Nova imaxe do próximo título de Cliffy B.

Por: Luns, 2 de Setembro de 2013

Recoñezámolo, Cliff Bleszinski desfruta sendo o centro de atención dos medios de comunicación e se para iso ten que sacar imaxes do seu novo proxecto con contapingas, así o fará.

Pero entón porque tanta espectación? Pois porque aínda con todas as declaracións poémicas que realiza, non deixa de ser o creador de Gears of War, unha saga que revolucionou esta xeración e da cal moitos xogos plaxiaron xogabilidade.

Deste xeito, o novo videoxogo que está a crear Cliffy B. colócase nun dos máis agardados.

Así, saca á luz unha nova imaxe da súa próxima criatura:

Blezinski_teaser

Na imaxe observamos o que parece un pai e un fillo que teñen que sobrevivir nunha cidade futurista, o que nos pode recordar nun primeiro momento ao xenial The Last of Us.

Até que Bleszinski queira ofrecer algo máis que imaxes sobre este título, teremos que conformarnos con imaxes do propio. Seguiremos agardando.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario