Os moitos fans do Minecraft seguen a aproveitar as potencialidades creativas da obra de Mojang para recrear outros moi diversos xogos ou mundos, tanto reais coma fantásticos, tocándolle neste caso, aos primeiros minutos da última obra de Naughty Dog exclusiva para PS3: The Last of Us, analizada recentemente en Memoria Pixelada.

 

TheLastofUsPoster
Moitos xogadores déronse conta que os números de teléfono que aparecen en certos carteis dun “Control de pragas” existen na vida real e corresponden a liñas de contido sexual.

Segundo o diretor creativo, Neil Druckmann:

“Foi un erro artístico. O que ocorreu foi que puxeron varios números no xogo e pensaron despois en simplemente cambiar o código da área a 555, como fan nas películas, pero penso que iso non serve se tes un 1-800 diante. Xa estamos a traballar para eliminalos.” (1-800 é o prefixo de liñas de tarificación especial nos Estados Unidos, equivalente en España a un 806, por exemplo).

last-of-us-hotline

Captura dun dos carteis cos números de teléfono.

Recentemente, tamén houbo certa polémica porque, segundo parece, os creadores do xogo empregaron un deseño gráfico do mapa de tránsito do metro de Boston sen o permiso do seu creador, Cameron Booth, que nun principio amosou o seu enfado nas redes sociais, pero despois de que os creadores do xogo se puxeran en contacto con el, parece que as cousas están máis calmadas.

ps3superslim
Segundo o presidente de Sony en Xapón, Hiroshi Kawano, non hai plans para dar inmediatamente da PS3 á PS4 e que será un proceso gradual.

“Xa pasaron 7 anos dende o lanzamento da PS3 e a consola segue vendéndose a un ritmo constante. Ademáis temos moitos xogos en camiño. Non temos intención de dar un salto inmediato da PS3 á PS4.”

O servizo na nube de Sony permitirá aos usuarios xogar aos títulos da PS3 na PS4 comezará a funcionar en 2014 e, segundo Kawano, dará como resultado que “algunha xente cambiará da PS3 á PS4. Este cambio non será forzado, será un proceso gradual.”

ps3
Despois dos problemas xerados a pasada semana pola versión 4.45 e que provocaron a súa retirada da PlayStation Network, Sony ven de publicar a nova versión do firmware 4.46, coa que promete arranxar os erros da versión anterior. O principal problema que atoparon moitos usuarios era que desaparecía o menú XMB (XrossMediaBar).

Unha das principais novidades que incluía a versión “problemática” era a posibilidade de desactivar a notificación dos trofeos así como unha mellora xeral do rendemento.

Os usuarios afectados terán que descargar o novo firmware nun ordenador, copialo a unha memoria USB (nas videoconsolas que o soporten, tamén valerá unha tarxeta de memoria SD, Memory Stick™ ou CompactFlash®.), iniciar a consola en “modo seguro” e actualizar manualmente. Tedes o manual paso a paso nesta páxina.

Para os que non se vos da moi ben o inglés, aquí tedes unha tradución ao galego do proceso a seguir:

PASO 1: Descargar a actualización

Precisarás dunha memoria USB con polo menos 168 MB de espazo libre. Se a túa videoconsola é un dos modelos das series CECHA00 / CECHB00, tamén podes empregar un Memory Stick™, tarxeta de memoria SD ou unha CompactFlash®.

  1. Crea un cartafol chamado “PS3” no dispositivo de almacenamento.
  2. Dentro dese cartafol “PS3”, crea outro chamado “UPDATE”.
  3. Empregando un ordenador, descarga o arquivo da actualización 4.46.
  4. Garda o arquivo no cartafol “UPDATE” do dispositivo de almacenamento.
  5. NOTA: Se o arquivo non se garda correctamente, a túa PS3 non recoñecerá a actualización. O cartafol debe estar en MAIÚSCULAS.

PASO 2: Iniciar en Modo Seguro

  1. Coa PS3 apagada (o LED debe estar en vermello), mantén pulsado o botón para prender a consola. Escoitarás un “beep” indicando que a consola está iniciándose.
  2. Mantén pulsado o botón e despois dun 5 segundos escoitarás un segundo “beep”.
  3. Segue mantendo pulsado o botón e despois doutros 5 segundos escoitarás un terceiro “beep” e a consola apagarase (o LED volverá a ser vermello).
  4. Solta o botón de acendido.
  5. Volve premer o botón e mantén pulsado. Escoitarás de novo un primeiro “beep” cando a consola se inicie.
  6. Mantén pulsado e despois duns 5 segundos escoitarás de novo o segundo “beep” para reiniciar o vídeo.
  7. Mantén pulsado e despois doutros 5 segundos escoitarás dous “beeps” seguidos. Neste punto, solta o botón de acendido.
  8. Se activaches correctamente o Modo Seguro, verás na pantalla unha mensaxe similar a ésta: “Conecta un mando utilizando un cable USB e preme o botón PS”.
  9. Conecta un mando á PS3 cun cable USB.
  10. NOTA: Se non puideches activar o Modo Seguro correctamente, pode que a túa videoconsola precise de reparación. Por favor, contacta co servicio técnico.

PASO 3: Actualización manual do Firmware da PS3

  1. Conecta o dispositivo de almacenamento á PS3.
  2. Escolle “[6 – System Update]” e preme o botón “X”.
  3. NOTA: Ten en conta que se escolles calquera das opcións anteriores, poderánse eliminar os datos e configuracion da consola. Asegúrate de escoller só a “opción 6”.

  4. Preme “Start e “Select” ao mesmo tempo.
  5. A PS3 reiniciarase e recoñecerá o arquivo de actualización no dispositivo de almacenamento.
  6. Preme “Dereita” no D-Pad para moverte pola descrición da actualización e o acordo de usuario.
  7. Preme “X” para confirmar a actualización.
  8. A videoconsola instalará a nova actualización e reiniciarase cando remate o proceso.
  9. Se non eres capaz de instalar o firmware ou tiveches algún problema durante a instalación, proba a seguir os pasos de novo. Se aínda así segues tendo problemas, ponte en contacto co servizo técnico de Sony.

nissan-gt-academy
Sony anunciou que o vindeiro martes 2 de xullo estará dispoñible para descargar a versión de proba do Gran Turismo 6 a través da PlayStation Store para PS3.

O trazado británico de Silverstone, que debuta na saga Gran Turismo, é o elixido para esta versión de proba. En canto aos coches, poderemos escoller entre varios modelos da marca xaponesa Nissan, como o Lead, o 370Z ou o GT-R.

Coa chegada da demo, tamén dará comezo a GT Academy 2013, coa que os xogadores compiten por chegar a conducir un coche real no equipo de carreiras de Nissan, como xa fixeron anteriormente Lucas Ordoñez e Jann Mardenborough, que nas pasadas 24 horas de LeMans acadaron a 4ª posición dentro da categoría na que competían, LMP2.

O lanzamento da versión completa está prevista para novembro de 2013. Máis información desta demo no blogue oficial.

gt6-aniversario
Sony Computer Entertainment anunciou que a nova entrega da súa saga de simulación de condución, o Gran Turismo 6 contará cunha edición especial polo 15 aniversario da saída da primeira entrega da saga.

Esta edición especial incluirá os seguintes extras:

  • Caixa metálica do 15 aniversario deseñada por Polyphony
  • Gran Turismo 6
  • 1 Millón de créditos dentro do xogo
  • 20 coches especiais con pezas e rendemento especiais
  • Pinturas, traxes, cascos de carreiras e avatares especiais
  • Apex II, unha nova versión actualizada da guía de xogo Apex

A lista deses 20 coches exclusivos:

  • Alpine A110 1600S (1968)
  • Lotus Europa (type54) (1968)
  • Lexus IS F Racing Concept (2008)
  • KTM X-BOW R (2008)
  • TRD 86 Racing (2008)
  • Volkswagen Scirocco GT24 Race Car (2008)
  • Aston Martin V12 Vantage (2010)
  • Alfa Romeo TZ3 Stradale (2011)
  • BMW Z4 GT3 (2011)
  • Honda weider HSV-010 (SUPER GT) (2011)
  • Lamborghini Aventador LP 700-4 (2011)
  • Mercedes-Benz SLS AMG GT3 (2011)
  • Renault Sport Megane Trophy V6 Race Car (2011)
  • Audi R8 LMS ultra (Audi Sport Team Phoenix) #3 (2012)
  • Ford Focus ST (2013)
  • Ford Mustang Shelby GT500 (2013)
  • Nissan GT-R NISMO GT3 N24 Schulze Motorsport (2013)
  • SRT Viper GTS (2013)
  • Tesla Motors Model S Signature Performance (2013)
  • Chevrolet Corvette Stingray (C7) (2014)

O Gran Turismo 6 incluirá uns 1.200 coches e 33 localizacións. Está previsto o seu lanzamento en novembro para PlayStation 3. Polo de agora, nada se sabe se haberá versión para PlayStation 4

borderlands-2-tiny-tina-assault-on-dragon-keep
Gearbox Software ven de publicar un vídeo de 5 minutos de duración coas escenas iniciais do próximo DLC para o Borderlands 2: Tiny Tina’s Assault on Dragon Keep.

Este DLC adentrará ao xogador nun xogo creado pola fantasía de Tiny Tina chamado “Bunkers and Badasses”.

Será o derradeiro DLC para o modo campaña que forme parte do pase de tempada do Borderlands 2, xunto cos anteriores “Captain Scarlett and Her Pirate’s Booty”, “Mr. Torgue’s Campaign of Carnage” e “Hammerlock’s Big Game Hunt”.

Gearbox confirmou que “Tiny Tina’s Assault on Dragon Keep” estará dispoñible o vindeiro 25 de xuño por 800 Microsoft points ou 9,99 en PS3 e Steam.

batman-arkham-origins

Como saberedes, a próxima aventura do cabaleiro escuro está en camiño, mais despois da calidade e do éxito das dúas entregas anteriores os fans non están moi convencidos deste Origins, por que? pois porque Rocksteady xa non estará detrás do xogo, e son Warner Bros Game Montreal os encargados de que Batman volva por todo o alto.

Polo de momento o que vemos nos vídeos non desgusta, mais esa incerteza segue patente nos xogadores, polo que Eric Holmes, directivo do propio estudo tivo que saír a facer unhas declaracións ao respecto:

A xente ten todo o dereito a ser cínica, pero que veñan e proben o xogo nun dos eventos a onde o levamos. Penso que tan pronto como teñan o mando na man verán que é un xogo auténtico e que emprega as mesmas mecánicas que os xogos previos da saga Arkham.

Pero despois disto continuou falando até chegar ao punto que queremos, asegurando que o título terá unha historia que enganchará e gustará a todos, sobre todo aos que sen fans do superheroe:

Ademais creo que sobre todo temos unha gran historia. Non podo contar moito sobre ela, pero o que si podo asegurar é que estou moi emocionado con ela. É unha historia moi importante no mundo de Batman e os fans, estou seguro, van desfrutar dela moito máis que calquera outra persoa.

Agora só toca agardar ao 25 de outubro a que chegue ás tendas para confirmar que isto sexa certo, e para que vaiades abrindo o apetito, déxovos o tráiler do xogo:

Red Dead Redemption, un xogo de cine

Por: Mércores, 19 de Xuño de 2013, 11:00 2 COMENTARIOS
red-dead-redemption

John Marston, o protagonista da historia, moi ao seu pesar

O cine e os videoxogos son dous xéneros que historicamente viaxaron xuntos compartindo título, alimentándose mutuamente cando o destino común foi bo e parasitándose cando un dos dous productos non chega ao nivel de calidade esixido ou agardado. Exemplos desto último temos nos dous sentidos: desde o fracaso da adaptación a primeiros dos 80 para Atari 2600 de “E.T. o Extraterrestre”, famosa por ser a presunta protagonista do curioso episodio de soterramento de xogos no deserto de Nuevo México, ata no sentido inverso, as pouco afortunadas versións cinematográficas de xogos de éxito, coma Doom ou Street Figther.

red-dead-redemption-screensaver-10

A xente non esquece, nada queda impune

Mais é un título da actual xeración, o que lle da unha volta máis ao exposto nesta introducción, o Red Dead Redemption, analizado no seu día nesta nosa páxina. O guión da obrigada redención do protagonista Jonh Marston ben podía provir dun filme clásico do western, xa de por si o xénero máis cinematográfico. Porén, neste caso, é o propio xogo de Rockstar Games, máis ben a súa historia, ambientación e fascinante factura en multitude de aspectos, o que se adentra no mundo da sétima arte, e faino dun xeito, ou duns xeitos, moi orixinais. Na propia promoción do xogo, a canle estadounidense Fox estreou en exclusiva unha curtometraxe de trinta minutos dirixida por John Hillcoat (The Road, 2009), e producida pola propia Rockstar Games, na cal, montando imaxes do propio xogo, o director plasmaba a súa visión persoal sobre un dos episodios que acontecen durante o desenvolvemento da historia:

 

Xa a nivel usuario, outros xogadores montaron videos coas imaxes do xogo, pero onde realmente se ve o valor cinematográfico da historia, é nos videos de productoras independentes coma Silk Dog Films, onde son actores reais aos que vemos beber, cazar, disparar, roubar ou simplemente tratar de sobrevivir nos inhóspitos paraxes de New Austin, Nuevo Paraiso e West Elizabeth:

 

Mesmo hai quen se atreve a ir un paso máis aló e realiza unha atrevida mistura de xogos que en principio non terían nada que ver, coma a que vemos nesta curta:

 

E se fora pouco o carácter cinéfilo do Red Dead Redemption, a última escena da anterior curta enlazanos directamente, con outra das maravillas desta historia: o Red Dead Redemption Undead Nightmare, unha praga zombi, das de sempre, seguindo a estela iniciada polo modo zombi do Call of Duty World at War, pero desta vez na fronteira norteamericana de primeiros de século XX:

 

Como complemento desta simbiose entre xogos e cine nesta xeración, apunto outras dúas senlleiras interaccións: o Alan Wake e Bright Falls (a súa serie precuela con actores reais coma ferramenta de promoción e introducción no argumento), e a enorme coincidencia de argumentos e ambientación entre o xogo L.A. Noire e a película Gangster Squad (Brigada de Élite).

TheLastofUsPoster

Hai xogos que non podo desfrutar axeitadamente con prexuízos, que son incapaces de vencelos e confirman cada un deles. Mais hai outros, (xogos moi especiais), que teñen o potencial para sobrepoñerse ao escepticismo, de sacudilo até que se renda.

Ese é o caso de The Last of Us.
Ler o resto da entrada »

darksiders_by_shalizeh-d3llwsl

Nordic Games, o estudio que adquiriu recentemente os dereitos de desenvolvemento da licencia tras a bancarrota de THQ, asegura que os próximos títulos da franquicia seguirán mantendo o espírito que sempre caracterizou a saga.

De feito, as seguintes declaracións de Reinhard Pollice no medio Joystic parecen confirmalo:

Hai que saber seleccionar coidadosamente as series que se están a preparar para unha nova secuela ou entrega. Nos queremos dar ós fans aquilo que coñecen do pasado da franquicia e lles gusta, levándoo a un nivel superior. O que ti como xogador esperarías dunha secuela.

No referente a Darksiders:

Falamos dunha serie realmente grande. Sabemos que precisamos un socio para ela. Falamos con vellos membros do equipo [de desenvolvemento] e, se están libres, queremos que se involucren de algunha maneira na nova entrega. Se lles permite porque, como sabedes, algúns deles encontraron outros traballos ou están en Crytek por agora. Non esperaría un Darksiders 3 antes de dous anos.

 

mgs5
Segundo as declaracións de Hideo Kojima nunha entrevista durante a celebración do E3 2013 fai uns días, en Metal Gear Solid 5: The Phantom Pain os usuarios poderán crear as súas propias misións de xogo, grazas sobre todo, á maior libertade de acción e movemento que o xogador terá dentro do mundo do xogo.

O primeiro motivo polo que quixen facer un mundo aberto é porque quería crear un mundo con maior libertade e que permitise aos usuarios crear o seu propio xogo.

O outro motivo é que queriamos empregar múltiples dispositivos para este xogo. Así que empregando tablets e smartphones tamén podes desfrutar MGS5 e crear misións propias dentro do mundo. Ese é outro motivo polo que tiñamos que facer un mundo aberto – se fose lineal, non poderiamos facer iso.

Na entrevista, non entrou en moitos detalles sobre á que se refería exactamente coas “misións creadas polos usuarios”, pero a posibilidade de poder crealas nun mundo de Metal Gear Solid é enorme.

Por outra banda, Kojima anunciou que Metal Gear Solid terá unha gran sorpresa nas tendas para os fans de MGS, deixando entrever unha innovadora característica nunca antes vista.

Esta nova entrega da saga Metal Gear Solid, aínda sen data de lanzamento confirmada (previsto para este 2013, iso si), estará dispoñible para PlayStation 3, PlayStation 4, Xbox 360 e Xbox One.

No trailer de MGS 5 que puidemos ver durante a conferencia de Microsoft no E3 puidemos ver, ademáis do mundo aberto, efectos meteorolóxicos en tempo real, varios tipos de transportes, paso do tempo realista, entre outras cousas. Por se aínda non o víchedes: