Nas mans de SEGA está este título, Binary Domain, un shooter en terceira persoa na que imita o sistema de cubertura e disparos da grandísima saga Gears of War e cun argumento futurista na que os robots e as máquinas controlan a sociedade.

O tráiler deixa moi bo sabor de boca, tanto polas situacións límite que se mostran como polo apartado técnico, aínda que personalmente paréceme que non é constante, é dicir, os personaxes están moi ben recreados, mais os escenarios parecen baleiros de máis.

A variedade de situacións como manexar vehículos como coches ou lanchas pode ser a guinda final dun xogo que promete bastante e que esperemos que continúe así.

Para sabelo teremos que esperar até o 24 de febreiro, xa non queda nada.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario