A compañía nipona Sony presentou no marco do Tokyo Game Show unha nova versión da súa actual videoconsola, a PlayStation 3.

Esta nova versión é un 25 por cento máis pequena e un 20 por cento máis lixeira que a actual PS3 Slim e se a comparamos coa primeira versión, estas cifras rondan o 50 por cento.

En Europa estará dispoñible en dous modelos: un con 12 GB Flash de almacenamento e outro cun disco duro de 500 GB de almacenamento. Mentres que no mercado nipón e americano, o modelo de 12 GB Flash contará cun disco duro de 250 GB de almacenamento.

As datas de saída e prezos segundo o mercado son:

Modelo de 500 GB:
Europa:  28 de setembro por 299 Euros.
América: 30 de outubro por 299 dólares.
Xapón:   4 de outubro por 29800 yens.

Modelo de 250 GB:
Europa:  non dispoñible.
América: 25 de setembro por 249 dólares.
Xapón:   4 de outubro por 24900 yens.

Modelo de 12 GB Flash:
Europa:  12 de outubro por 229 Euros.
América: non dispoñible.
Xapón:   non dispoñible.

Sobre o autor:

@NetOverflow | Ver as entradas publicadas por NetOverflow »

«A miña primeira consola propia foi unha das míticas compatibles coa NES que traían un feixe de xogos dentro. Máis tarde adquirín unha SNES coa que botei moitas horas diante da televisión, ata que me pasei ó mundo do PC, onde descubrin un mundo novo. Actualmente ando entre os xogos de PC e os de XBOX 360, aínda que de cando en cando, conecto a SNES para volver desfrutar cos seus grandes xogos.»

Deixar un comentario