1up-gamespy

Menos dun mes despois da compra do grupo IGN por parte da empresa J2 Global de Ziff Davis, un portavoz da compañía confirmou que parte do persoal será despedido e algunhas páxinas do grupo como as recoñecidas 1UP ou GameSpy, entre outras, serán pechadas.

“Estamos a centrarnos nas nosas dúas marcas emblemáticas, IGN e AskMen”, comentou o portavoz. “Desgraciadamente, como resultado, tomamos a decisión de pechar sitios web e reestruturar os nosos equipos”.

Os detalles da adquisición do grupo IGN por parte de J2 Global non foron publicados, pero informes previos cifran a compra moi por baixo dos 650 millóns que News Corp. pagou en 2005 pola mesma.

Sempre permanecerán na nosa memoria.

Sobre o autor:

@NetOverflow | Ver as entradas publicadas por NetOverflow »

«A miña primeira consola propia foi unha das míticas compatibles coa NES que traían un feixe de xogos dentro. Máis tarde adquirín unha SNES coa que botei moitas horas diante da televisión, ata que me pasei ó mundo do PC, onde descubrin un mundo novo. Actualmente ando entre os xogos de PC e os de XBOX 360, aínda que de cando en cando, conecto a SNES para volver desfrutar cos seus grandes xogos.»

Deixar un comentario