Ni No Kuni retrasado unha semana

Por: Mércores, 9 de Xaneiro de 2013

Namco Bandai vén de anunciar que o seu esperadísimo xogo Ni No Kuni: A Ira da Bruxa Branca será retrasado unha semana debido a problemas loxísticos no mercado europeo.

Deste xeito teremos que agardar até o día un de febreiro a probar este fermoso título de Level 5, o que nos ofrece unha garantía segura de calidade.

A compañía comunicou que para compensar este retraso ofrecerá un pequeno obsequio dixital que se poderá descargar o día do seu lanzamento.

Se recordamos Ni No Kuni será un RPG con impresionantes animacións empregando o motor gráfico Cell Shading reproducindo animacións en tempo real de alta calidade e sumerxíndonos nun mundo máxico á procura de recuperar a nai do protagonista.

Contando os días que faltan.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario