Anunciado The Darkness 2

Por: Martes, 8 de Febreiro de 2011

Alá polo inicio desta xeración apareceu un xogo que non se lle deu a importancia que merecía. Tiña como título The Darkness e poñíanos na pel dun protagonista con super poderes escuros, nos cales destacaba a posibilidade de controlar a uns seres do inframundo.

Inxustamente non acadou a fama que realmente merece un xogo destas características, cun apartado técnico impecable, unha xogabilidade moi boa e unha historia que enganchaba cousa mala.

Para aqueles que desfrutamos deste infravalorado título estamos de sorte porque acaban de confirmar a segunda entrega. Incluso deron unha data, na cal sitúa a súa saída neste mesmo outono.

Eu só espero que estea á altura do orixinal.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

1 Comentario a “Anunciado The Darkness 2”

  1. NetOverflow di:

    Totalmente de acordo. A primeira parte foi moi infravalorada, polo menos para o meu gusto, xa que a historia é moi boa.

    En canto a esta segunda parte estará ben poder volver a tomar o control deses poderes escuros que posúe o prota Jackie Estacado, co que tantas horas teño desfrutado… jejeje

Deixar un comentario