Para todos aqueles usuarios da PS3, sei que estades á espera do lanzamento do Uncharted 3: Drake´s Deception. E non é para menos. Mais como sabedes aínda haberá que agardar até novembro.

Pero tranquilos, porque hoxe aterra a beta do multixogador desta exclusividade de Sony para que vos vaiades facendo unha idea do que nos depara. Iso si, só poderás descargala se tes unha conta de PSN+ ou o código que viña dentro da caixa do InFamous 2. E que pasa co resto? Pois que terán que agardar ao 4 de xullo, día en que todo o mundo poderá probar esta beta.

A mencionada Beta durará até o 13 de xullo polo que se queredes explotala como é debido non vos despistedes. Dentro da Beta existen unha serie de recompensas que poderedes gañar como:

– Por descargar a Beta, recibiremos un avatar exclusivo de Beta Tester.
– Completando 10 partidas en cada modo multixogador competitivo, outorgarannos o Beta Decal Pack 1.
– Completando 5 partidas en modo cooperativo, darannos acceso o Beta Decal Pack 2.
– Por superar 4 veces un desafío de levar o tesouro, o Treasure Hunter’s Starter Pack.
– Se chegamos ao nivel 25 (máximo na beta), darannos diñeiro virtual para empregar na versión final.