Charlie Scibetta

Charlie Scibetta

A pesar do éxito que tiveron as consolas de Nintendo como Nintendo Wii ou Nintendo DS, non son poucas veces que se lle pide a esta compañía que saque videoxogos para outras consolas e que se pase directamente ao mundo das third-parties.

Pero Nintendo segue convencida que a súa estratexia é fundamental para as súas máquinas, e o director de relacións corporativas, Charlie Scibetta, falou sobre este tema:

Os sistemas de Nintendo son os mellores en canto ao hardware, e o software funcionan en perfecta harmonía. Este é o motivo polo que seguimos no negocio do hardware, porque cremos que o hardware é a mellor maneira de darlle vida ao software.

As máquinas que facemos están perfectamente afinadas para estas experiencias xogábeis. Cando Mario salta de fungo en fungo, todo ten unha resposta tan exacta porque o software foi creado especificamente para este hardware.

Así que polo que podedes ver podémonos esquecer de ver títulos de Nintendo noutras plataformas.

A vós que vos parece esta decisión?

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

2 Comentarios a “Nintendo seguirá creando xogos exclusivamente para as súas consolas”

  1. NetOverflow di:

    “Os sistemas de Nintendo son os mellores en canto ao hardware,…”
    Sen comentarios… 😀

  2. Moucho Branco di:

    Creo que quere dicer que son os que mellor funcionan na harmonía entre o hardware o software por cuestión dese roio que solta logo… ou iso ou unha embolia, que tamén pode ser.

Deixar un comentario