watch-dogs
A división de filmes de Ubisoft anunciou que está a traballar para levar á pantalla grande tres das súas maiores franquías: «Watch Dogs», «Far Cry» e «Rabbids», que se engaden a outras tres xa anunciadas: Assassin’s Creed (con Michael Fassbender como Desmond Miles), Splinter Cell (con Tom Hardy como Sam Fisher) e Ghost Recon (coa direción de Michael Bay).(Estes actores aínda non foron confirmados oficialmente, pero son os que máis soan, segundo os rumores da industria).

Segundo Jean-Julien Baronnet, CEO de Ubisoft Motion Pictures, a compañía tratará estes filmes como títulos independentes con novas historias, non como adaptacións dos videoxogos. Tamén comentou:

“Non todos os videoxogos farán un bo filme e para outros pode que sexa moi pronto para facer un filme.”

A relación da industria dos videoxogos coa do cinema non é nova, pois xa existen numerosos títulos que contan con adaptación cinematográfica, con diferentes niveis de calidade e éxito, como é o caso de «Resident Evil» , «Super Mario Bros.» ou «Tomb Raider» , por exemplo.

Noutras declaracións recentes, Yves Guillemot confirmou que están a traballar en tres novas entregas da saga Assassin’s Creed. Tamén comentou que polo de agora a compañía non se plantexa crear exclusivas para a Wii U, polo menos, mentres Nintendo non mellore as cifras de vendas da súa nova videoconsola.

Ratchet & Clank terá película no 2015

Por: Martes, 23 de Abril de 2013, 16:46 COMENTAR

A sorpresa do día vén da man de Insomniac Games a cal acaba de anunciar de forma oficial que no 2015 teremos un filme sobre Ratchet e Clank, unha das grandes parellas da anterior xeración (con permiso de Jak e Daxter).

O primeiro que se agradece é que será unha longametraxe completamente de animación (sabemos que os filmes sobre videoxogos con persoaxes reais non traen cousa boa) e que o seu guionista será T.J Fixman, encargado de escribir os últimos xogos da parella.

Creo que son dous factores que ofrecen algo de luz ao final deste proxecto e que nos fan sentir optimistas. De todos os xeitos teremos que esperar até 2015 para saber en que remata o filme de Ratchet & Clank.

A continuación o teaser tráiler da película.

Facía tempo que en Memoria Pixelada non falabamos nada destas adaptacións filmográficas tan “espectaculares” que interrompen a tranquilidade dos gamers a nivel mundial, mais esta mañá chegan, grazas a Hollywood Reporter (unha revista especializada no mundo do cine), o nome das persoas que farán realidade a versión cinematográfica de Shadow of the Colossuss.

Entre os guionistas atópase o director de Chronicle, Josh Trank e o co-guionista de Hanna, Seth Lochhead, mentres que producindo a cinta atópase Kevin Misher (Enemigos Públicos), supervisado por Andy Berman e Kevin Chang.

Eu non sei que pensar, e máis sabendo que o proxecto leva en pé (que non activo) uns catro anos. Incluso se rumoreaba que Justin Marks (guionista de Street Fighter) creara un primeiro borrador.

nos colla confesados ou polo menos con roupa interior limpa.

O filme de Gears of War volve a resucitar

Por: Mércores, 10 de Outubro de 2012, 12:29 COMENTAR

Por se non o recordades a adaptación cinematográfica da triloxía Gears of War debía comezar a súa rodaxe no 2010, pero moi mal deberon ir as cousas para que o proxecto se estancase de maneira indefinida.

Todos os fans respiramos tranquilos cando soubemos que a cinta estaba practicamente cancelada pero para horror dos nosos ollos esta nova adaptación volve ameazar no horizonte.

A productora que se encarga do proxecto New Line volveu a poñer en marcha o filme de Gears of War.

principio a cinta estaba ligada ao director Len Wiseman (Underworld, Die Hard 4 ou a última de Desafío Total) aínda que neste novo rumbo que toma o proxecto cabe a posibilidade que estes rumores se modifiquen por completo.

Xa facía tempo que non falabamos de filmes sobre videoxogos en Memoria Pixelada e hoxe será o momento para retomar este tema despois de saber a última nova sobre a adaptación de God of War ao cinema.

O primeiro que chama a atención é que a cuarta entrega de God of War remate sendo unha cinta cinematográfica (xa que Ascension será unha precuela) pero como xa é habitual nas pre-producións deste tipo de cintas están facendo unha remodelación do guión.

Quén son os encargados de esta remodelación?, pois Patrick Melton e Marcus Dunstan encargados de gran parte dos filmes de Saw. Persoalmente só a primeira entrega de Saw ten un argumento decentiño, así que nunha primeira instancia non me gusta en que pode rematar este guión.

Como sempre, non me fío en absoluto deste tipo de proxectos. Tempo ao tempo.

Sen dúbida hai Oscars menos merecidos que para esta curtametraxe. Decerto que Portal: No Escape é o exemplo perfecto que debe seguir calquera director para transportar esta saga ao cinema.

De maneira que acomodádevos, porque durante sete minutos estaredes a observar o mundo de Portal na realidade, na cal a nosa protagonista pretende fugir dos seus capturadores.

Abraiante curtametraxe, abraiante.

Que alegría levamos todos aqueles fans dos videoxogos (en especial os amantes do Uncharted) ao sabermos que o filme de Uncharted quedara sen director, verdade? Pois esquecédeo porque parece que pretenden sacar a versión cinematográfica do videoxogo sexa como for. Acáballe de saír un novo director, concretamente Neil Burguer, que a propósito, (Oh, meu Deus! Oh my God!) xogou ao mencionado videoxogo.

E nós, esperanzados e ilusos xogadores, despois de escoitar as palabras deste director en que dicía que o propio xogo ten momentos moi bos para plasmar no cinema e que por iso pretende realizar o proxecto desde cero (á papeleira toda a trapallada feita anteriormente); e vendo que na súa carreira dirixiu filmes da altura de The Illusionist (‘O ilusionista’), podemos crer que estaremos ante un filme á altura do videoxogo?

Eu non vou pór a man no lume, de feito non vou pór nin un dedo enriba dun misto.

Xa hai bastante tempo que vos mostraba a mediametraxe de Assassin´s Creed 2: Linage. Pois ben, agora Ubisoft anunciou que sacará este filme en DVD e Blu-Ray no 15 de novembro.

Alén do filme tamén traerá uns cantos extras como Making of, un filme de animación chamado Assassin’s Creed: Ascendance, diarios de produción e tráilers.

Podedes botar unha ollada á mediametraxe, que está bastante ben feita. E se vos seduce, pois xa sabedes cando a podedes conseguir en boa calidade.

Dun tempo para acá vénse falando da adaptación da xenial saga Mass Effect á grande pantalla. E volvín sentir o mesmo que cando sacan estas adaptacións, entre curiosidade e mágoa.

Se ben somos todos moi conscientes de que ben poucos filmes baseados en videoxogos superan o aprobado, neste caso quero dar unha mínima oportunidade a este filme. Por que? Pois porque estará baseado no primeiro videoxogo, título onde recae a inmensidade do argumento, polo que neste caso non poden dicir que non teñen un argumento decente para realizar este proxecto. Se o estragan é culpa dos que están a desenvolver este proxecto, como sempre. E diría máis, mesmo hai diálogos que os poden exportar directamente do propio videoxogo, porque se recordades había diálogos verdadeiramente bos.

Pois esta noticia nace cando nos informan que o propio filme estará presente na Comic Com (do 21 ao 24 de xullo), na cal estarán o encargado do guión Mark Protosevich e o responsábel de Bioware Casey Hudson.

Como terminará este filme? Estará á altura da saga intergaláctica? Terá o suficiente éxito como para se atreveren coas seguintes entregas?

A estas alturas non tento enganar a ninguén, este vídeo é falso. Trátase dun engano de primeiro de abril feito por IGN, para brincar cos fans do Zelda. E vaia se o conseguiron! Podes ver a nova ficticia na web de IGN, os autores da brincadeira: http://uk.movies.ign.com/articles/863/863492p1.html

A rodaxe do segundo filme de Silent Hill xa está activo, e para demostrarnos que non pretenden converterse nun proxecto secundario amosáronnos as primeiras imaxes que pintan realmente ben.

Como podemos observar,estará ambientada na tereceira parte do videoxogo, e non sei a vós, pero a min estas fotografías “acollóanme” bastante.

Se son honesto, a primeira película de Silent Hill tampouco me pareceu tan mala como pintan por aí (temos que ter en conta que falamos dun filme baseado nun videoxogo), e esta segunda entrega pretende superala en canto a medo psicolóxico.

Non sei vós que opinades, pero a min pícame o verme da curiosidade con este Silent Hill.

Ler o resto da entrada »

O famoseo do tráiler de Dead Island

Por: Martes, 22 de Febreiro de 2011, 14:57 COMENTAR

Dead Island é un xogo que ninguén daba un peso por el, incluso se considerou cancelado aí atrás, pero como é un márketing? que dende que sacaron fai uns días o seu espectacular tráiler o xogo está en boca de todos.

Por se aínda non tivestes a oportunidade de desfrutar do sanguinario tráiler, déixovolo aquí:

Pois despois de sacar este tráiler á luz o xogo comezou a recorrer os canles de toda a rede, tanto que incluso a industria do cine lle quere botar man.

Concretamente o productor Sean Daniel (A momia,Chacal,Blanco Humano…), que xa está buscando un bo quión para a película.

De todos é sabido que destes filmes non se pode esperar nada bo,porque moito me da a min que este productor veu algo realmente xenial como é este tráiler, e pretende imitalo.

Conseguirao?,sairá finalmente este filme á luz?, persoalmente non me emociona nada.