CrashBandicootWallpaper800

Naughty Dog, esa compañía que converte en ouro todo o que toca e que destaca por saber fidelizar a gran parte dos xogadores habituais con sagas diferentes en cada xeración, (Crash Bandicoot en PSX; Jak & Daxter en PS2 e Uncharted en PS3) falou precisamente da súa primeira criatura, do Crash Bandicoot e as palabras foron esperanzadoras para os fans.

Lonxe de esquecerse desta mascota, a igual que fixeron cos grandísimos Jak e Daxter (por favor, volvede algún día) opinan que Crash necesita un reinicio completo da saga.

Aínda que actualmente Naughty Dog está completamente desvinculada á saga, un dos seus fundadores fai as seguintes declaracións:

Crash Bandicoot necesita un reincio completo. É posíbel restaurar a historia e regresar ao conflito orixinal contra Cortex. Así que poderiamos retomar a opción clásica dos inimigos vistos nos dous primeiros títulos de Crash Bandicoot.

Por outro lado tamén debemos apostar por ofrecer un toque máis moderno, ao estilo Looney Tunes e animacións similares.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario