Edición Coleccionista de Crysis 2

Por: Martes, 13 de Xullo de 2010

Parece que se puxo de moda isto de sacar edicións coleccionistas por cada xogo “famosete” que crean.

Algúns deles bos, outros peores e moitos deles ridículos, que non pasan dunha caixa metálica e algún que outro contido descargábel.

Pero a verdade é que a edición especial de Crysis 2 gustoume bastante:

Unha mochila coa forma do nano traxe do protagonista, un libro de arte con 176 páxinas, unha estatua de Prophet, holograma de SCAR, camuflaxe de Waffenskin, rangos e ítems novos e como non podía faltar, unha caixa de metal.

Si, a mín tamén, o que máis me gusta de todo é a mochila, pero eu non vou pagar 200 dólares por todo isto, que é o que custa esta Edición Coleccionista, e como xa saberedes como fan o cambio, case seguro que chegará aquí a un prezo de 200 eurazos, unha cantidade case insultante que botará para atrás a bastantes xogadores… e non é para menos.

Ed. Esp. Crysis

Sobre o autor:

@Skaltum | Ver as entradas publicadas por Skaltum »

«A NES mudoume a vida. Descubrín sagas que motivarían a miña existencia e xogos que modificarían a miña forma de pensar. Pouco despois chegou a Game Boy e somerxeume aínda máis neste mundo do que xa non fun capaz de saír. Cantos adxectivos existen para describir unha boa experiencia cos videoxogos? Innumerábeis. Pero sei que uns cantos píxeles mudaron a miña personalidade. Só vos podo dar un consello: Cando poidades tomade un bo caldo de píxeles.»

5 Comentarios a “Edición Coleccionista de Crysis 2”

  1. Leo di:

    O xogo polos videos que vin ten unha pintiña espectacular. Si é tan bo coma a primeira parte e as expansións seguro que me mola. O video de New York impresionoume moito.

    Por certo, o prota é mallado a Wood da serie "Bones", ¿utilizaronno oficialmente como modelo ou é algo "circunstancial"?

  2. skaltum di:

    A decir verdade non sei moito desta saga, pois non xogo a títulos de PC pola pouca potencia do meu "cacharro" pero tivo unhas críticas espectaculares.
    Gráficamente din que é algo espectacular, e si que é moi bo, pero tampouco me parece que chame tantoa a atención como o fixo Gears of War no seu momento.
    Aínda así terei en conta este título.
    E tes razón sobre o de Bones, terei que investigar un pouco a ver se ten algo en común este parecido.

  3. rOke di:

    ome a verdade eu non iria con esa mochila pola rua, e menos se teño que pagar 200 eurazos por iso cando a edición normal sae a uns 70 euros…

  4. ramón di:

    Penso que por primeira vez na historia todos os gamers coincidimos nalgo, e é que as edicións coleccionistas están saíndo a uns prezos desorbitados.

  5. skaltum di:

    A verdade é que se están pasando bastante,pero parece que lles vai bastante ben con estas edicións, xa que cada vez sacan máis, e a un prezo moi similar aos 200 euros.
    Supoño que haberá xente que non lle importa gastar tanto diñeiro.

Deixar un comentario