Albert-Penello

Agora parece que a Microsoft lle vai algo mellor despois de que tivese que baixar os pantalóns diante dunha comunidade gamer que non aceptaba as políticas de obrigatoriedade a conectarse cada 24 horas ou o bloqueo dos xogos de segunda man, mais, aínda hoxe, na compañía seguen sen comprender esta reacción dos xogadores.

Así o comenta Albert Penello, quen parece que está tomando o control:

Penso que co tempo a xente entenderá o que intentabamos facer, e entón veranse as reaccións. A xente estará como “Deus, quero que aquelas medidas volvan”. O problema é que penso que os xogadores tiñan na cabeza que o que íamos facer era o mal, ou algo anti-xogador.

Estivemos observando como funciona Steam e IOS, cara onde ían os consumidores e pensamos, ” Agora podemos dar unha gran experiencia dixital”. O cambio ao dixital ocorrerá antes do que os xogadores pensan.

Agora pensámolo e non deixa de sorprendernos as reaccións ao que intentabamos facer.

Con isto podemos asegurar que Microsoft non se quita da cabeza o movemento que pretendían facer e tarde ou cedo levarano a cabo. En canto tempo pensades que o formato físico desaparecerá? Parece ser que ninguén é o suficientemente romántico como para querer conservar este formato.

Hai non, que eliminando o formato físico aforraranse os cartos de creación, edición e distribución…todo colle forma.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

2 Comentarios a “Microsoft aínda non comprende porque causou tanta polémica o “sempre conectado””

  1. NetOverflow di:

    Que todo acabará sendo dixital e volverán poñer esas medidas xa se sabe que é cuestión de tempo. Alegarán, como fan noutras industrias, que é polo medio-ambiente, que se o plástico isto, que se os discos o outro… pero se o fan é sinxelamente porque lles sae máis barato.

    E se baixaron os pantalóns foi soamente porque a súa principal competencia non seguíu os mesmos pasos e non tentou impoñelas polémicas medidas, porque, sexamos claros: se Sony as tivese incluído tamén, pouco lles ían importar ás dúas compañías os comentarios dos usuarios. Pero claro, vendo que non fixeron o mesmo, en Microsoft sabían de sobra cara onde se ía inclinar a balanza no número de vendas, que é o único que a eles lles importa e de aí a rectificación.

  2. […] Microsoft aínda non comprende porque causou tanta polémica o “sempre conectado” […]

Deixar un comentario