Despois do recente lanzamento do exitoso (e nun principio tamén problemático, como era de agardar) GTA Online, a compañía Microsoft non quere desaproveitar esta oportunidade e ofrecerá a todos os usuarios Silver a posibilidade de probar as vantaxes da subscrición Gold do seu servizo Xbox Live durante esta vindeira fin de semana.

A partires de hoxe ás 13:00 xa está dispoñíbel a versión online de GTA que tanto está dando que falar. Cunha pequena actualización e premendo o cuarto recadro libre de selección de personaxe xa podemos acceder a este modo.

Rockstar pide que informemos de calquera erro surxido nas primeiras semanas.

Onte morreu, con 85 anos, o home que converteu Nintendo no que é hoxe en día.

Hiroshi Yamauchi foi o presidente da compañía durante máis de 50 anos, e foi el quen tivo a idea de introducir a vella empresa de xogos de cartas no mundo do entretemento electrónico.

Segundo os datos de Scotsman, a quinta entrega de GTA convértese na máis cara cun presuposto de 265 millóns de dólares.

Esta cifra deixa a GTA IV moi afastado, que non chegou aos 100 millóns de dólares.

O xefe de márketing de Xbox, Yusef Mehdi comentou nunha conferencia que a producción da nova videoconsola está a pleno rendemento para conseguir cumprir as datas de lanzamento. Tamén anunciou un aumento na velocidade do procesador, pasando dos 1,6 GHz orixinais, ata os 1,75 GHz.

Un dos responsábeis de Sucker Punch amosouse confuso e nervioso cando lle preguntaron se a saga podería chegar á portábel de Sony:

Agora mesmo só vamos falar sobre o xogo de PS4. Encantaríame contarvos algo sobre calquera xogo de Vita cando…

…ou se algunha vez acaba sucedendo.

Os xestos de confusión e de como se lle escapara algo que non debía dicir están aí, mais de isto a ser unha realidade hai un treito. Agardemos máis novas.

Segundo anunciou a compañía Deep Silver (@deepsilver), o seu máis recente xogo, Saints Row 4, superou o millón de copias vendidas na súa primeira semana no mercado.

A versión para PC triplicou as vendas da primeira semana da entrega anterior: Saints Row: The Third

Microsoft anunciou que os empregados de Microsoft recibirán unha edición especial de Xbox One. Será branca, cun ano de Xbox Live Gold gratis e todos os xogos first-party.

A consola máis vendida no Xapón continua sendo a 3DS de Nintendo, superando esta semana os 12 millóns de unidades vendidas dende o seu lanzamento. Estes son os datos do reso de consolas:

3DS:(total de ano: 2.268.364;dende lanzamento 12.048.244).
PlayStation Vita:(646.303; 1.777.128)
PlayStation 3:(544.964; 9.405.048)
Wii U:(409.092; 1.036.379)
PSP:(333.055; 19.962.066)
Wii:(53.121; 12.691.957)
Xbox 360:(17.285; 1.631.119)

Ubisoft acaba de lanzar un vídeo onde podemos ver o cooperativo do seu próximo Splinter Cell.

Wii U tamén contará con cooperativo, mais só online, quédanse sen multixogador a nivel local.

Así o confirma Naughty Dog despois de que os rumores chegasen á rede. A compañía aclarou que se rebaixou a violencia no multixogador, polo que non existen as amputacións nos personaxes, así como unha diminuación do sangue.

Segundo informou a compañía Runic Games, o seu RPG «Torchlight 2» acadou os 2 millóns de copias vendidas en 10 meses, dende que saíra ao mercado o pasado mes de setembro.