiro agosto.

Somos moi conscientes que no evento de febreiro en New York amosamos moito software, sobre todo propio. O que amosamos no E3 foi realmente actualizacións deses xogos e presentamos The Order 1886.”

“Tamén hai moitos outros videoxogos en camiño. Estou seguro que escoitáchedes as declaracións de Shuhei (Yoshida, presidente de Sony Worldwide Studios) que, soamente nos seus estudios, están a traballar en 30 novos videoxogos. 20 deles sairán ao mercado no primeiro ano da PlayStation 4 e 12 son novas franquías, así que temos moitas cousas previstas. Temos a Gamescom para nós os europeos e temos que ter algo que amosar na Gamescom.”

A edición da Gamescom deste ano celebrarase entre os días 21 e 25 de agosto en Colonia, Alemaña. Tamén confirmaron a súa asistencia Microsoft e Nintendo, despois da súa ausencia na edición anterior. Outros estudos que tamén asistirán son Bethesda, Deep Silver, Electronic Arts, Konami, Ubisoft e Warner Bros.

gt6-aniversario
Sony Computer Entertainment anunciou que a nova entrega da súa saga de simulación de condución, o Gran Turismo 6 contará cunha edición especial polo 15 aniversario da saída da primeira entrega da saga.

Esta edición especial incluirá os seguintes extras:

  • Caixa metálica do 15 aniversario deseñada por Polyphony
  • Gran Turismo 6
  • 1 Millón de créditos dentro do xogo
  • 20 coches especiais con pezas e rendemento especiais
  • Pinturas, traxes, cascos de carreiras e avatares especiais
  • Apex II, unha nova versión actualizada da guía de xogo Apex

A lista deses 20 coches exclusivos:

  • Alpine A110 1600S (1968)
  • Lotus Europa (type54) (1968)
  • Lexus IS F Racing Concept (2008)
  • KTM X-BOW R (2008)
  • TRD 86 Racing (2008)
  • Volkswagen Scirocco GT24 Race Car (2008)
  • Aston Martin V12 Vantage (2010)
  • Alfa Romeo TZ3 Stradale (2011)
  • BMW Z4 GT3 (2011)
  • Honda weider HSV-010 (SUPER GT) (2011)
  • Lamborghini Aventador LP 700-4 (2011)
  • Mercedes-Benz SLS AMG GT3 (2011)
  • Renault Sport Megane Trophy V6 Race Car (2011)
  • Audi R8 LMS ultra (Audi Sport Team Phoenix) #3 (2012)
  • Ford Focus ST (2013)
  • Ford Mustang Shelby GT500 (2013)
  • Nissan GT-R NISMO GT3 N24 Schulze Motorsport (2013)
  • SRT Viper GTS (2013)
  • Tesla Motors Model S Signature Performance (2013)
  • Chevrolet Corvette Stingray (C7) (2014)

O Gran Turismo 6 incluirá uns 1.200 coches e 33 localizacións. Está previsto o seu lanzamento en novembro para PlayStation 3. Polo de agora, nada se sabe se haberá versión para PlayStation 4

Novos detalles sobre Playstation Plus de PS4

Por: Martes, 18 de Xuño de 2013, 16:35 COMENTAR

PlayStation-Plus

Non todo foron boas noticias no evento que levou a cabo Sony coa súa nova consola, e sen dúbida, un dos detalles que menos gustou á comunidade de xogadores foi que para xogar online a calquera videoxogo nesta consola houbese que pagar.

Mais para matizar algún detalle deste servizo de pago, un dos directivos de Sony, Fergal Gara, fixo unhas declaracións na que aclara que as actualizacións e contidos multimedia estarán dispostos para calquea usuario, sen necesidade de pago.

Se decides non suscribirte aínda, tes moitas cousas por facer. Acceder á TV Online e ao servizo de filmes, as características sociais de PS4 e aos xogos da consola sen suscripción, actualizacións automáticas… así que estamos tratando de ser o máis equilibrados e xustos como nos sexa posíbel.

Pero a pesar disto, tampouco negaron que os subscriptores de Playstation Plus terán maiores vantaxes, incluíndo a versión de Drive Club que recibirán coa súa saída, iso si, con algunha limitación.