Primeiro tráiler de Bioshock Infinity

Por: Mércores, 25 de Agosto de 2010

Fai uns días que se anunciou que sacarían unha nova entrega de Bioshock, pero creo que merece a pena volver uns días atrás para contemplar o espectacular tráiler de Infinity, a terceira entrega de Bioshock.

Nesta nova parte, deixamos Rapture e elevámonos aos ceos para protagonizar unha aventura nunha especie de cidade flotante, pero tranquilos que os “señores peixe” tamén estarán por alí arriba para facernos as cousas máis complexas.

O título sairá en 2012 para a 360 e Playstation 3 e volve a ser un shooter en primeira persoa ( tanto non ía cambiar a saga). Veremos a evolución deste título que xa está creando polémica pola rede, que se nunca debeu saír das profundidades oceánicas, que xa era hora de saíar á superficie…

Se son honesto, mentres o xogo sea divertido, por min como se o título se realiza no fondo dun volcán, pero polo de agora o tráiler é moi espectacular.

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

Deixar un comentario