Apenas quedan tres horas e media para que a conferencia de Microsoft inicie, e para facer tempo até as seis da tarde, amósovos o novo tráiler de Resident Evil:Operation Raccoon City que presentou Capcom.

O vídeo só é unha cinemática polo que agora non podemos dicir nada do propio xogo, pero o que se amosa non ten problema, máis virus (o de sempre), máis infectados, máis tiros…

Veremos se este título se alonxa da acción para centrarse nos corredores típicos da saga e se o argumento está á altura. Pouco a pouco iranse sabendo máis detalles sobre este título.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario