Primeiro arrepentirme de chamar Kinect ao Project Natal no propio título, porque semellante nome tan antiestético, mal soante, feo… aínda que se o problema deste periférico só recaese no propio nome, non me importaría absolutamente nada, pero o problema é moito maior.

E a estas alturas creo que pasamos demasiado tempo especulando sobre cando sairía, e agora, por fin, temos a resposta oficial.

O 10 de novembro poderemos adquirir o Project Natal en calquera tenda, pouco despois da súa saída en América (4 novembro), e virá acompañado co impresionante xogo Kinect Adventures, a un prezo tan asequíbel como son 150 euros (por favor, nóteseme o meu sarcasmo e retranca tanto no referente ao xogo como ao prezo).

Se aínda queda alguén que queira gastar estos cartos está de sorte, porque finalmente sairá neste mesmo ano, e pode elexir entre títulos como Kinectimals, Kinect Sports, Kinect Central Dance…

Con estos títulos xa sabedes o que vos espera…