Parece ser que nuns anos os cines recibirán unha serie de cintas baseadas en videoxogos, o que non é boa nova para aqueles excépticos, pero si para aqueles inxénuos.

Así, a títulos como Ratchet & Clank ou Heavenly Sword, únese Sly Cooper, coas primeiras imaxes incluídas.

O filme estará dirixido por Kevin Munrou, productor dos anteriores mencionados e chegará aos cines no longo do 2016.

Aínda que agardar, mais aquí vos deixo as tres primeiras imaxes que vos darán unha primeira impresión, para uns mala, para outros boa.

O documental «KAZ: Pushing The Virtual Divide» que trata sobre o «Gran Turismo» e o seu creador Kazunori Yamauchi chega hoxe ao servizo Hulu nos Estados Unidos.

Segundo anuncion a compañía Sony, o documental chegará a outras plataformas, como Sony Entertainment Network, Amazon Instant Video e Crackle, o vindeiro 5 de febreiro.

“KAZ leva ao espectador a través dunha viaxe cinematográfica de dedicación e creatividade a través do obxectivo de Kazunori Yamauchi, o arquitecto detrás do nacemento do Gran Turismo e os seus 15 anos de evolución. O filme amosa imaxes e historias nunca antes contadas por algunha da xente máis influínte na industria automobilística e dos videoxogos.”

O documental foi gravado durante un período dun ano en máis de 12 localizacións ao redor do globo.

A pouco máis de dous meses para o lanzamento da adaptación cinematográfica da saga de carreiras «Need for Speed», a compañía Dreamworks segue a promocionala publicando novos vídeos do filme. Nesta ocasión traémosvos dous vídeos:

No primeiro vídeo podemos ver como o protagonista Jesse Pinkman, perdón, quero dicir Aaron Paul, tivo que mellorar as súas habilidades ao volante para a rodaxe do filme.

Neste segundo vídeo, amósannos o traballo detrás das cámaras do equipo de especialistas encargados de facer realidade as escenas de acción do filme.

O lanzamento está previsto para o vindeiro 14 de marzo.

Como xa vos informamos anteriormente, a produtora Dreamworks está a traballar na adaptación cinematográfica do videoxogo «Need for Speed».

Con Aaron Paul (máis coñecido polo seu papel como Jesse Pinkman na serie «Breaking Bad») á fronte, levarán á pantalla grande a velocidade e persecucións que deron fama á saga de videoxogos.

Hoxe mesmo publicaron o cartel oficial do filme:

O lanzamento está previsto para marzo de 2014.

Fai uns días coñeciamos un novo atraso de tres meses no lanzamento do filme.

Desta vez, parece que chegan boas novas e vanse confirmando os actores que participarán no filme. Entre os nomes que Universal Pictures ven de confirmar atopamos coñecidos actores como Ben Foster, Travis Fimmel, Paula Patton, Toby Kebbell e Rob Kazinsky.

Ben Foster interpretou o papel de Russel Corwin na serie “Six Feet Under”. Tamén apareceu en filmes como “X-Men: A decisión final” ou “30 días de escuridade”, entre outras.

Travis Fimmel é coñecido por interpretar a Ragnar Lothbrok na serie “Vikings” (2013).

Paula Patton apareceu recentemente no filme “2 Guns” (2013) e “Misión Imposible: Protocolo Pantasma” (2011).

Toby Kebbell apareceu no filme “Ira de titáns” (2012) e “Prince of Persia: As areas do tempo” (2010).

Pola súa banda Rob Kazinsky interpretou recentemente a Macklyn Warlow na sexta tempada da serie “True Blood” (2008) e a Chuck Hansen no filme “Pacific Rim” (2013).

Ademáis destes nomes xa confirmados, tamén están a negociar con outros actores como Dominic Cooper, protagonista no filme “Capitán América” (2011) e que tamén aparecerá na adaptación cinematográfica do «Need for Speed» (2014).

Se non hai máis aprazamentos, está previsto que o filme chegue ás salas de cine o vindeiro 11 de marzo de 2016.

Así o anunciaron na conta oficial de World of Warcraft no Twitter.

Release date for WARCRAFT from @Legendary Pictures released by @UniversalPics is moving from December 18, 2015, to March 11, 2016.

— World of Warcraft (@Warcraft) November 27, 2013

Estaba prevista a súa chegada as salas o 18 de decembro de 2015, mais esa data atrasouse uns tres meses ata o 11 de marzo de 2016.

Outro atraso máis dende o seu primeiro anuncio en 2006, cambios de director e protagonistas sen confirmar… Chegará de verdade algún día ás salas de cine?

Un grupo de fans crearon unha curta baseada no videoxogo Watch Dogs.

Creado por | InfectiousDesigner

Como xa vos comentaramos anteriormente, Dreamworks está a traballar na adaptación cinematográfica de «Need for Speed».

Recentemente publicaron outro novo tráiler para ir promocionando o filme de cara o seu lanzamento o vindeiro marzo de 2014.

O prolífico novelista de temática militar e espionaxe Tom Clancy faleceu a noite do pasado martes en Baltimore.

Ademáis das coñecidas adaptacións cinematográficas das súas novelas, como “The Hunt for Red October” ou “Patriot Games”, tamén foi coñecido no mundo dos videoxogos dende que en 1996 fundou Red Storm Entertainment, que lanzou o Rainbow Six.

Dado o éxito da saga Rainbow Six, Ubisoft adquiríu o estudo e expandíu a marca Tom Clancy creando as novas franquías Ghost Recon e Splinter Cell e máis recentemente con títulos como o H.A.W.X. e EndWar.

En decembro chegará ás salas cinematográficas Shadow One, dirixida polo coñecido Kenneth Branagh, mentres que no tocante aos videoxogos, Ubisoft lanzará o agardado The Division en 2014.

Blizzard está a preparar, xunto a Legendary Pictures (produtora de títulos como “300”), o lanzamento dun filme baseado no World of Warcraft.

Baixo o título «Warcraft», está previsto o seu lanzamento para o vindeiro 18 de decembro de 2015, tal como podemos ler na mensaxe do seu perfil en Twitter:

We’re pleased to announce that @Legendary Pictures’ WARCRAFT will be released by @UniversalPics on December 18, 2015.

— World of Warcraft (@Warcraft) October 1, 2013

Todos os rumores indican que os actores Colin Farrell (“Corrupción en Miami” (2006), “Desafío total” (2012)) e Paula Patton (“2 Guns” (2013), “Misión imposible: Protocolo fantasma” (2011)) protagonizarán a adaptación cinematográfica do videoxogo.

Aos mandos do filme estará o diretor Duncan Jones (“Código fonte” (2011)).

Dreamworks está a traballar nunha adaptación cinematográfica da popular saga de carreiras «Need for Speed».

A película contará coas características que fixeron coñecida á saga: superdeportivos, persecuicións policiais e explosións.

Aos mandos do proxecto está o director Scott Waugh. En canto ao reparto, estará protagonizada polos coñecidos actores Aaron Paul (co-protagonista da exitosa serie Breaking Bad), Michael Keaton e Dominic Cooper.

Está previsto que o filme chegue ás salas en marzo de 2014.

Pola súa banda, Sony tamén está a traballar na adaptación á gran pantalla do seu simulador de carreiras Gran Turismo, pero aínda non hai datas confirmadas.

Un grupo de fans australianos rodaron, grazas a unha campaña de financiación online (o tan de moda “crowdfunding”), unha curtametraxe sobre o Legado Lanius, personaxe que aparece no FallOut: New Vegas.

Despois de conseguir recadar algo máis de 19 mil dólares o pasado mes de decembro, recentemente remataron a produción da curta e publicárona en YouTube.

“Á beira da ruina, o pobo de Hidebark está a piques de ser escravizados pola Lexión de César. Con todo, o seu máis cruel guerreiro preferirá a morte á deshonra. “FallOut: Lanius” contará como un simple home levará á ruína ao seu pobo, debido á súa sede de sangue e vitoria.”

.

Máis información na páxina da campaña de financiación.