mow-modtool
A compañía Eversim acaba de poñer á venda a ferramenta de modificación (máis coñecida como “Modding Tool”) para o seu xogo «Geo-Political Simulator 3: Masters of the world».

Con esta ferramenta, o usuario poderá modificar os datos económicos, demográficos, etc. de cada país, crear os seus propios escenarios e misións dentro do xogo que poderá compartir cos demáis e moitas cousas máis.

Lanzado o pasado febreiro, é un coñecido simulador político no que o xogador toma o mando dun país cun obxectivo fixado en certas misións ou total liberdade de acción para tomar as decisións que considere oportunas para crear unha ditadura ou levar a democracia ao país. Se ben a saga conta con moi boas característas para ser un bo xogo, tamén é moi coñecido pola enorme cantidade de “bugs” con que contan todas e cada unha das súas entregas, ata o punto de chegar a facerse inxogable, algo pouco permisible, se temos en conta o prezo da última entrega, de 49,95 € (como mínimo, se non escollemos o “servizo de descarga extendido” e o envío dunha copia física do xogo).

O prezo desta ferramenta de modificación é de 14,95 € (máis 3,95 € se escollemos o “servizo de descarga extendido”) e está dispoñible na súa páxina web.

Sobre o autor:

@NetOverflow | Ver as entradas publicadas por NetOverflow »

«A miña primeira consola propia foi unha das míticas compatibles coa NES que traían un feixe de xogos dentro. Máis tarde adquirín unha SNES coa que botei moitas horas diante da televisión, ata que me pasei ó mundo do PC, onde descubrin un mundo novo. Actualmente ando entre os xogos de PC e os de XBOX 360, aínda que de cando en cando, conecto a SNES para volver desfrutar cos seus grandes xogos.»

Deixar un comentario