Por se vos esquecedes, mañá tedes un evento que incluso pode traer máis expectación que o propio E3, mañá presentarase ao mundo a sucesora da Xbox 360.

Aaron Greenberg, un dos responsábeis de Microsoft falou sobre este evento e sobre o que nos deparará o E3 por parte da compañía americana.

O certo é que vamos contar unha historia en dous eventos. Vamos comezar o día 21, que será para presentar a nova plataforma Xbox; a nosa visión sobre o futuro dos xogos, o futuro do entretemento. Sen dúbida temos moitas sorpresas planeadas.

A xente poderá botar un gran vistazo ás entrañas do que é crear unha nova plataforma, e o equipo que lle deu vida. Para ser honesto, é en realidade sobre o equipo, a xente que hai aquí.

Por outro lado tamén falou sobre o E3 e a resposta foi alentadora para todos, xa que mencionou que “os xogos serán todo no noso E3, con toneladas de primicias e exclusivas mundiais”.

De momento, se queredes seguir a presentación da nova XBOX poderedes facelo dende Xbox.com e en Xbox Live a partires das 19:00.

Non estades impacientes?

Fake ou realidade? Será o cartel que empreguen para presentar o xogo ou non? Saberémolo no próximo E3.

Penso que Naughty Dog xa se consagrou para a posteridade como desenvolvedora de videoxogos, abonda xirar a cabeza e ver o enorme número de xogos de calidade que ten ás súas costas.

Dentro dun mes chegará ás tendas a súa próxima obra, The Last of Us que promete repetir calidade e éxito. Un dos seus principais artistas, Nate Wells falou sobre este título, concretamente sobre os seu multixogador.

E de verdade, non podo prepararvos para o mellor multixogador xamais creado.

Así de contundente foron as súas palabras. Serán certas? será estratexia de márketing? Nun mesiño sairemos de dúbidas.

Xa falamos noutras ocasións que a nova consola de sobremesa de Nintendo está perdendo o apoio de múltiples compañías á hora de lanzar videoxogos para esta.

Agora é o turno de EA, unha das compañías máis importantes no ámbito, a cal dixo que polo de momento non ten preparado sacar absolutamente ningún xogo para a Wii U.Cero xogos.

EA xa se mostrara contraria a esta consola dicindo que o seu motor Frostbite non collía na Wii U, mais de isto a non sacar absolutamente ningún videoxogo hai un paso xigante, un paso que debería preocupar a Nintendo.

Só queda pensar cal foi o motivo que empurrou a EA tomar esta decisión, mais divagacións á parte, Nintendo queda sen o apoio dunha das compañías máis fructíferas do panorama videoxoguil.

Por fin temos o primeiro teaser tráiler do seguinte título de Batman: Arkham. Como todos os teasers non vemos máis que unha CG na que observamos loitar a Batman. O xogo sairá o 25 de outubro.

A primeira entrega de “Metro 2033” foi un FPS con toques de survivol horror cunha ambientación excelente no que avanzabamos por escuros “metros” enfrontándonos a perigosos inimigos e a nós mesmos.

A segunda entrega chega o día 17 de maio para PC,Xbox 360 e PS3 e polo que puidemos ver manterá a sublime ambientación que puidemos desfrutar anteriormente.

A isto hai que engadirlle inimigos máis grandes (esperemos que igual de duros) e polo que parece, as balas e recursos non sobrarán, polo que teremos que coidar moi ben a nosa munición.

Dentro duns días chegará ás tendas e sairemos de dúbidas.

A consola portábel que empregará tecnoloxía Tegra 4 e que trae o nome de Nvidia Shield aterrará nas tendas no mes de xuño baixo un prezo de 349 dólares.

Recordemos que esta consola permite reproducir xogos Android na súa pantalla ou nalgunha TV, ademais de permitir xogar a títulos de Steam para PC.

Aqueles interesados poderán facer a reserva deste aparello a partires do día 20 de maio na web oficial da compañía.

Se temos en conta que no cen por cen das veces fan o cambio de moeda 1$=1€, non é un prezo bastante elevado para esta consola?

As ventas falarán por si soas en breve.

Microsoft anunciou cun par de fotos cal será o lugar onde presentarán á sucesora da Xbox 360. Moi espectacular non é, esperemos que o evento si.

A necesidade de sorprender ao xogador para un éxito do propio xogo debería estar escrito no manual dos desenvolvedores destes. Moitos conségueno creando novas IPs da nada, mais cando este primeiro título ten un éxito suficiente para que lle sigan novas partes, como manter esta orixinalidade sen caer na monotonía?

E aquí é onde hai que aplaudir a evolución da saga de Take Two, Bioshock, que soubo que a evolución é o camiño axeitado e que conxelarse nunha idea soa non era o correcto. Hai xogos que non poden dicir o mesmo, verdade Dead Space?

Despois daquel primeiro Bioshock que sorprendeu a todo o mundo pola súa calidade tanto a nivel xogábel, gráfico, de ambientación, de innovación… seguiulle unha segunda entrega que nos volvía somerxer en Rapture, a cidade acuática na que se desenvolvían os feitos, mais desta volta encarnando a un dos xigantes que tiñamos que eliminar no primeiro título.

Ler o resto da entrada »

Despois de que Castlevania: Lords od Shadow sorprendese á toda comunidade de xogadores, chéganos nova información sobre a súa segunda entrega.

O que máis sorprende é que a historia de Gabriel rematará nesta segunda entrega, nada de estirar a historia con “pseudotramas” e a historia narrarase en dous períodos de tempo diferentes, un cunha ambientación contemporánea e outra nun castelo noutra época.

Por outro lado teremos á nosa disposición dous poderes que deberemos invocar baixo o nome de “Baleiro” e “Caos”, o primeiro obsequiaranos saúde por cada golpe e o segundo daranos máis forza e poder.

Para rematar coas novidades, os inimigos finais serán moito máis longos e difíciles de eliminar, deberemos traballar con máis intensidade para o noso fin.

Cal será a estratexia de Nintendo coa súa nova consola de sobremesa?

Eu non a sei, mais eles deberían comezar a fixarse se están polo camiño adecuado porque cando as compañías comezan a non dar soporte a esta consola é que algo mal se está facendo.

A última en amosarse contraria a esta consola foi Avalanche Studios, creadora de Just Cause.

A verdade é que temos algúns kits de desenvolvemento de Nintendo Wii U que están aí, collendo po. Penso que é unha plataforma “guai” e todo iso, mais agora mesmo non é para nós.

Nintendo, dende o noso punto de vista, sempre foi moi difícil de alcanzar. Nunca sabes como poñerte en contacto con eles.

Despois destas palabras podemos entender que a terceira entrega de Just Cause non chegará a esta plataforma e mentres, no mundo de Nintendo, seguen eles mesmos sacando os seus propios xogos para intentar que as desenvolvedoras se animen.

Será un paxaro?
Será un avión?
Será Dishonored?
Será Bioshock?

Fonte | Imgur