Plants vs Zombies 2 estrearase en xullo

Por: Skaltum Luns, 6 de Maio de 2013

Despois dunha longa espera por fin se confirma a segunda entrega de Plants vs Zombies, o famoso xogo de defensa no que tiñamos que facer fronte a un exército de zombis coa única axuda dunhas plantas.

Plants vs Zombies 2: It´s About Time chegará ao longo de xullo, así o demostra Pop Cap nun teaser tráiler no que non nos amosa absolutamente nada do xogo, aínda que si bastante divertido.

Esperemos saber día exacto e plataformas, aínda que case seguro estará presente para todas as actuais,IOS,Android,PSN,XBLA, etc.

Novas

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»