O pasado luns anunciabamos que Memoria Pixelada ía ser entrevistada pola Radio Galega no programa A Tarde.

Como é obvio todos os colaboradores non podiamos estar presentes, polo tanto Xende (Moucho Branco) e un servidor (Skaltum) achegámonos ao estudo para falar un pouquiño sobre a nosa páxina.

Cales foron os incios de Memoria Pixelada, que ofrecemos ao público, cantos colaboramos e de que foma neste proxecto e incluso tivemos tempo de comentar que tipo de videoxogos nos gustan máis a cada un e cal vai ser o futuro dos videoxogos.

Se non tivestes a ocasión de escoitarnos en directo, non vos preocupedes, aquí vos deixamos a entrevista para que non a perdades.