lucasarts

Despois de mercar fai uns meses a compañía de George Lucas, LucasArts, por uns 4 mil millóns de dólares, a compañía Disney acaba de anunciar que pechará a división de videoxogos da compañía para pasar dun modelo de creación propia a un modelo venta de licenzas.

Isto parece confirmar que os dous principais proxectos que tiña a compañía, «Star Wars 1313» e «Star Wars: First Assault» serán cancelados, aínda que pode que se lle venda a licenza a outro estudo e acaben vendo a luz.

Nun comunicado a compañía comentou:

“Despois de avaliar a nosa posición no mercado dos videoxogos, decidimos cambiar LucasArts dun modelo de desenvolvemento interno a un modelo de licenzamento, minimizando o risco para a empresa, acadando un catálogo máis amplo de calidade de xogos de Star Wars. Como resultado desa mudanza, tivemos despedimentos en toda a organización. Estamos incriblemente gratos e orgullosos dos equipos talentosos que están a desenvolver os nosos novos títulos.”

Segundo certos informes, onte mesmo, 3 de abril, os ao redor de 150 traballadores da empresa foron informados do peche e o seu despedimento.

Sobre o autor:

@NetOverflow | Ver as entradas publicadas por NetOverflow »

«A miña primeira consola propia foi unha das míticas compatibles coa NES que traían un feixe de xogos dentro. Máis tarde adquirín unha SNES coa que botei moitas horas diante da televisión, ata que me pasei ó mundo do PC, onde descubrin un mundo novo. Actualmente ando entre os xogos de PC e os de XBOX 360, aínda que de cando en cando, conecto a SNES para volver desfrutar cos seus grandes xogos.»

Deixar un comentario