watch-dogs
A división de filmes de Ubisoft anunciou que está a traballar para levar á pantalla grande tres das súas maiores franquías: «Watch Dogs», «Far Cry» e «Rabbids», que se engaden a outras tres xa anunciadas: Assassin’s Creed (con Michael Fassbender como Desmond Miles), Splinter Cell (con Tom Hardy como Sam Fisher) e Ghost Recon (coa direción de Michael Bay).(Estes actores aínda non foron confirmados oficialmente, pero son os que máis soan, segundo os rumores da industria).

Segundo Jean-Julien Baronnet, CEO de Ubisoft Motion Pictures, a compañía tratará estes filmes como títulos independentes con novas historias, non como adaptacións dos videoxogos. Tamén comentou:

“Non todos os videoxogos farán un bo filme e para outros pode que sexa moi pronto para facer un filme.”

A relación da industria dos videoxogos coa do cinema non é nova, pois xa existen numerosos títulos que contan con adaptación cinematográfica, con diferentes niveis de calidade e éxito, como é o caso de «Resident Evil» , «Super Mario Bros.» ou «Tomb Raider» , por exemplo.

Noutras declaracións recentes, Yves Guillemot confirmou que están a traballar en tres novas entregas da saga Assassin’s Creed. Tamén comentou que polo de agora a compañía non se plantexa crear exclusivas para a Wii U, polo menos, mentres Nintendo non mellore as cifras de vendas da súa nova videoconsola.

Sobre o autor:

@NetOverflow | Ver as entradas publicadas por NetOverflow »

«A miña primeira consola propia foi unha das míticas compatibles coa NES que traían un feixe de xogos dentro. Máis tarde adquirín unha SNES coa que botei moitas horas diante da televisión, ata que me pasei ó mundo do PC, onde descubrin un mundo novo. Actualmente ando entre os xogos de PC e os de XBOX 360, aínda que de cando en cando, conecto a SNES para volver desfrutar cos seus grandes xogos.»

2 Comentarios a “Ubisoft traballa nos filmes de «Watch Dogs», «Far Cry» e «Rabbids»”

  1. Skaltum di:

    Rabbids? En serio?

    Aínda que non me preocupo demasiado, que como case todos, seguro que rematan canceladas.

    • NetOverflow di:

      A min tamén me chamou a atención o desa versión, pero quen sabe, igual é a máis exitosa de todas.

      P.D: Eu aínda estou agardando polo filme do «Gears of War». Un ano destes, quizáis… xDDDD

Deixar un comentario