A rexogabilidade do “Batman: Arkham City”

Por: Domingo, 4 de Setembro de 2011

Aínda sodes dos que non tendes gana de que chegue este cacho título? Aínda sodes escépticos coa cualidade que irradiará o Arkham City? Persoalmente, con cada declaración que fan os responsábeis, as ansias de apoderarme del medran considerabelmente.

As últimas declaracións viñeron da man do xefe de márketing de Rocksteady, nas cales informaba que o Batman: Arkham City será un xogo completamente rexogábel.

Concretamente dixo:

Cando terminas a historia principal, podes voltar a xogala mantendo todos os gadgets e melloras. Mais… é que as vas necesitar! Porque a configuración dos inimigos mudará e todas as asistencias de combate —como os raios azuis que che indican cando un inimigo está a piques de baterte— desaparecerán […] Terás que te antecipar aos golpes só vendo as animacións do inimigo.

Como vedes, outro detalle para non perder de vista este novo título do home morcego.

Non dás chegado dunha vez

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario