O novo God of War podería trocar de mitoloxía

Por: Xoves, 11 de Decembro de 2014, 13:00 COMENTAR

Cory Barlog, o director creativo de Sony Santa Mónica, declarou recentemente nunha entrevista que Kratos podería ser invencíbel ante os deuses da mitoloxía grega, o que pode entenderse como que o seguinte xogo da saga vai deixar dita mitoloxía de lado para explorar outras diferentes. Tamén confirmou que este xogo non será unha precuela, a diferenza do último da saga, “God of War: Ascension”.

Que opinades deste troca de mitoloxía? Se tivese que apostar cartos, faríao a que a escollida vai ser a mitoloxía exipcia.

Comezan as rebaixas de inverno de Humble Store

Por: Xoves, 11 de Decembro de 2014, 12:00 COMENTAR

Humble Store, a plataforma de venda online que naceu a partir do éxito de Humble Bundle, comezou antonte as súas rebaixas de inverno, que estarán abertas ata o próximo luns día 22 de decembro, non son tan importantes como as de Steam, pero nunca está de máis deixar os cartos nunca páxina que colabora en actos solidarios.

The Witcher 3 atrásase ata maio

Por: Xoves, 11 de Decembro de 2014, 11:00 COMENTAR

O estudo polaco CD Projekt Red anunciou recentemente que o seu xogo de referencia, The Witcher 3: Wild Hunt adiará o seu lanzamento dende febreiro ata o 19 de maio de 2015.

De acordo co dito polos desenvolvedores, este atraso nas datas é debido a pequenos erros detectados no intre de unir as diferentes partes que dan forma ao xogo, aínda que recentemente estiveron no ollo da tormenta polo downgrade gráfico ao que foi sometido o xogo entre o mostrado nos intres iniciais e no último vídeo, é necesario lembrar que o xogo terá versións de PS4, Xbox One e PC, que podería ser a orixe desta baixada gráfica.

Novo parche para Alien: Isolation

Por: Xoves, 11 de Decembro de 2014, 10:00 COMENTAR

Un dos xogos destacados deste ano 2014 que está a piques de rematar, Alien: Isolation, recibiu unha actualización que engade 2 novas dificultades a un xogo xa por si mesmo esixente abondo.

Estes novos niveis de dificultade son o chamado “Pesadelo”, que, como é de supor polo seu nome, eleva a dificultade do xogo e que provoca que o Alien sexa quen de lembrar as nosas estratexias para non caer 2 veces na mesma trampa. O outro nivel adicional é unha simplificación do nivel normal, de modo que aquel que desexe rematar o xogo sen moitos problemas poderá facelo.

Este parche foi publicado antonte.

Game of thrones chega a Google Play

Por: Xoves, 11 de Decembro de 2014, 9:00 COMENTAR

Por fin temos entre nós o novo xogo de Telltale Games, como non podería ser doutro modo, trátase dunha aventura gráfica, neste caso baseado no universo de Game of Thrones, a saga literaria de moda nestes intres.

Aínda que o xogo xa chegara hai un tempo a Steam, agora chéganos a versión para dispositivos Android do mesmo, a un prezo de 3.98€ o primeiro capítulo dun total de seis, sendo posíbel tamén mercar todos o mesmo tempo a un coste conxunto de 16,24.

Horarios das conferencias do E3 2014

Por: Mércores, 28 de Maio de 2014, 20:00 COMENTAR

Xa foron publicados os horarios nos que terán lugar as diferentes conferencias deste E3 2014:

 

Luns 9 de Xuño

Microsoft: 18:30

Electronic Arts: 21:00

Martes 10 de Xuño

Ubisoft: 0:00

Sony: 3:00

Nintendo: 18:00

Steam Controller aprázase ata 2015

Por: Mércores, 28 de Maio de 2014, 19:15 COMENTAR

O Steam Controller, o mando que empregarán as futuras consolas de Valve, foi retrasado oficialmente ata o vindeiro ano 2015.

Fontes de Valve indican que este retraso é debido á resposta non totalmente satisfactoria dos usuarios que están a probar estes novos mandos, un grupo de probadores no que estarían involucradas tanto persoas relacionadas co mundo dos xogos coma persoas totalmente alleas ó mesmo.  Parece ser que os problemas veñen máis concretamente por parte do deseño dos derradeiros prototipos inalámbricos.

Con este artigo iniciamos a serie que mostrará os diferentes xogos que van ser mostrados ou anunciados durante o E3 que terá lugar nas próximas datas. En primeiro lugar falaremos acerca dos xogos da distribuidora 2K Games.

A compañía Californiana en teoría presenta 3 xogos, cada un cun tema bastante diferente:

Borderlands: the pre-sequel (PC, Xbox 360, PS3)

bl_prsql10581026_ss_04

Como ben indica o seu nome, esta nova entrega da saga sitúase entre o primeiro e o segundo xogo, de modo que cubrirá os 5 anos de diferenza argumental entre os 2 xogos xa existentes. Promete o mesmo que fixeron realidade os seus predecesores, isto é, acción sen freno, personaxes carismáticos e o estilo visual característico da saga.

Inicialmente o xogo non sairá en sistemas de nova xeración, polo que é posíbel que o seu prezo non sexa tan alto como sería en caso de ir a ocupar espazo nos catálogos das consolas de nova xeración. Descoñécense moitos datos acerca desta entrega, pero o tamaño do seu escenario parece estar situado entre os tamaños das dúas entregas anteriores da saga.

 

Civilization: Beyond Earth (PC)

civilization_beyond_earth-2508497

Unha gran nova para os amantes da estratexia. Firaxis anunciou recentemente o desenvolvemento dun novo xogo da lexendaria saga de estratexia por turnos Civilization. Nesta ocasión tomaremos o mando dunha colonia espacial creada nun remoto planeta no que intentar salvar á humanidade da desaparición total. Con estes antecedentes e tendo en conta o estudo que encárgase do desenvolvemento, é imposíbel non pensar naquela obra maestra chamada Alpha Centauri, aínda que os encargados declararon unha e outra vez que os dous xogos non teñen nada en común máis aló do espazo interestelar.

 

Evolve (PC, Xbox One, PS4)

Evolve-From-The-Darkness-0013_1280x720

 

Atopámonos sen dúbida ante un dos xogos máis esperados deste ano 2014. Os creadores da coñecida saga Left 4 Dead asumiron o reto de desenvolver un multixogador online para 5 xogadores no que 4 conformarán un equipo para tentar acabar co 5º. Tendo en conta a revolución que supuxo Left 4 Dead e a súa influenza en xogos posteriores e o modo no que trocou o mundo multixogador para sempre, un únicamente pode esperar con toda a calma posíbel ata o vindeiro 21 de Outubro, data na que, en teoría, Evolve verá a luz.

A diferenza do ocorrido con Play Station 3, Sony anunciou recentemente nunha reunión corporativa que o seu sistema de nova xeración xa era económicamente rentable.

Cun coste de fabricación de 381$ e un precio de venta de 399, contrasta enormemente cos 805$ que costaba fabricar e os 599 ós que cada PS3 era vendida. Deste modo, co troco de modelo de negocio, Sony espera reducir unhas perdas que nos 2 primeiros anos de vida da anterior consola dos xaponeses acadaron os 3000 millóns de $.

No tocante ós xogadores e a aqueles que desexen comprar un destes sistemas próximamente esto pode ser unha gran nova, xa que aunque Sony non teña a necesidade de rebaixar moito máis o prezo para acadar un maior número de ventas, é únicamente unha cuestión de tempo que caia dun modo bastante notorio grazas a reducción aínda maior dos custos de fabricación en referencia á xeración anterior.

Agent poderia ser reanunciado no E3

Por: Luns, 26 de Maio de 2014, 9:00 COMENTAR

Agent, un xogo anunciado no 2007 por parte de Take-Two, poderia ser anunciado en datas próximas, toda vez que en Xullo do 2013 foron rescatados os dereitos sobre a propiedade do título, e de que únicamente unhas datas atrás, fora tamén rescatada a marca Agent. 

Estes feitos parecen indicar unha volta á actividade de desenvolvemento do título, é de esperar que en consolas de nova xeración.

Half Life 3 e Left 4 Dead 3 confirmados

Por: Domingo, 25 de Maio de 2014, 21:42 COMENTAR

Minh “Gooseman” Le, un dos creadores do coñecido shooter online Counter Strike confirmou recentemente nunha entrevista no medio goRGNtv que a esperada terceira parte da saga Half Life está a ser desenvolta nestes intres.

Como non podía ser de outro modo, xa comezaron os rumores acerca dunha próxima saída do xogo tendo en conta que o E3 2014 terá lugar en datas próximas. Na direccion oposta, das palabras de Gooseman extráese que o desenvolvemento do xogo está nunha etapa bastante temprana, dado que únicamente fala acerca de imaxes conceptuais, non do xogo en sí mesmo.

Por outra parte, si que fala de imaxes ingame de outro xogo que era un segredo público que estaba en proceso de desenvolvemento, pero que agora queda totalmente confirmado, como é a terceira parte doutra das sagas de Valve, unha que trocou o mundo multixogador online para sempre, como é Left4Dead.

Parece que tras unha longa espera, por fin Valve aprendeu a contar ata 3.

Microsoft presentará DirectX 12 na GDC

Por: Martes, 11 de Marzo de 2014, 22:12 COMENTAR

descargaMicrosoft anunciou recentemente que a nova versión de DirectX presentarase na próxima GDC, en concreto o día 20 de Marzo.

Como maior novidade,  resalta o feito de que parécese confirmar que a Xbox One disporá de capacidade para soportalo.