xboxone

Estaredes de acordo en que cando unha empresa ten que aclarar tantos detalles da súa consola, sacar diariamente declaracións para calmar os xogadores e mesmo rectificar sobre algunhas das súas políticas, entón é que algo non se está a facer ben.

Pois poucas horas despois de que Microsoft anunciase que a Xbox One non tería que conectarse diariamente para xogar e que o mercado de segunda man continuaría como actualmente, o vicepresidente corporativo de Xbox, Marc Whitten, saíu á palestra para realizar unhas declaracións.

Deste xeito afirmou que todos os videoxogos que merquemos deberán ser instalados na consola para desfrutar dos seus contidos, así como conectar a Xbox One á internet cada vez que adquiramos un novo título para activalo.

O directivo tamén deixou caer que Kinect deberá estar conectada permanentemente para que a consola funcione, independentemente de que o xogo empregue este dispositivo ou non.

E para concluír aclara que o día do lanzamento, a Xbox One xa terá unha actualización:

Sempre estivo planeada unha actualización para o día do lanzamento, débese simplemente a unha diferenza entre os calendarios de fabricación fronte aos de software.

Son eu, ou continúan obrigando a ter internet para xogar?

vita-mega-pack

Parece que Sony está decidida a facer despegar de vez as vendas da súa portábel, e se semanas atrás dicían que estaban a traballar en numerosos títulos para a PS Vita (a compatibilidade coa PS4 tamén axuda) agora sacan esta nova para todos aqueles indecisos en adquirir unha destas consolas.

Deste xeito Sony anunciou que sacarán o que denominaron PS Vita Mega Pack, que inclúe dez xogos da portábel e un cartón de memoria de 8 xigas por 40 €.

Os títulos que aparecerán neste pack son:

  1. LittleBigPlanet PS Vita
  2. WipeOut 2048
  3. MotorStorm RC
  4. Little Deviants
  5. Frobisher Says! (inclúe DLC Fun Pack)
  6. Ecolibrium (cos packs Bronze, Silver, Gold e Platinum)
  7. Ratchet and Clank: Size Matters
  8. Lemmings
  9. Hungry Giraffe
  10. The HD Adventures of Rotating Octopus Character

Algúns dirán que os xogos non son de demasiada calidade, outros que o cartón de memoria tampouco é tan grande se vas descargar habitualmente da PSN, mais persoalmente este movemento de Sony paréceme un acerto.

Tendo en conta que un cartón hai que mercalo, e non son precismente baratos, non está mal esta promoción.

Max Payne 3 chegará a Mac o 20 de xuño

Por: Mércores, 19 de Xuño de 2013, 13:30 COMENTAR

max payne 3 1Un ano despois de que Max Payne 3 chegase á Xbox 360, PS3 e PC, o próximo vinte de xuño aterrará na plataforma Mac.

batman-arkham-origins

Como saberedes, a próxima aventura do cabaleiro escuro está en camiño, mais despois da calidade e do éxito das dúas entregas anteriores os fans non están moi convencidos deste Origins, por que? pois porque Rocksteady xa non estará detrás do xogo, e son Warner Bros Game Montreal os encargados de que Batman volva por todo o alto.

Polo de momento o que vemos nos vídeos non desgusta, mais esa incerteza segue patente nos xogadores, polo que Eric Holmes, directivo do propio estudo tivo que saír a facer unhas declaracións ao respecto:

A xente ten todo o dereito a ser cínica, pero que veñan e proben o xogo nun dos eventos a onde o levamos. Penso que tan pronto como teñan o mando na man verán que é un xogo auténtico e que emprega as mesmas mecánicas que os xogos previos da saga Arkham.

Pero despois disto continuou falando até chegar ao punto que queremos, asegurando que o título terá unha historia que enganchará e gustará a todos, sobre todo aos que sen fans do superheroe:

Ademais creo que sobre todo temos unha gran historia. Non podo contar moito sobre ela, pero o que si podo asegurar é que estou moi emocionado con ela. É unha historia moi importante no mundo de Batman e os fans, estou seguro, van desfrutar dela moito máis que calquera outra persoa.

Agora só toca agardar ao 25 de outubro a que chegue ás tendas para confirmar que isto sexa certo, e para que vaiades abrindo o apetito, déxovos o tráiler do xogo:

Novos detalles sobre Playstation Plus de PS4

Por: Martes, 18 de Xuño de 2013, 16:35 COMENTAR

PlayStation-Plus

Non todo foron boas noticias no evento que levou a cabo Sony coa súa nova consola, e sen dúbida, un dos detalles que menos gustou á comunidade de xogadores foi que para xogar online a calquera videoxogo nesta consola houbese que pagar.

Mais para matizar algún detalle deste servizo de pago, un dos directivos de Sony, Fergal Gara, fixo unhas declaracións na que aclara que as actualizacións e contidos multimedia estarán dispostos para calquea usuario, sen necesidade de pago.

Se decides non suscribirte aínda, tes moitas cousas por facer. Acceder á TV Online e ao servizo de filmes, as características sociais de PS4 e aos xogos da consola sen suscripción, actualizacións automáticas… así que estamos tratando de ser o máis equilibrados e xustos como nos sexa posíbel.

Pero a pesar disto, tampouco negaron que os subscriptores de Playstation Plus terán maiores vantaxes, incluíndo a versión de Drive Club que recibirán coa súa saída, iso si, con algunha limitación.

Blanka “troll”

Por: Martes, 18 de Xuño de 2013, 13:08 COMENTAR

Blanka sempre tivo mal xenio, aquí van algúns exemplos que o confirman

Vía | Youtube

Xbox One vs Pedra

Por: Martes, 18 de Xuño de 2013, 12:10 COMENTAR

Xbox One vs pedra

Pedra, papel, Xbox One: Papel gaña á pedra, pedra machaca á Xbox One, e Xbox One pisa papeis

Vía | El Rincón del Humor

io-interactive-logo-black

Aínda coa resaca da feira do E3 enterámonos dunha mala nova para todos, o estudo responsábel da saga Hitman, IO Interactive, reducirá os seus traballadores á metade.

Parece ser que a crise chega a todos os ámbitos, e despois de que varios estudos tivesen que pechar as súas portas meses atrás, tócalle a IO Interactive, que se ben é certo que non desaparece, a súa plantilla redúcese o suficiente como para ter que cancelar outros títulos que tiñan pensado e centrarse unicamente na próxima entrega de Hitman:

Estamos a facer cambios significativos dentro do estudo para aliñar o noso negocio fronte a este mercado cambiante e deifícl. Así, IO Interactive centrarase principalmente no futuro da franquicia Hitman, no cal se atopa inmerso na produción dun novo triple A desta saga.

Porén, tivemos que tomar a difícil decisión de cancelar outros proxectos en IO Interactive e reducir a plantilla do propio, algo que afectará a case a metade dos empregados que se atopan actualmente dentro da compañía.

O que aínda non anunciaron foron os enigmáticos títulos que cancelaron ou que tiñan pendentes sacar, pero o que non cabe dúbida é que foi un golpe para o estudo. Conseguirá manter así a calidade do anterior Hitman en futuras entregas?

dead_space_wallpaper_by_rai_130

A franquicia Dead Space é un dos claros exemplos de como non hai que evolucionar, porque se ben é certo que a primeira entrega foi un soplo de aire fresco nunha xeración chea de FPS, a segunda abandonaba un chisco o survival horror e tensión previa, para dar paso a unha terceira parte a cal xa podemos definir como xogo de acción.

Pero sabemos que Dead Space é un nome con forza e con suficientes fans como para seguir nunha nova entrega, mais despois de tantos rumores anunciando unha cancelación da cuarta entrega, o responsábel de EA Games, Patrick SÖderlund, sacou estas declaracións:

Eu non diría que a franquicia estea cacelada. Para nós foi unha marca feita por un equipo apaixonado (Visceral Games). Está o equipo traballando nunha nova entrega de Dead Space? Non, non están.

Pero si que están a traballar noutro proxecto moi interesante, debemos velo dende esta perspectiva.

Que é mellor, poñelos a traballar nunha cuarta entrega despois da realización dos tres anteriores ou poñelos a facer algo novo que realmente queren facer?

Cando se lle pregunta se volveremos ver un novo Dead Space a resposta é a seguinte:

Haberá outro Dead Space? Quen sabe? Matamos á saga? Non, dende logo que non. Mais agora mesmo ese equipo de desenvolvemento está centrado noutra cousa que vos fará moi felices a ti e a outros xogadores.

Pero a verdadeira pregunta é, que novo título está a preparar Visceral Games? Seguirá plantexando unha aventura de medo, ou pola contra cambiará completamente de temática?

No E3 2013 asistiron 48.200 visitantes

Por: Venres, 14 de Xuño de 2013, 15:07 COMENTAR

e3 outroEste é o número de visitantes no E3 deste ano. En comparación co ano pasado aumentaron nunhas 2500 visitas, que deixaron na cidade un ingreso de 40 millóns de dólares.

Por certo xa se sabe cando será o E3 do próxima ano, do 10 ao 12 de xuño de 2014.

The_Last_Guardian

Xa non tiña boa pinta, que nin neste E3, un dos máis importantes dos últimos anos, amosasen nin un mínimo de The Last Guardian, algo non pinta ben.

E porque os xogadores temos tantas ganas de velo?, pois porque os seus creadores (nun inicio encabezado polo xenial Fumito Ueda), foron os encargados de ICO e Shadow of the Colloussus, dous títulos inmersivos e imrescindíbeis.

Pois ben, para alonxarnos de calquera temor de cancelamento, o actual responsábel e cabeza visíbel do proxecto, Shuhei Yoshida, afirma que o xogo está vivo e continúan traballando nel:

The Last Guardian segue vivo e coleando en termos de desenvolvemento. Abonda con visitar Japan Studio para ver que moita xente continúa traballando nel. Mais queremos estar confiados e seguros do que amosemos ao público, polo que estamos agardando o momento.

A parte disto tamén mencionou que a realización dun videoxogo non é nada doado de levar a cabo, e confesa que se a comunidade de xogadores non estivesen tan interesados neles, posiblemente xa terían cancelado o xogo:

O desenvolvemento dos videoxogos non é nada doado, e aínda que pareza que The Last Guardian é un caso extremo, eu non creo que o sexa. O que si é extremo é o interese para todos os xogadores do noso estudo. E isto é o que nos fai seguir adiante incluso cando nos atopamos con grandes dificultades técnicas. Se fose outro proxecto, probablemente o acabaramos deixando a medias.

A min non me da demasiada confianza que un xogo teña tantos problemas e non poidan nin amosar un mínimo, mais sexamos positivos e contemos que nun breve espazo de tempo poidamos observar algo de The Last Guardian.

Así é a interface de PS4

Por: Mércores, 12 de Xuño de 2013, 13:18 COMENTAR

Se queredes saber como é a interface da PS4 aquí tedes un vídeo demostrativo que nos amosa a un rapaz movéndose por varias opcións que nos permite a nova consola de Sony: