Durante o día de hoxe e por tempo limitado, Microsoft agasalla a todos os usuarios Gold de Xbox Live coa descarga gratuita do videoxogo Fable III.

Despois de que anunciaran que esta cuarta entrega tamén chegará á Xbox One, confírmase a data de lanzamento de Battlefield 4, o 31 de outubro.

Para Xbox 360,PS3,PC,PS4 e Xbox One.

Fake ou realidade? Será o cartel que empreguen para presentar o xogo ou non? Saberémolo no próximo E3.

Por fin temos o primeiro teaser tráiler do seguinte título de Batman: Arkham. Como todos os teasers non vemos máis que unha CG na que observamos loitar a Batman. O xogo sairá o 25 de outubro.

Microsoft anunciou cun par de fotos cal será o lugar onde presentarán á sucesora da Xbox 360. Moi espectacular non é, esperemos que o evento si.

A famosa compañía Bethesda Softworks acaba de desvelar o seu gran segredo,traballan na próxima entrega de Wolfenstein e virá baixo o sobrenome de “The New Order”.

Este título estará dispoñíbel para PC e consolas de actual e próxima xeración.

O xogo de notable participación galega para dispositivos móbiles “Push Cars 2: On Europe Streets”, e do que xa falaramos en Memoria Pixelada, poderase descargar de balde por tempo limitado. Agora xa non hai excusa para recorrer as rúas de Compostela evitando que os vehículos ecolóxicos se estraguen contra os máis contaminantes

Enlace para descarga en dispositivos iOS: http://bit.ly/10wc8Fl

Enlace para descarga en dispositivos android: http://bit.ly/Z6K6Uu

Así é, despois de vender millóns e millóns de copias dende a primeira versión aló polo 2009, Minecraft chegará en formato físico o 28 de xuño exclusivamente para a Xbox 360.

Segundo a ficha nas páxinas de varios vendedores a través de Internet, todo parece indicar que a nova entrega do simulador de conducción, «Gran Turismo 6», sairía o vindeiro 28 de novembro para a PlayStation 3, e non para a consola da seguinte xeración, a PlayStation 4, prevista para o Nadal.

A pouco coñecida compañía Nordic Games, creadora de xogos como Singstar ou Gothic 4 mercou até 150 marcas nas subastas que se fixeron días atrás.

Das cales destacan dous títulos, Darksiders e Red Faction. Agora agarda esperar para ver as súas estratexias.

A ESRB norteaméricana acaba de listar, aparentemente, Sly Collection para a PS Vita, igual que fixeron coa triloxía de Jak & Daxter.

O xogo incluiría os tres títulos saídos na PS2 remasterizados como xa o fixo na PS3.

Os polémicos Quantic Dream traballan en Beyond: Two Souls, que despois da boa crítica de Heavy Rain seguro que ten a máis de un impaciente.