“Jak & Daxter Collection” chegará á PS3

Por: Martes, 11 de Outubro de 2011

Dentro de min había unha voz que dicía non volverei comentar estas colecións que sacan as compañías de xogos anteriores remasterizados e en HD dirixidas única e exclusicamente para sacar diñeiro sen moita complexidade. Mais acabo de romper este xuramente interior, porque a saga que recompilarán de novo e en HD marcoume na anterior xeración.

Exacto, refírome á grande (xoia) saga creada polos grandes Naughty Dog, Jak & Daxter, a grande triunfadora referíndonos ás plataformas (esquezamos a merda de xogo de condución que sacaron, esquezámolo).

O primeiro Jak & Daxter foi unha auténtica xoia das plataformas que cativou millóns de xogadores; a segunda parte superou todo o visto até o momento neste xénero, mesturando sand box con aventura/plataforma (totalmente imprescendíbel); e a terceira entrega tiña un aspecto máis serio e tamén moi divertido.

Pois ben, estes tres videoxogos chegarán en HD á PS3 ao longo do 2012 (aínda non especificaron día concreto). E se sodes dos que non xogastes a saga Jak sendo fans das plataformas, xa podedes estar atentos a esta recopilación, porque son uns títulos moi recomendados, personalmente resaltando á segunda entrega.

Unha mágoa que a súa compañía creadora anunciase que pretende abandonar a franquía, unha verdadeira mágoa.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario