microsoft-logo-wallpaper-1024x680

 Onte volvían agromar os rumores que apuntaban á posibilidade de que a nova XBOX (de nome clave Durango) necesite estar permanentemente conectada á rede para funcionar. Aparentemente os rumores foron reavivados por fontes da revista Kotaku, que concretaban mesmo que os xogos interrumpirían o seu normal funcionamento se a conexión á rede se perdese durante uns minutos.

 Mais se onte era un novo ruxe-ruxe, hoxe sae á palestra Adam Orth, director creativo de Microsoft Game Studios, para amosarse públicamente favorábel á conexión permanente dos videoxogos. Fíxoo a través de Tweeter onde, entre outras cousas, defendía a “modernidade” de este formato e soltaba un lapidário “acéptao” a usuarios alarmados polos rumores e  descontentos con que a rede comece a convertirse nunha cárcere para xogadores offline. Aínda que este tipo de plantexamento é xustificado como unha vía para manter ao usuario actualizado e informado mesmo en títulos offline, a utilidade fundamental é o control das copias ilegais e o manter ao xogador sometido a constante publicidade de outros títulos ou contidos descargábeis.

 As declaracións de Orth foron nun ámbito informal e en absoluto representan unha comunicación oficial da compañía, mais parecen apuntar na mesma dirección que os rumores até agora difundidos por importantes medios do sector nos últimos meses.

Sobre o autor:

@Moucho Branco | Ver as entradas publicadas por Moucho Branco »

«Houbo dous comezos entre os videoxogos e mais eu. O primeiro remóntase a mediados-finais dos 80 e a un Amstrad, un monitor monocromo, e unhas cintas que tardaban o tempo xusto en cargar os xogos para facer a modiño un bocadillo de nocilla. Eran os tempos das quests deseperadas por moedas de 5 pesos co fin de rebentar algún arcade. Logo chegou a NES e a primeira era das consolas, que deixaría momentos gloriosos nos 8 e 16 bits. O segundo comezo foi coa era das tres dimensións e a chegada ás casas dos 32 bits. Foi entón cando comprendín que ao madurar non esquecería os videoxogos, senón que terían o bonito detalle de madurar comigo. E até hoxe seguimos madurando xuntos, (van gañando eles).»

4 Comentarios a “Todo apunta a que a nova XBOX necesitará conexión permanente a Internet.”

  1. Skaltum di:

    O que non me parece xustificábel desta persoa é a forma de dicir as cousas, con tono burlesco incluído como:

    Para que demo quería eu vivir alí? (Cando lle mencionan pobos e aldeas nas que moita xente non ten internet)

    Deberían poñerse ao día e conseguir internet.Mola bastante (Cando lle din que hai xente que non dispón de internet)

    E referíndome á nova, dame medo este feito, sempre fun xogador offline e gustaríame continuar así, e aínda que polo de momento só son rumores, Cada vez son máis habituais, polo tanto…

  2. Carlos di:

    Menudo aparavado, e coma sempre microsoft crendose os reis do mundo canda xa vai tempo que os superaron en todos os aspectos…

  3. NetOverflow di:

    Fraco favor lle van facer ás videoconsolas con estas medidas. Dame a min que os fabricantes de hardware para PC xa se están a frotar as mans…

    Prefiro non falar desas “declaracións” (por chamalas algo) dun directivo dunha compañía que se supón seria. Unha cousa é que fagas eses comentarios nunha charla cos amigos e outra que o digas públicamente representando a quen representa este individuo.

  4. Moucho Branco di:

    Internet estáse convertindo nunha cárcere para moitos usuarios, mais do que unha vantaxe, iso é triste, pero o problema de fondo son as políticas comerciais que se están poñendo en práctica en xeral… eu comezo a acreditar nos que profetizan un novo crack do 83´ para a industria.

Deixar un comentario