Dreamcast portátil

Por: Martes, 31 de Maio de 2011

No mes de xuño chegará ás tendas xaponesas unha versión portátil da Dreamcast, a última videoconsola lanzada por Sega. O trebello vai ser vendido pola cadea Pachimon.TV por 38.000¥ (uns 327€) sen contar coa licenza oficial de Sega. A dicir polo seu tamaño moi portátil non é, e bonita tampouco. E non se teñen datos sobre a batería, a pantalla, a compatibilidade… mais que máis ten, é unha Dreamcast portátil! Poderás xogar ao Sonic Adventure mentres estás no cuarto de baño!

Para ese grande sector do noso público que fala xaponés, aquí está a páxina oficial: http://pachimon.tv/goods.php?code=438310&menu=&kind=NEW&keyword=&shop_id=aqsASsrSx

Sobre o autor:

@AmilGZ | Ver as entradas publicadas por AmilGZ »

«Cando tiña 8 anos regaláronme a miña primeira consola, unha Mega Drive noviña do trinque. No momento en que a conectei á televisión e vin un ourizo azul a rodar pola pantalla, notei un bolboretear no meu estómago. Resultaron ser gases, mais aínda así gostei bastante dos videoxogos en xeral e de Sonic the Hedgehog en particular. Comezou así unha bonita historia chea de amor, sangue e bolachas de dinosauro que se estende até a actualidade.»

Deixar un comentario