Preguntarédesvos o por que deste título. Pois é sinxelo, o Aliens Colonial Marines está a ser desenvolvido por Gearbox Studios, pais da saga Brothers in Arms. E algún destes xornalistas “intelixentes” pensou, “esta compañía especializada en estratexias a tempo real de escuadróns e tal será capaz de facer o mesmo con Aliens Colonial Marines?”.

De verdade pensaba que ían facer un xogo coa técnica de Brother in Arms..? Pois o bo de Randy Pitchford presidente do estudo respondeu ironicamente que sería moi complexo flanquear un alien, polo que Aliens Colonial Marines sería un xogo moi diferente aos que acostumamos realizar.

Tamén aproveitou para engadir que pretenden que sexa un título accesíbel cunha interface clara e directa, porque segundo dixo “non se poden facer estratexias militares para sorprender a un alien”. Alén diso, preténdese que nos combates actúen decenas de “bichos con sangue ácida”, polo que sería moi complexo pórse a planificar estratexias.

Non sei como vai acabar este proxecto, mais se é tan mao como o Aliens vs Predator (xogo que non dei acabado polo tedioso que me pareceu) non paga a pena dedicarlle tanto tempo. Mais como sempre, teñamos un pouco de fe.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario