Xoga ao ‘Zelda: Link’s Awakening’ en HTML5

Por: Luns, 27 de Xuño de 2011

Existe algún xogo de Zelda mao? Non creo, mais se houbese que facer unha listaxe sobre que Zelda é o mellor, moitos usuarios habían de pór este título da Game Boy arriba de todo.

Como saberedes saíu na eShop (a tenda online de 3DS) a un prezo totalmente abusivo de 6€.

Pois ben, calquera que teña HTML5 poderá desfrutar deste título totalmente gratis e sen necesidade de instalar nada, e o mellor de todo é que almacena a partida gardada só con premer X + Z + Shift + Enter.

O control non sorprenderá a ninguén:

– Botón A: Tecla X
– Botón B: Tecla Z
– Botón Select: Tecla Shift
– Botón Start: Tecla Enter

Xa sabedes, se queredes revivir outro dos míticos xogos de Zelda e pasar unhas agradábeis tardes só tedes que premer na ligazón a seguir. Desfrutádeo.

Xogar a The Legend of Zelda: Link’s Awakening

Descargas Navegador Novas

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

2 Comentarios a “Xoga ao ‘Zelda: Link’s Awakening’ en HTML5”

  1. Agrella di:
    Luns, 27 de Xuño de 2011 ás 13:52

    Teño que decir, que sí hai xogos de zelda malos, algún día falarei de eles, so digo unha cousa, CDI.

    E agora a viciarme a este gran invento.

    Responder
  2. AmilGZ di:
    Luns, 27 de Xuño de 2011 ás 14:22

    Eu engadiria ao apontado por Agrella o ‘Zelda II: The Adventure of Link’ da NES. Mas sim, o Link’s Awakening é um dos que mais enganchado me tivêrom 😉

    Responder

Deixar un comentario